Jemes 5:15 - Hano Niu Testamen

¹⁵ I tataro non atatu be mwa binihimwasigi garagusi vi varahu ira harova; God vi varahu atatu gea. Kebe atatu gea nu vuroga, God vi vinihi kaburai vurona.

Jemes 5:15 ပူးပေါင်းရင်းမြစ်များ

Matiu 17:20

Haḡe Jisas mwa bwaliura be, “Huri be nomiu binihimwasigi garagusi nu hav dadariha tehe. Nam bev mwasigi lalai kimiu, be si vora nomiu binihimwasigi garagusi abena kun birin ramute, be kolo n̄an, gis vev dumwia lalai vusi geki be, ‘Vis dagai nin ute geki, ba ban ba du kahaḡa,’ haḡe vusi vi vis dagai. Giv lol dum hano tehe.

Leo Tavuha gabe Jon nu Ravae 5:14

Ataguna n̄an gea, Jisas mwa habwe wani gea lol Imwa Tataro haḡe mwa bevea lalainia be, “Ron̄oe, kekadogaha gom rahu mulei, i gosav mom lol te havanau hantai mulei bere ginau hantai liu gim mom dumwigo.”

Leo Tavuha gabe Jon nu Ravae 6:39

I doroniva non wani be nu horau be nasav lin̄ te vwate ninira gabe nu laira lalaiau, take be nav lol domarei muleinira vai lol rahuana lol nogonan gubwen̄i.

1 Korin 1:21

Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

2 Korin 4:14

God nu ragas Ratahigi Jisas nin mateana, i gam iloe mulei be God vi ragas kamai mulei mai Jisas. God vi lai kamai ute gaituvwa mai kimiu, i gida duluai tav tu lolmatana.

Jemes 1:6

Take batena be gom hudali God mwa du be gov binihimwasigi take gosav binihi te gairuruai. Atatu be mwa binihi gairuruai kea kun navo lol tahi be lan̄i mwa hereinia.

Jemes 5:13

Be atatu vwate mwa dogo ginau hantai vwate mwa dumwia nu tavuha be vi tataro. Be vwate mwa samsamwara nu tavuha be vi lol iboi.

Jemes 5:16

Nu tavuha be giv vev lua vuromiu gaitutuvwai lalai kimiu gaitutuvwai, i giv tataro lalai kimiu gaitutuvwai i God vi varahu kimiu. Batena be atat binihimwasigi mwa dataro, tataro gea nu muramuraga maragai.

Jemes 5:20

kea mwa barahu wani geki sihav mate tehe. Atat vavtutu geki mwa lol hal tavuha i mwa dugu kaburai vurona nin lalan̄an bwatigoro duluai.