Jemes 3:13 - Hano Niu Testamen

¹³ Atatu rituai abena alolomiu be ran iloute i ran mataisaoga? Ras lol seserai ginau geki gin rahuan tavuha, i rav lol ginau tavuha gin maḡemu be mwa mai nin mataisao.

Jemes 3:13 ပူးပေါင်းရင်းမြစ်များ

Matiu 11:29

Giv haḡo lua noḡu gai tatauleo vai la isibwamiu, i giv huhui ginau niniau, bwatuna inau nam maḡemu i nam do tirigi lol binihiva. I giv habwe mabuana.

Matiu 21:5

“Giv vevea lalainira ata Saion be, ‘Giv gitae! Nomiu Ratahigi lavoa mwa mai huri kimiu. Kea mwa binihi maḡemuinia, mwa lago alun don̄ki, alun bwaloi don̄ki.’ ”

Matiu 5:5

Irahei be ram lin̄ maḡemu, kera haḡea rav ron̄ mwandavuha, huri be God nu tatauleo be ureure geki vi vora nora.

Matiu 7:24

“Bwatuna gea, irahei gabe ram ron̄ siloku, i ram huri noḡu avoana, kera gea kun gabe atat mataisaoga, mwa lol bwatbwatun imwana alun vatu tu.

1 Korin 6:5

Kimiu gis busbusi gin kimiu mulei! Atatu mataisaoga vwate sigai lol uloilua be vi vevegi lol davolamiu lol ira binihimwasigi.

2 Korin 10:1

Inau, Pol, nam hudali kimiu gin alen̄ maḡemu i alen̄ tavuha non Kraes. Atatu rituai ram bevea be nam lolia mwa maron̄ron̄o alumiu batena be inau mai kimiu i nam lol alen̄ wasi baten be nam do dagai.

2 Korin 8:24

Giv seserainia lalainira dovon̄an nomiu lolotabetabe i huri hano higea be gam sasagerega huri kimiu. Vuvuri ira binihimwasigi duluai rav gita dumwia.

Kelesia 5:23

lin̄muleini i sine togonai. Silo vwate sigai be men vevea be ginau kerageki ran vahala.

Kelesia 6:1

Ira tuaku, be atatu vwate lol nomiu tatan̄ana mwa lol ginau vahala, giḡo gabe gom dogo lol Vui gos vano aben wani gea ba buluia ba lol bavtutu muleinia. Take giv gitaḡoro, bere gim ḡal kimiu vai lol vuro mulei.

Kelesia 6:4

Atatu gaitutuvwai rav vevegi nora loliana sibora, i si hav dadarihainia tehe mai atat dolua, i Vui vi sagereinia huri hano be kea sibona nu lolia.

Ifisas 4:2

Giv lin̄ maḡemu vataha mahavana i giv togo ḡoḡonai, i giv ron̄ mwa n̄ava, i giv dame ḡoro vatvataha kimiu lol lolotabetabe.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

1 Timoti 4:12

Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.

1 Timoti 6:11

Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.

2 Timoti 2:25

Atatun rovoga non Ratahigi vi haḡo sine maḡemu vi vagahira gin maḡemu kera be ram bigaigai. Haḡe God vi lin̄ira rav leahi binihira be rav dame ḡoro mwasigi.

Taetas 3:2

rasav vev te ginau hantai lalai ihei tehe, rav togo lol tamwata, i rav maḡemu i rav lol alen̄ vavtutu lalai sinombu duluai.

Hibru 13:5

Giv tu dagai nin doronivanan homu, i giv samsamwara mai doronivanan havanau kolo be gin togo huba maia. Bwatuna be God mwa bevea be, “Nasav lin̄ te derainigo be gov togo gahemwa. I nasav vis te dagai ninigo.”

Jemes 1:21

Vuro i alen̄ deḡeteḡe gov tau dagainia nin rahumwa. Gin ron̄ maḡemu gov lai ḡoḡo silo vagahi non God i gov rivua lol irubwimwa. Silo vagahi geki vi varahu rahumwa.

Jemes 2:18

Kebe atatu vwate si vevea be, “Giḡo gom haḡo binihimwasigi garagusi, take inau nan masiri gin ginau be nan lolia.” Vagahiau gin binihimwasigi garagusi be mwa hav lol te ginau vwate, i inau nav vagahigo gin noḡu binihimwasigi garagusi gin havanau be nam lolia.

Jemes 3:1

Ira tuaku duluai be nam dabera, mwa hav tu tehe be kimiu ivusi giv mai gi vagahi, bwatuna be gom iloe be gida be tam bagahi, vagahi vi lai vevegi wasi maragai nin atat dodolua.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

1 Pita 1:15

Take giv sabuga lol ginau duluai be gim lolia, kun God n̄ano, kea be nu uloinigo nu sabuga.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 3:4

Sigai, tavuha gea si mai alolomiu tavuhan Vui be mwa dogo ḡoḡonai i sihav lol te kaburai dumwi i nu tavuha liu, lolmatan God.