Leo Tavuha gabe Jon nu Ravae 10:16 - Hano Niu Testamen

¹⁶ Vatugi sipsip dodolua gabe bilaku ram hav togo tehe lol vatugigi geki. Nav laira mulei; rav ron̄ siloku, i rai vora vatugi sipsip gaituvwa mai radaiḡoro gaituvwa.”

Leo Tavuha gabe Jon nu Ravae 10:16 ပူးပေါင်းရင်းမြစ်များ

Matiu 17:5

La mahavana be mwa avo radu na Pita, tenlan̄ gigita mwa haravuinira. Haḡe ram ron̄ avoana lol ten lan̄i gea mwa bevea be, “Geki haḡea Nituku gabe nam dabea i nam ron̄ mwandavuha ginia. Giv ron̄oe.”

Leo Tavuha gabe Luk nu Ravae 15:8

“Sa be sivora vavine vwate non vatlegiga han̄vulu be han̄vuluna si vano vi lol hano huria? Kea vi tumus bulu, vi hiri lolon imwana, i vi hiḡe daltalinia vataha ute vaivotu vi habwea.

Leo Tavuha gabe Jon nu Ravae 10:11

“Inau radaiḡoro tavuha, nam lin̄ rahuku be nav mate huri sipsip.

Leo Tavuha gabe Jon nu Ravae 10:2

Atatu gabe mwa haroro n̄an la gatava kea haḡea radaiḡoro sipsip.

Leo Tavuha gabe Jon nu Ravae 10:27

Bilaku sipsip ram ron̄ dum siloku; nam ilora, i ram huriau.

Leo Tavuha gabe Jon nu Ravae 10:3

Wani mwa gitaḡoro matgatava mwa havan̄ gatava huria; i sipsip ram ron̄ silona mahavana mwa uloi mwasin bilan sipsip gin ihara i mwa domuai bwihavareinira.

Leo Tavuha gabe Jon nu Ravae 10:4

Mahavana be mwa lai bwihavareinira, kea mwa domuainira, i sipsip ram huria, bwatuna ram ilo silona.

Leo Tavuha gabe Jon nu Ravae 10:5

Rasav huri te dum ihei dolua; be kunia, rav romaragai nin wani gea, bwatuna ram hav ilo te silona.”

Leo Tavuha gabe Jon nu Ravae 11:52

i mwa hav vora te hurira n̄an, take be men haḡo bul mulei sinombu non God gabe ran visalsala gi rebehi gaituvwa.

Leo Tavuha gabe Jon nu Ravae 17:20

“Nam hav tataro te hurira n̄an, take mulei hurira gabe ram binihimwasigi aluku huri nora avoana.

Leo Tavuha gabe Jon nu Ravae 6:37

Kera gabe Tamaḡu mwa laira lalaiau rav mai vai abeku. Nasav vev te kaburai ihei tehe gabe mwa mai huriau,

Lalaḡova 15:14

Saimon mwa siv tugu halana lalai gida kunhanigi God mwa bisirai muana lalai ira Lolobon̄i be men lai dagai tatan̄ana vwate huria sibona.

Lalaḡova 18:10

bwatuna inau bul maigo i atatu vwate sihav lol te hantai dumwigo, bwatuna be noḡu sinombu ivusi alolon bwatutun vanua geki.”

Lalaḡova 22:14

Haḡe mwa bevea be, “God non ira sibida mwa uloi luago be gov ilo non binihiva, i be gov gita mwasin non atatun rovoga vavtutu, i be gav ron̄oe sibomwa be vi avo lalainigo gin mwasin silona.

Ravrava non Pol lalai ata Rom 11:25

Nam doron be kimiu giv ilo tavuhai gina dauhiligi geki, ira tuaku, i kimiu giv iloe be gim hav ilo te didinini ginau n̄oto. Udun Israel ram lol bwatwasi, take kea vi leahi kebe ivusi ira Lolobon̄i rav mai aben God.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

1 Pita 2:10

Tuai kimiu gin hav vorate atatu, take kadogaha kimiu haḡea atat non God. Tuai kimiu gin hav lai te sine hagavi, take kadogaha gim lai sine hagavi non God.

1 Pita 2:25

Kimiu gin kun sipsip be mwa la dadaligi, take kadogaha gin mai mulei vai aben radaiḡoro huri sipsip be kea haḡea atatu be mwa gitaḡoro huri rahumiu.

1 Pita 5:4

I lol taro be Kraes, muai radaiḡoro, vi mai, kimiu giv lai gaisosorin bwatu sarisari be sihav vano te dumwi na gabolanana.

Visirai 3:20

Giv roron̄tai! Inau nam du lolvwan gatava nam dorodoro; be ihei mwa ron̄ siloku i mwa havan̄ gatava, inau nav haroro lol imwana ba ḡan ginau bul maia, i kea vi gan ginau bul maiau.