Leo Tavuha gabe Jon nu Ravae 10:27 - Hano Niu Testamen

²⁷ Bilaku sipsip ram ron̄ dum siloku; nam ilora, i ram huriau.

Leo Tavuha gabe Jon nu Ravae 10:27 ပူးပေါင်းရင်းမြစ်များ

Matiu 16:24

Haḡe Jisas mwa bevea lalai non roron̄tai be, “Be ihei mwa doron be vi huriau, wani gea vi derai non doroniva sibona. Haḡe vi haḡo domarei non volovolo ba huriau.

Matiu 17:5

La mahavana be mwa avo radu na Pita, tenlan̄ gigita mwa haravuinira. Haḡe ram ron̄ avoana lol ten lan̄i gea mwa bevea be, “Geki haḡea Nituku gabe nam dabea i nam ron̄ mwandavuha ginia. Giv ron̄oe.”

Matiu 25:12

Itake atat lagi mwa bevea be, ‘Nam bev mwasigi be nam hav ilo te kimiu.’ ”

Matiu 7:23

I vuvuri nai vev luae lol matara be, ‘Nam hav ilo te kimiu. Gin vis dagai, kimiu ira hantain lalaḡo!’

Leo Tavuha gabe Mak nu Ravae 10:21

Jisas mwa ḡarere mwa ḡita ma-maragainia i mwa dabea mwa bevea lalainira be, “Ginau gaituvwa radu be gov lolia. Van ba salei nom viloḡoana duluai i gov lai homuna lalai ira hiru, i gov lai rosomwa lol ute atamare, vuvuri gov mai ba huriau.”

Leo Tavuha gabe Mak nu Ravae 8:34

Haḡe Jisas mwa ware sinombu mai non roron̄tai vai abena mwa bevea lalai nira be, “Be ihei mwa doron be vi huriau, wani gea vi derai non doroniva sibona. Haḡe vi haḡo domarei non volovolo ba huriau.

Leo Tavuha gabe Luk nu Ravae 13:27

Ta kea vi mom bevea mulei be, ‘Nam len̄ai kimiu be giru mai nin halabehe. Giv vis dagai niniau, kimiu ira hantain lalaḡo!’

Leo Tavuha gabe Luk nu Ravae 9:23

Haḡe mwa bevea lalainira duluai be, “Be ihei mwa doron be vi huriau wani gea vi derai non doroniva sibona, vi haḡo domarei non volovolo vataha gubwen̄ ba huriau.

Leo Tavuha gabe Jon nu Ravae 10:14

Inau radaiḡoro tavuha. Kun gabe Tata mwa iloau i nam ilo Tata, kunia mulei nam ilo bilaku sipsip i ram iloau. I nam lin̄ rahuku be nav mate hurira.

Leo Tavuha gabe Jon nu Ravae 10:16

Vatugi sipsip dodolua gabe bilaku ram hav togo tehe lol vatugigi geki. Nav laira mulei; rav ron̄ siloku, i rai vora vatugi sipsip gaituvwa mai radaiḡoro gaituvwa.”

Leo Tavuha gabe Jon nu Ravae 10:8

Kera dodolua gabe ran mai amua niniau kera susurana i atat wehiwehi bonogai, take sipsip ram hav ron̄ora tehe.

Leo Tavuha gabe Jon nu Ravae 12:26

Ihei tehe mwa doron be vi lalaḡo lalaiau vi huriau, huribe noḡu atatun rovoga rav huriau halabehe tehe nai van. I tamaḡu vi vinihi marahi ihei tehe be vi lalaḡo lalaiau.”

Leo Tavuha gabe Jon nu Ravae 21:22

Jisas mwa bwaliua mwa bevea be, “Be nav doronia be vi togo vaivotu be nav mai, vi vora kun hanigi lalainigo? Huriau!”

Leo Tavuha gabe Jon nu Ravae 5:25

Nam bev mwasigi lalai kimiu be mahavana mwa mai huba batena be ira atat mate rav ron̄ siloku, inau Nitun God, i kera be rav ron̄oe rav rahu mulei.

Leo Tavuha gabe Jon nu Ravae 8:12

Jisas mwa avo lalai ira Varise be, “Inau haḡea gigitan ureure. Be ihei tehe mwa huriau vi lai gigitan rahuana i sihav lago te dum lol ute meto.”

Leo Tavuha gabe Jon nu Ravae 8:43

Matuke gim hav ilo te ginau be nam bevea huri hano? Bwatuna haḡea be gim hav doron tehe be giv ron̄ roroi gabe nam bevea.

Lalaḡova 3:23

Haḡe ihei tehe gabe mwa hav tabe te atatun vevsera gea, vi hara borae nin sinombu non God i vi lol kaburainia.’

1 Korin 8:3

Take be atatu vwate mwa dabe God, atatu gea God mwa iloe.

Kelesia 4:9

Take kadogaha gom ilo God mwasigi. Mwasigi, kea God be mwa ilogo. I huri hano be gom ban mulei huri ira silo mandamanda i silo lete be gon hurira amua? Gom doronia be goi vora turi huri ginau keragea mulei?

2 Timoti 2:19

Take bwatbwatu be God nu taria sihav rihuan te dumwi; ira iha haḡea keragea ram du aluna: “Ratahigi mwa ilo kera be bilana,” i “atatu n̄oto be rai vora bilan Ratahigi rav mambu gin lalaḡov hantai.”

Hibru 3:7

Huri ginau gea, vi ḡunia be Vui Sabuga mwa bevea be,

Visirai 14:4

Kera be geki atatu n̄an gabe ran rarainira i ran hav bibili tehe gin rebehin vavine; kera ran gogona. Ram huri daltali nitui sipsip halabehe tehe be kea mwa bano. God nu vol luara huba i mwa lai luara nin atat dodolua. Ram bora muan atatu be ran vora hogoi lalai God mai nitui sipsip.

Visirai 3:20

Giv roron̄tai! Inau nam du lolvwan gatava nam dorodoro; be ihei mwa ron̄ siloku i mwa havan̄ gatava, inau nav haroro lol imwana ba ḡan ginau bul maia, i kea vi gan ginau bul maiau.