Leo Tavuha gabe Jon nu Ravae 1:12 - Hano Niu Testamen

¹² Ta kera rituai gabe ran lai ḡoḡoe, ram binihimwasiginia; i mwa lolira ram mai gi ira nitun God mwasigi.

Leo Tavuha gabe Jon nu Ravae 1:12 ပူးပေါင်းရင်းမြစ်များ

Matiu 10:40

“Ihei tehe be vi lai ḡoḡo kimiu, mwa lai ḡoḡoau. I ihei be mwa lai ḡoḡoau, mwa lai ḡoḡoe gabe mwa horau.

Matiu 12:21

I sinombu duluai rav tau nora doronhohov aluna.”

Matiu 18:5

Be ihei tehe mwa lai ḡoḡo naturigi kungeki lol ihaku, mwa lai ḡoḡoau.

Leo Tavuha gabe Jon nu Ravae 1:11

Kea nu mai lol mwasin vanuana, take non sinombu sibona ran hav lai te ḡoḡoe.

Leo Tavuha gabe Jon nu Ravae 1:7

kea nu mai be men vev luae lalai sinombu huri gigita geki, huribe atatu duluai rav ron̄ roroi huria ba binihimwasigi.

Leo Tavuha gabe Jon nu Ravae 11:52

i mwa hav vora te hurira n̄an, take be men haḡo bul mulei sinombu non God gabe ran visalsala gi rebehi gaituvwa.

Leo Tavuha gabe Jon nu Ravae 2:23

Batena be Jisas mwa dogo Jerusalem lol Samsamwaran Halbisḡalau, kera ivusi ran vinihi mwasiginia batena ran gita ginau dan̄an̄a be nu lolira.

Leo Tavuha gabe Jon nu Ravae 20:31

Take kera geki mwa ravana huribe giv binihimwasigi be Jisas kea Kraes, Nitun God, i be gin nomiu binihimwasigi garagusi aluna giv lai rahuana.

Leo Tavuha gabe Jon nu Ravae 3:18

Ihei tehe be mwa binihimwasigiau, God si hav vevegi te dumwia; take ihei tehe gabe mwa hav binihi te mwasigiau nu vevegia huba, bwatuna be mwa hav binihi te mwasigiau inau Nitun God vora gaituvwa.

Lalaḡova 3:16

Geki Haḡea muramura ata lol ihan Jisas gabe mwa lai muramura lalai luḡu geki. I havanau gabe gim ḡitae i gim iloe mwa loli gin binihimwasigi garagusi lol ihana, gin binihimwasigi garagusi alun Jisas n̄ano be mwa lolia mwa rahu kun gabe gim ḡitae kadogaha.”

Ravrava non Pol lalai ata Rom 8:14

Kera gabe ram lin̄ Vui Sabuga mwa domuainira, kera mwasigi ira nitun God.

Ravrava non Pol lalai ata Rom 8:16

I Vui Sabuga gea mwa bulu mai nonda na Vui Sabuga be men vevea be gida ira nitun God.

Ravrava non Pol lalai ata Rom 8:19

Ginau duluai be God mwa lolia mwa hohovi mai samwarana be God vi lol seserai lalai ira nituna sarisarina mwasigi.

Kelesia 3:26

Kimiu n̄oto gin garuhisabuga lol Kraes, i gin saga kimiu gin Kraes. Geki gin binihiva be kimiu duluai ira nitun God sivi binihimwasigi garagusi lol Kraes Jisas.

Kelesia 4:6

Kunia be kimiu ira nitun God, God nu hora vuin nituna vai lol irubwimiu, i vui gea nu haharigi amare be, “Tata.”

Kolosi 2:6

Kunia be gim lai Kraes Jisas gabe Ratahigi i giv bulgaituvwa maia.

2 Pita 1:4

Sivi ginau kera geki nu lai lalai gida ira tatauleo Wasi i tavuha. Mai hogoi kera geki kimiu giv betea i giv kun God, i ureure sihav lol te dum hantai kimiu mai non doroniv bwatigoro.

1 Jon 3:1

Giv vinihi lolotabetabe non Tata be kea mwa dabe maragai gida. Kea mwa dabe maragai gida i mwa uloi gida be ira nituna. Gida mwasin ira nituna. Take sinombu ata lol ureure geki ram hav iloe tehe be gida ira nitun God, bwatuna be ram hav ilo te God.

1 Jon 3:10

Lalaḡova non atatu mwa seserainia be kea nitun God sage kea nitun setan. Kera be ram doron lalaḡov hantai, i ram hav tabe te ira tuara, ram hav vora te bilan God.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

1 Jon 3:23

God mwa doron be tav tau nonda binihimwasigi alun Nituna Jisas Kraes i tav tabetabe gida. Geki havanau gabe Jisas nu vevea be tav lolia.