Jemes 3:18 - Hano Niu Testamen

¹⁸ Atatu be ram riv birin tamwata rav harahara ginau tavtavuha huri rahuan tavuha.

Jemes 3:18 ပူးပေါင်းရင်းမြစ်များ

Matiu 5:9

Irahei be ram lol tamwata lalai vataha atatu, kera haḡea rav ron̄ mwandavuha, huri be God vi uloinira be ira nituna.

Leo Tavuha gabe Jon nu Ravae 4:36

Atatu gabe mwa harahara kea mwa habwe tavwena huria i kea mwa hara ginaganiana huri rahuana vai tuai. Atatu gabe mwa ririvu i wani gabe mwa harahara kera saraḡo raru vi samsamwara.

Kelesia 6:8

Be ram ririvu be ramen lol lumlumuhira sibora, vurora sibora vi lai lalainira ginau nogonogo. Take be rav ririvu be ramen lol tavuhai Vui, rav lai rahuan n̄ava nin Vui.

Filipae 1:11

be giv lol ginau tavuha ivusi mai buluiana non Jisas Kraes be vi lai roroa i avkari lalai God.

Hibru 12:11

Gida tam iloe huba, be God mwa bevegi atatu vwate, silo vevegi gea sihav lol te atatu gea be vi ron̄ mwandavuha, take vi lolia vi ron̄ mwahantai. Take ataguna kera gabe God mwa bevegira, be men vavtutuinira, rav habwe vwain non silo vevegi. I la lolmatan God rahura vi togo bavtutu i vi togo tamwata.

Jemes 1:20

bwatuna be lolhoro si hav bului te dum rahumwa be vi vavtutu kunia be God mwa doronia.