Jemes 2:19 - Hano Niu Testamen

¹⁹ Gom binihimwasigi be God gaituvwa. Nu tavuha! Atmate ram binihimwasigi be God gaituvwa, i kera ram birururu i ram matagu.

Jemes 2:19 ပူးပေါင်းရင်းမြစ်များ

Matiu 8:29

Batena ramuru ḡita Jisas, ramuru haharigi darihou be, “Havanau gom doronia nin kamai, Nitun God? Gom mai daga be gomen lol ḡagaras susuvwai kamai?”

Leo Tavuha gabe Mak nu Ravae 1:24

“Gom doron havanau nin kamai, Jisas ata Nasaret? Matu gom mai teti be gomen lol kaburai kamai, nam ilogo be giḡo ihei, giḡo Horata Sabuga non God.”

Leo Tavuha gabe Mak nu Ravae 12:29

Haḡe Jisas mwa bwaliua mwa bevea be, “Geki haḡea muana, ‘Israel, gov roron̄tai! Ratahigi gabe nonda God kea gaituvwa n̄an nonda Ratahigi.

Leo Tavuha gabe Mak nu Ravae 5:7

mwa haharigi gin silo gaivua mwa bevea be, “Jisas Nitun God Holomare Hae! Gom doron be gov lol hano maiau? La ihan God, nam hudalinigo be gosav vevegiau tehe!”

Leo Tavuha gabe Mak nu Ravae 7:9

Haḡe Jisas mwa darihou rahurahui non avoana mwa bevea be, “Kimiu gim iloute huri hala gabe giv varihai God mai non silo, gim doron be giv tabe nomiu sibomiu.

Leo Tavuha gabe Luk nu Ravae 4:34

“Ee! gom doron havanau mai kamai, Jisas ata Nasaret? Matu gom mai teti be gomen lol kaburai kamai? Nam ilogo; be giḡo horata sabuga non God!”

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Lalaḡova 16:17

Vavin daulato geki mwa huri Pol mai kamai, mwa haharigi amare mwa bevea be, “Atatu kera geki atatun rovoga non God holomare hae! I ram bev sera lalai kimiu be kun hanigi giv rahu!”

Lalaḡova 19:15

Take vui hantai mwa bevea lalainira be, “Nam ilo Jisas, i nam iloe huri Pol; take kimiu ira hei?”

Lalaḡova 24:25

Take mahavana be Pol mwa bev rahurahuinia, mwa avo alun haltavuha, i halan tomuai, i gubwen̄in maiana huri vevegi, kunia Vilikis mwa matagu mwa bevea be, “Nu tavuha be gov mwalue haḡea kadogaha. I nav siv uloi te muleinigo be vi dumwi.”

Ravrava non Pol lalai ata Rom 3:30

bwatuna be kea God n̄an gaituvwa non kera duluai. Kea vi lol ira Jius rav vavtutu maia nin nora binihimwasigi garagusi i mwa lol ira Lolobon̄i ram bavtutu la hala n̄an gea sivi nora binihimwasigi garagusi.

1 Korin 8:4

Geki haḡea hano be nam bevea huri bigi be mwa dataroinia lalai nun vatu. Tam iloe be nun vatu kea vorate ginau vwate lol ureure, i tam iloe be God gaituvwa n̄ano.

1 Korin 8:6

take lalai gida God gaituvwa n̄ano gabe tamanda. Ginau duluai ram mai ninia, i tam rahu huria. Mulei Jisas Kraes gaituvwa n̄ano. Ginau duluai mwa loli sivinia, i gida mulei tam bora sivinia.

Kelesia 3:20

Take atatun tamwata mwa hav loli tehe batena be tavaluna gaituvwa n̄ano i God kea gaituvwa n̄ano.

1 Timoti 2:5

God gaituvwa n̄an i hala gaituvwa be atatu vi votui God. Hala gea sivi Kraes Jisas, kea sibona atatu.

Jemes 2:8

Silo gaivua geki mwa du lol ravrava sabuga: “gov tabe tuamwa kunigo sibomwa.” Be gov tabe silo geki giḡo gom lol ginau vavtutu.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Ravrava nin Jud 1:6

I giv vinihi dum ira enjel be ran hav tu te wasigi lol tanora huri muramura i ran lin̄ mwasin tanora. Ratahigi mwa dau ira enjel geki lol ute meto, mwa bauhira gin gao talai be mosmosianana nu sigai, huribe vi vevegira la gubwen̄ vevegi.

Visirai 20:10

Haḡe atmate be mwa ruruhira vi vohai kaburainia vai lol numbun wain gabi tabwalue mai salva. I Kea vi togo aia maira ginau rahu turu i ira atatun vevsera tentene, i rav ron̄ḡagarasi bon̄i i rani mosmosianana sigai.