Leo Tavuha gabe Jon nu Ravae 12:16 - Hano Niu Testamen

¹⁶ Non roron̄tai ram hav lai te batoi binihiva ata lol hano be mwa loli; take batena be Jisas nu hae mulei huri non tanon ratahigi, ram siv vinihi dumwia be ravrava Sabuga nu vev ginau geki huria i mulei be atatu ran lol ginau geki lalainia.

Leo Tavuha gabe Jon nu Ravae 12:16 ပူးပေါင်းရင်းမြစ်များ

Leo Tavuha gabe Mak nu Ravae 16:19

Haḡe ataguna be Jisas nu avo vuvuri maira, kea mwa hae mulei vai amare mwa dogo la mwatuan God.

Leo Tavuha gabe Mak nu Ravae 9:32

Non roron̄tai ram hav lai te dum binihiva huri silo vagahi gabe kea mwa bevea lalainira, i kera ram matagu be ramen hudalinia.

Leo Tavuha gabe Luk nu Ravae 18:34

Take non roron̄tai ram hav ron̄ te batoi ginau kera geki i binihiva huri non avoana nu hav melmelo tehe lalainira i kera ram hav ilo te dum hano gabe Jisas mwa avo huria.

Leo Tavuha gabe Luk nu Ravae 24:25

Jisas mwa bevea lalainira be, “Ira daloi, gim ravrava maragai be gimen binihimwasigi ginau duluai gabe ira atatun vevsera ran vevea!

Leo Tavuha gabe Luk nu Ravae 24:45

Haḡe mwa havan̄ nora binihiva be ramen ron̄ batoi Ravrava Sabuga duluai.

Leo Tavuha gabe Luk nu Ravae 9:45

Take non roron̄tai ram hav lai te dum binihiva huria. Mwa dahulinia ninira huri be rasav ron̄ te batoia, i kera mulei ram matagu be ramen hudalinia huri binihiva ata lol avoana geki.

Leo Tavuha gabe Jon nu Ravae 12:23

Haḡe Jisas mwa bwaliura mwa bevea be, “Tarona mwa mai kadogaha huriau Nitun Atatu be God vi lol roroai ihaku.

Leo Tavuha gabe Jon nu Ravae 14:26

Gaituramiu gabe Vui Sabuga, kea gabe Tata vi horae lol ihaku, vi vagahi kimiu alun ginau duluai i vi lol kimiu giv vinihi dum ginau duluai gabe nan vevea lalai kimiu.”

Leo Tavuha gabe Jon nu Ravae 16:4

Take nam bev ginau geki lalai kimiu, huria be mahavana vi mai hurira be ramen lol ginau kerageki, take giv vinihi dumwia be nan vev dau ginau geki lalai kimiu.” “Nam hav vev te ginau kerageki lalai kimiu la bwativuna, bwatuna be nan togo mai kimiu.

Leo Tavuha gabe Jon nu Ravae 17:5

Tata! Gov lol roroaiau kadogaha la lol matamwa, huri be nav roroa, nav roroa kun gabe nan togo maigo la bwativuna.”

Leo Tavuha gabe Jon nu Ravae 2:22

Batena be nu tomare mulei nin mateana, non roron̄tai ram binihi dumwia be nu vev ginau uhu amua, i ram binihimwasigi ravrava sabuga i havanau Jisas nu vevea.

Leo Tavuha gabe Jon nu Ravae 7:39

Jisas mwa avo kungeki huri Vui Sabuga, be kera be ram binihimwasiginia, kea vi laia lalainira. Ran hav lai te Vui Sabuga radu lol mahavana gea, bwatuna be Jisas mwa hav hae te mulei radu vai lol non ute Ratahigi.

Lalaḡova 2:33

God nu lol domareinia vai amare huba, be vi togo la mwatuana. God Tamanda nu lai Vui Sabuga lalainia huba, kun gabe nu tatauleo huba huria lalainia tuai. I ginau duluai gea be gim du gim ḡitae, i gim ron̄oe, kea rovoga non Vui Sabuga duluai gabe Jisas mwa laia lalai kamai.

Lalaḡova 2:36

“Haḡe sinombu duluai ira Jius rav iloe mwasigi be, Jisas geki gabe gin vohae vai alun volovolo, kea mwasigi atatu gabe God nu taua, Ratahigi i Wani Vurai.”

Lalaḡova 3:13

God non Ebraham, Aisak, Jekob, i God non ira sibida, nu lai mwasin non roron̄o, lalai non atatun rovoga Jisas. Take gim lin̄ia gin roron̄o, i gim bev dagarae lolmatan Paelat, vaivotu ataguna Paelat mwa bihinia be vi ribwesia.

Hibru 12:2

Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Hibru 8:1

Geki haḡea kun be muana huri bwativun nomai avoana duluai. Nonda muai tataroi gaituvwa, be nu vavtutu kun gabe kamai gam bevea. Kea mwa dogo lol ute atamare huba, i mwa dogo la mwatuan God gabe muramura duluai nona.