Jemes 5:7 - Hano Niu Testamen

⁷ Ira tuaku, giv maḡemu vi votui taro be Ratahigi vi mai mulei. Atatun uteloloara mwa hohovi ḡoḡonai huri uhe vataha taro. Mwa hohovi ḡoḡonai huri bilan ririvuana be rav mauri nin tano.

Jemes 5:7 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 16:28

Nam bev mwasigi lalai kimiu be atatu rituai teti rasav mate te radu, vai votu rav gitau, Nitun Atatu, nav mai kun Ratahigi lavoa.”

Matiu 24:27

Bwatuna be inau Nitun Atatu nav mai kun vilehi mwa ḡigita tuhi lolon mahao duluai vai votu tanon al tavwaga mai al huhuni.

Matiu 24:44

Bwatuna gea, giv lol vatuvwai kimiu tagaro, bwatuna be inau Nitun Atatu nav mai lol mahavana be gim hav iloe tehe.

Leo Tavuha gabe Luk nu Ravae 18:8

Nam bevea lalai kimiu be, vi vevev hurin non doroniva i vi lol vilvilehi nia? Take Nitun Atatu vi habwe dum binihimwasigi lol ureure lol mahava be vi mai?”

Leo Tavuha gabe Luk nu Ravae 21:27

Kunia Nitun Atatu vi visirai lol ten lan̄i lol roron̄o gaivua mai sarisari.

Leo Tavuha gabe Luk nu Ravae 8:15

Biri gabe ram hovi lol mwasin tano mwa du huri ira hei gabe ram ron̄ avoana i ram ḡoḡoi ḡoroe gin mwasigi i lolotavuha, i ram du wasigi vaivotu ram bwae.”

Leo Tavuha gabe Jon nu Ravae 21:22

Jisas mwa bwaliua mwa bevea be, “Be nav doronia be vi togo vaivotu be nav mai, vi vora kun hanigi lalainigo? Huriau!”

Leo Tavuha gabe Jon nu Ravae 21:23

Haḡe ram bavatui roroi huria alolora gabe ram huri Jisas ram bevea be, roron̄tai geki sihav mate tehe. Take Jisas nuhav vevea tehe be sihav mate tehe; nu vevea n̄an be, “Be nas doronia be si togo vaivotu nai mai mulei, vi vora kunhanigi lalainigo?”

Ravrava non Pol lalai ata Rom 15:4

Ginau duluai be nu ravana tuai nu ravae be vi vagahi gida. Ravrava sabuga mwa lol gida tam lin̄ maḡemu i mwa lai avoan dura lalai gida huri be vi lol gida tav doronhohov.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

1 Korin 1:7

Lol taro be gim dogo hohov Jisas Kraes be vi mai mulei, gin lai vatavuha n̄oton̄oto.

Kelesia 5:5

Take gida tam haḡo mwasin doronhohov be mwa mai nin lolian vavtutu mai God, i gin Vui non God tam hohovi gin doroniva maragai huri doronhohov geki.

Kelesia 6:9

Si hav sav gita te gida gin lolian tavuha. Tav lai vwain bilada gin rahuana vai tuai la mwasin tarona kebe si hav sav te gida.

Kolosi 1:11

God vi lol muramurago gin non muramura tavuha huribe si hav savigo tehe lol taro be taro ririhai vi mai take gov lin̄ muleinigo.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 2:19

Kimiu haḡea nomai doronhohov, nomai samwarana, i gai sosorin bwatu be gav ḡariḡari kamai alolona batena be nonda Ratahigi Jisas Kraes vi mai.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

Hibru 6:15

Kunia Ebraham mwa lol non binihiva mwa n̄ava, i la hala gea, kea mwa lai dum ginau be God nu tatauleo huria.

Jemes 4:11

Ira tuaku duluai, gosav vev te ginau hahantai vai alun atat dolua. Kebe gov avo vai alun ira binihimwasigi dodolua sage gov vevegira, giḡo gom bevegi i gom avo vai alun Silo. Batena be gom bevegi Silo, giḡo gom hav mom borate horata non Silo, take gom mai gi harahara.

Jemes 5:10

Ira tuaku, nu tavuha be giv vinihi dumwira atatun vevsera amua be ran avo huri ihan Ratahigi. Atatu ram lolira ram ron̄ mwahantai maragai take binihira mwa hav hovi tehe.

Jemes 5:3

Nomiu vatlegiga mai vatan̄oga ran dadaga, geki mwa seserainia be gin vahala. Dadagara geki mwa ḡan rebehimiu kun gabi. Gim haḡo nomiu homu huri nogonan gubwen̄i.

2 Pita 3:4

Kera rav vevea be, “Jisas nu tatauleo be vi mai mulei. Kea behe? Ira tamanda ran mate, take Ureure mwa du radu kunia be nu gitana lol taro be nu loliana.”