Jemes 5:3 - Hano Niu Testamen

³ Nomiu vatlegiga mai vatan̄oga ran dadaga, geki mwa seserainia be gin vahala. Dadagara geki mwa ḡan rebehimiu kun gabi. Gim haḡo nomiu homu huri nogonan gubwen̄i.

Jemes 5:3 ပူးပေါင်းရင်းမြစ်များ

Lalaḡova 2:17

God mwa bevea be, “La nogonan gubwen̄ nav salil noḡu Vui Sabuga alun atatu duluai. I ira nitumiu atamwani mai ira vavine rav seserai noḡu roroi. Ira nitumiu mwalmwalaḡelo rav hueri, i nomiu bwatmetua rav gita maturubore.

Ravrava non Pol lalai ata Rom 2:5

Ta kimiu gim bwatwasiga ta gim hav doron te didi leahi, i gim lol mulei vevegi wasi alumiu la gubwen̄i be kea vi lol lua non lolhoro. La gubwen̄i gea atatu n̄oto rav gita mwasin vevegi non God.

2 Timoti 2:17

Nora vagahi hantai gea vi ḡun manuga be mwa ḡan kaburai vigohomwa. Atatu gairua be ramuru bagahi avoan hantai geki, Himenaeus mai Viletus kera kunia.

2 Pita 3:3

Nu tavuha maragai huri kimiu be giv ilo tavuhai havanau be vi loli lol ira nogonan gubwen̄i. Atatu rav manuhi kimiu. Kera rav rahu ba lol ira bwatigoro kun be ram doroni.

Visirai 17:16

Haḡe mauana han̄vulu mai ginau rahu rav tau bwatuna ba barihai vavinen rovrovoi homu. Rav tagahi kaburai gaisagana ba derainia vuroi. I ran gan rebehina la mavuvuna duluai i ram bohainia vai lol gabi.

Visirai 20:15

Haḡe ihei tehe gabe ihana nu hav ravana tehe vai lol bukan rahuana, enjel mwa bohainira vai lol numbun wain gabi tabwalue.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”