Leo Tavuha gabe Jon nu Ravae 11:47 - Hano Niu Testamen

⁴⁷ Haḡe ira Varise rituai maira muai tataroi ram ḡoḡo maira Kansel ram bevea be, “Tav lol hano? Kimiu gin gita ginau dan̄an̄a gabe wani geki mwa lolira!

Leo Tavuha gabe Jon nu Ravae 11:47 ပူးပေါင်းရင်းမြစ်များ

Matiu 26:3

Haḡe ira muai tataroi mai ira bwatmetua ira Jius ram ḡoḡo utegaituvwa la imwan Kaiavas, Muai Tataroi,

Matiu 5:22

Itake kadogaha inau nam bevea lalai kimiu be, ihei mwa lolhoroi tuana, wani gea vi lai silo vevegi huria. I ihei mwa bev bwarebware tuana, kea vi laiana vai lol imwan harahara gaivua. I ihei mwa uloi tuana be ‘Giḡo len̄len̄aga!’ wani gea vi haroro lol gabin ron̄ḡagarasi.

Leo Tavuha gabe Mak nu Ravae 14:1

Haḡe gubwen̄ gairua amua vuvuri gim sivora Samsamwaran Halbisḡalau mai Bereti Vatuga. Ira muai tataroi mai ira vagahin Silo ram dari halana be kun hanigi rav haḡo batugehi Jisas dahuligi be rav wehi bamatea.

Leo Tavuha gabe Luk nu Ravae 22:2

Haḡe ira muai tataroi mai ira vagahin Silo ram lol ron̄oe be ramen habwe te hala be rav wehi dahuli Jisas; bwatuna be ram matagui sinombu.

Leo Tavuha gabe Jon nu Ravae 11:57

Ira muai tataroi maira Varise ran vev daua, be atatu vwate vi iloe be Jisas mwa dogo behe, take vi seseraiana lalainira, huria be rav haḡo batugehia.

Leo Tavuha gabe Jon nu Ravae 12:19

Haḡe ira Varise ram bevea ginginira be, “Gin gitae, tasav mom lol te dum ginau gaituvwa! Kimiu gin gitae ureure duluai mwa huria!”

Leo Tavuha gabe Jon nu Ravae 2:11

Jisas nu lol muan ginau dan̄an̄a geki Kena lol vanua Kalili; aia kea nu lol bisirai sarisarina, i non roron̄tai ram binihimwasiginia.

Leo Tavuha gabe Jon nu Ravae 6:2

Sinombu gaivua mwa huria bwatuna ran gita ginau dan̄an̄a ivusi be nu lolira bwatuna nu varahura ira haroharogana.

Leo Tavuha gabe Jon nu Ravae 7:32

Haḡe ira Varise ram ron̄oe be sinombu ram biavoavo ḡoḡonai huri ginau kera geki alun Jisas, kunia kera maira muai tataroi ram hora ira gitaḡoro rituai be rav haḡo batugehia.

Leo Tavuha gabe Jon nu Ravae 7:45

Mahavana be ira gitaḡoro ram dabagilu mulei ira muai tataroi maira Varise ram hudalinira be, “Hurihano be gim hav lai te Jisas be giv mai maia?”

Lalaḡova 5:21

Haḡe ira hala ram dabe avoana non enjel, ram haroro mabon̄ gaituvwa ram dau bwatuna ram bagahi. Haḡe ira muai Tataroi maira rituai ram uloi ḡoḡora bwat metua nin ira Jius huri ḡoḡoan gaivua, i kera ram hora avoana vai lol imwa vauvauhi huri ira hala be rav laira vai abera.

Lalaḡova 5:24

Mahavana be ira muai Tataroi mai ira muai ḡoro Imwa Tataro ram ron̄ ginau geki, ram binbinihi maragai be havanau mwa loli lalai ira hala.