Jemes 1:27 - Hano Niu Testamen

²⁷ God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.

Jemes 1:27 ပူးပေါင်းရင်းမြစ်များ

Matiu 12:32

I mulei ihei tehe be mwa bev hantaiau Nitun Atatu, vi binihi kaburainia. I take ihei be mwa bev hantai Vui Sabuga, si hav vinihi te dum kaburainia, kekadogaha i vai tuai.

Matiu 5:8

Irahei be nora binihiva nu melmelo, kera haḡea rav ron̄ mwandavuha, huri be rav gita God.

Leo Tavuha gabe Luk nu Ravae 1:6

Ira tarua gekado raru to vavtutu la lolmatan God, ramuru ḡoḡoi ḡoro didinigi leo horai i silo vagahi duluai non ratahigi.

Ravrava non Pol lalai ata Rom 12:2

Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

Ravrava non Pol lalai ata Rom 2:13

Kunia be gim ron̄ silo, mwa hav lol te atatu be ramen vavtutu la lolmatan God. Kera n̄ano be ram ḡogonai silo, kera haḡea ran vavtutu maia.

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kelesia 3:11

Kadogaha mwa melmelo be atatu vwate si hav lolian te vavtutu mai God gin silo, bwatuna be ravrava sabuga mwa bevea be, “Kera be ran vavtutu mai God rav rahu ginia be ram dabea.”

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Kelesia 6:14

Nam ilo be nasav sagesagerega tehe huri ginau kunia. Volovolo non Jisas kea n̄ano be mwa lolia nam av sagesagerega. Sivi volovolo non Jisas Kraes, noḡu Ureure mwa boha bolvoloana, i nam mate lalai Ureure.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

1 Timoti 1:5

Binihiva huri avoan wasi geki huri be sinombu rav haḡo lolotabetabe, kea be mwa mai nin lolo melmelo i binihiva be nu tavuha i binihimwasigi garagusi vavtutu.

1 Timoti 5:4

Take ira bwero be ira nitura sa ira nitun nitura abena, lin̄ira muana rav huhuinia be rav lol nora rovoga lalainira ata lol imwara sibora i rav tavwe ira tamara i ratahira sa nora gitaḡoro. Kea mwa lol God mwa samsamwara.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

Jemes 3:9

Tam ḡogonai God tamanda, gin meanda, take tam balahe gin bwan̄oda lalai atatu be God nu lolira kunia sibona.

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

2 Pita 1:4

Sivi ginau kera geki nu lai lalai gida ira tatauleo Wasi i tavuha. Mai hogoi kera geki kimiu giv betea i giv kun God, i ureure sihav lol te dum hantai kimiu mai non doroniv bwatigoro.

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

2 Pita 3:14

Ira tuaku, lol taro be gim hohovi huri ginau geki be vi loli, giv lol ron̄oe be giv togo dagai nin vuro i dagai nin totoa bibili i han̄ora. Giv lol ron̄oe be giv lol tamwata mai God.

1 Jon 5:18

Gida tam iloe be mwa hav vora te ira nitun God gabe ram buroga tagaro. Mwasin nitun God mwa du ḡorora, i setan sihav lol te dumwira.