Jemes 5:16 - Hano Niu Testamen

¹⁶ Nu tavuha be giv vev lua vuromiu gaitutuvwai lalai kimiu gaitutuvwai, i giv tataro lalai kimiu gaitutuvwai i God vi varahu kimiu. Batena be atat binihimwasigi mwa dataro, tataro gea nu muramuraga maragai.

Jemes 5:16 ပူးပေါင်းရင်းမြစ်များ

Matiu 21:22

Be kimiu gim binihimwasigi alun God, havanau tehe be gim navohia lol nomiu tataro, vi laia lalai kimiu.”

Matiu 3:6

ram seserai vurora vuvuri, i Jon mwa siv garuhisabugainira lol wai Jodan.

Leo Tavuha gabe Mak nu Ravae 1:5

Sinombu duluai dalis vanua Judia i nin bwatutun vanua Jerusalem ram mai duluai be ramen ron̄ Jon. Ram seserai vurora i mwa ḡaruhisabugainira lol wai Jodan.

Leo Tavuha gabe Luk nu Ravae 9:6

Haḡe ira roron̄tai ram domare ram ban sivi vanua duluai ram doretore huri Roroi Tavuha, i ram lol barahu sinombu vataha ute.

Leo Tavuha gabe Jon nu Ravae 9:31

Tam iloe be God mwa hav roron̄tai te ira atat vuroga; kea mwa roron̄tainira gabe ram binihi marahinia i ram lol hano gabe mwa doronira be rav lolia.

Lalaḡova 10:38

Nu vano vataha ute duluai mwa lol lalaḡova tavuha, i mwa barahura gabe ram dogo vauhi halaten muramura non Vui hantai, bwatuna God bul maia.

Lalaḡova 19:18

I ira binihimwasigi ivusi ram domare ram bev luae be tuai ran lalaḡoi mateana i halan iloute hahantai ivusi.

Lalaḡova 8:24

Haḡe Saimon mwa bevea lalai Pita mai Jon be, “Giru vi tataro lalai Ratahigi huriau, huribe ginau vwate gabe gumuru avo aluna sihav dumwiau tehe.”

Ravrava non Pol lalai ata Rom 3:10

Ravrava sabuga mwa bevea be: “Atatu vwat sigai be mwa lol bavtutui ginau tagaro, atatu vwat sigai.

Ravrava non Pol lalai ata Rom 5:19

Atatu n̄an gaituvwa nu hav ron̄ te God, i ivusi ram mai i atat vuroga. Kunia n̄ano be, atatu n̄an gaituvwa nu ron̄ God, i ivusi rav vavtutu.

Kolosi 1:9

Bwatuna geki, lol gubwen̄i be gan ron̄oe hurigo, gam dataro rahurahu hurigo, nam hudali God be gov ilo didininia havanau be mwa doronia. Gam dataro be gov mataisaoga maragai i iloilo bwatuna be Vui Sabuga mwa laia lalainigo.

1 Tesalonaeka 5:17

Giv tataro ḡaoḡao,

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

1 Tesalonaeka 5:25

Ira tuaku, giv tataro huri kamai.

Hibru 11:4

Ebol mwa dogo mwa binihimwasigi garagusi alun God, i bwatuna a haḡe gea non tabeana vwate be mwa laia lalai God nu tavuha maragai nin non tuana Ken. Haḡe bwatuna gabe Ebol mwa binihimwasigi garagusi alun God, bwatuna haḡe gea God mwa uloi tavuhai ihana be kea atat vavtutu vwate, i mwa samsamwara be vi lai non hogoi. Wani gea Ebol nu mate huba, take huria alen̄an non binihimwasigi garagusi, kea mwa dogo mwa avo lalai gida radu.

Hibru 11:7

Haḡe bwatuna gabe Noa nu binihimwasigi garagusi alun God, bwatuna haḡea kea mwa ron̄ avoana non God, mahavana gabe God nu vev lua ginau duluai gea lalainia amua raduai mahavana be atatu vwate nu hav gitae te radui. Haḡe bwatuna gea kea mwa dabe silon God, i mwa boha waḡa gaivua gea huri be vi varahu ira varana aluna. I la hala gea kun be God mwa bevegi sinombu, i mwa lol Noa mwa bora atat vavtutu lolmatana bwatuna be mwa binihimwasigi garagusi aluna.

Hibru 12:13

Nomiu lagoana vi vavtutu n̄ano la hala be nu tavuha. I be sivora bwalagemiu be si hantai, kun be bwau mwa ban burigai, ta kea vi tavuha n̄an mulei dumwi.

Hibru 13:18

Giv tataro huri kamai. I lol nomai binihiva gam samsamwara, i gam lol ron̄oe be nomai lalaḡova vi vavtutu vataha mahavana.

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

1 Jon 3:22

Be tas hudali te God gin havanau tehe kea vi laia lalai gida, bwatuna be tam dabea. I tam lol ginau be mwa samsamwara ginia.