Jemes 2:18 - Hano Niu Testamen

¹⁸ Kebe atatu vwate si vevea be, “Giḡo gom haḡo binihimwasigi garagusi, take inau nan masiri gin ginau be nan lolia.” Vagahiau gin binihimwasigi garagusi be mwa hav lol te ginau vwate, i inau nav vagahigo gin noḡu binihimwasigi garagusi gin havanau be nam lolia.

Jemes 2:18 ပူးပေါင်းရင်းမြစ်များ

Ravrava non Pol lalai ata Rom 14:23

Ta kera gabe ram ḡan ginau be ram len̄a be nu vavtutu, kera ram bahala huribe ram hav binihimwasigi garagusi tehe be nu vavtutu. Havanau tehe be mwa loliana be gom hav binihimwasigi garagusi be nu vavtutu, kea vuro.

Ravrava non Pol lalai ata Rom 3:28

Gam bev bavtutuinia be atatu mwa lolian vavtutu mai God sivi binihimwasigi, vora te sivi binihi marahi silo.

Ravrava non Pol lalai ata Rom 4:6

Deved mwa bev mulei ginau n̄an kunia. Mwa bevebe atatu ram lai vatavuha lol taro be God, mwa hav gita te nora lalaḡova bavtutu, mwa lolira ram bavtutu la lolmatana.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 9:19

Bisata vwate nin kimiu vi hudali inau be, “Be si vora kunia, huri hano God mwa bevea be gida tam lol ginau be ran vahala? Atatu vwate sihav tuḡoro te binihin God.”

1 Korin 13:2

Nav haḡo hogoi huri avoan vasinerani. Nav ilo n̄oto ginau dauhiligi non God i iloute duluai, i noḡu binihimwasigi garagusi be nav tagara dum vusi nin tanona.

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

1 Timoti 1:5

Binihiva huri avoan wasi geki huri be sinombu rav haḡo lolotabetabe, kea be mwa mai nin lolo melmelo i binihiva be nu tavuha i binihimwasigi garagusi vavtutu.

Taetas 2:7

Lol hala duluai gov vora malele huri lalaḡov tavuha duluai. Batena be gom bagahi, gov vagahi gin vavtutu i binihi marahi.

Hibru 11:31

Gin binihimwasigi garagusi haḡea mwa lol atatu be ram hav dabe te silon God ram hav wehi te vavinen rovrovoi homu Rehab; huribe mwa bului atat gita surai ata Israel.

Hibru 11:33

Bwatun nora binihimwasigi garagusi bwalo mai ata la vanua dodolua, i ram muramura ḡorora. Kera ram lalaḡo vavtutu, i ram lai dum ginau tavuha be God mwa datauleo be vi laia lalainira. Mahavan rituai kera ram duḡoro bwan̄on laeon.

Hibru 11:6

Take be atatu sihav binihimwasigi garagusi tehe alun God, sihav lol te dum God be vi samsamwara ginia. Huri be atatu vwate si doron be si mai huri God, kea vi binihimwasigi garagusi be God mwa dogo, i God mwa lolira gabe ram lol ron̄oe be rav habwea ram samsamwara.

Jemes 2:14

Ira tuaku be nam dabera, be atatu rai vevea be, nora binihimwasigi garagusi abena take ram hav lol te dum ginau vwate, nora binihimwasigi garagusi mwa du bonogai n̄ano. Binihimwasigi garagusi geki vi varahu dumwira?

Jemes 3:13

Atatu rituai abena alolomiu be ran iloute i ran mataisaoga? Ras lol seserai ginau geki gin rahuan tavuha, i rav lol ginau tavuha gin maḡemu be mwa mai nin mataisao.