Leo Tavuha gabe Jon nu Ravae 11:32 - Hano Niu Testamen

³² Mere mwa botu aben Jisas, i mahavana be mwa ḡita dum Jisas, mwa hovi lol bwalagena, mwa bevea be, “Ratahigi, be giḡo gos togo teti, hogosiku sihav mate tehe!”

Leo Tavuha gabe Jon nu Ravae 11:32 ပူးပေါင်းရင်းမြစ်များ

Leo Tavuha gabe Luk nu Ravae 17:16

Kea mwa hivbwaubwau ḡoro Jisas hurin bwalagena mwa avkaria. Atatu gea ata Samaria.

Leo Tavuha gabe Luk nu Ravae 5:8

Batena Saemon Pita mwa ḡita hano be mwa loli, kea mwa hivbwaubwau lolmatan Jisas, mwa bevea be, “Visdagai niniau Ratahigi! Huri inau atat hantai!”

Leo Tavuha gabe Luk nu Ravae 8:41

Haḡe atatu vwate ihana Jaerus mwa botu; kea lavoa vwate ata lol imwa tataro, mwa hivbwaubwau hurin bwalagen Jisas mwa hudalinia be men van vai lol imwana,

Leo Tavuha gabe Jon nu Ravae 11:2

(Mere haḡea geki gabe nu vurai hun wai sasasavi alun bwalagen Ratahigi i mwa man̄ira gin iluna; Mere geki haḡea be tuana Lasarus gabe mwa haro.)

Leo Tavuha gabe Jon nu Ravae 11:21

Mata mwa bevea lalai Jisas be, “Ratahigi, be giḡo gos to teti hogosiku sihav mate tehe!

Leo Tavuha gabe Jon nu Ravae 11:37

Take kera rituai ram bevea be, “Matu kun be nu lol matagara ram ḡita mulei ute, huri hano mwa hav tuḡoro te Lasarus nin mateana?”

Leo Tavuha gabe Jon nu Ravae 4:49

Lavoa mwa bevea lalainia be, “Ratahigi, mai maiau amua nituku gim siv mate.”

Visirai 22:8

Inau Jon, i inau haḡea atatu gabe nan ron̄ ginau kera geki i nan gitae. I ataguna be nan gita ginau kera geki i nan gitara, nan sisiabwau gin gogonaiana lol bwalagen enjel gabe nu vagahiau ginia.

Visirai 5:14

Haḡe ginau rahu gaivasi ram bwaliua be, “Amen!” Haḡe ira bwatmetua ram hovi vai ataa ram ḡogonainira.

Visirai 5:8

I mahavana be mwa laia, ginau rahu gaivasi mai ira bwatmetua n̄avul gairua domwan gaivasi ram hiv bwaubwau goro nitui sipsip. I vatvatahara kasbol an̄oga ran masiri gin gaibonboni, gabe tataro duluai non sinombu non God.