Jemes 1:26 - Hano Niu Testamen

²⁶ Kimiu gim binibe gim haḡo wasi nomiu binihimwasigi? Batena be gom hav vwalau te tavuhai meamwa, nom binihimwasigi kea ginau vuroi n̄ano, i gim dentene mulei lalai kimiu.

Jemes 1:26 ပူးပေါင်းရင်းမြစ်များ

Matiu 15:9

Ram ḡogonai bonogaiau, bwatuna be ram bevea be nora silo vagahi kea barabe avoana non God, take avoana non atatu n̄ano.” ’

Leo Tavuha gabe Mak nu Ravae 7:7

Ram ḡogonai bonogaiau, bwatuna be ram bevea be nora silo vagahi kea avoana non God. Take avoana non atatu n̄ano.’”

Leo Tavuha gabe Luk nu Ravae 8:18

“Giv gitaḡoro kunhanigi gim roron̄tai; bwatuna ihei gabe non ginau abena huba, God vi lai mulei ginau rituai lalainia, take ihei gabe non ginau sigai, God vi lai dagai ninia havanau kolo be mwa binihia be mwa haḡoe huba.”

1 Korin 15:15

I mulei, tam buroga be tam dentene vai alun God, huribe tam bev luae huria be nu tomarei Kraes nin mateana. Take be atatu rasav tomare tehe nin mateana, kea God vorate nu tomarei mulei Kraes.

1 Korin 15:2

Roroi be nan toretore huria lalai kimiu kea haḡea Roroi Tavuha. Roroi Tavuha geki vi varahugo batena be gom du wasigi aluna. Be sigai, gim binihimwasigi bonogai n̄ano.

1 Korin 3:18

Gosav taltale te sibomwa! Be gomen vinihia be giḡo haḡea mataisao vai lol ureure geki, take gov lago kun gabe bwaḡele huri be gov mai dumwi gi mataisao mwasigi.

Kelesia 2:6

Ira tomuai keragea be ran lol ron̄oe kun gabe kera raumatan atatu liu ihei ram hav leahi te Roroi Tavuha be nan toretore huria. (Nan hav laia te kun gabe kera ira “atat lavoa” sage sigai. Lalai God atatu n̄oto dadariha.)

Kelesia 2:9

Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

Kelesia 3:4

Nom rovoga n̄oto nu sabweleiana? Nam iloe be sigai!

Kelesia 6:3

Be atatu vwate mwa binibe kea liu be mwa hav vora te kunia, kea mwa lol mulei daltaleinia sibona.

Ifisas 4:29

Mahavana be gon avo gosav vev te ira avoana be rav lol ḡagaras atatu, take goi vev havanau gabe mwa du be sinombu vi lai avoana gabe rav bului atat dodolua rav muramuraga ginia. I aia havanau be gom bevea vi lol dum lalaḡova tavuha lalainira be ram roron̄tainigo.

Ifisas 5:4

I mulei avoanan bwatigoro vi sigai mai kimiu, i gisav av te daltale, i gisav vev te sov hahantai ginau kera geki ran hav vavtutu tehe mai kimiu. Take ninia gea mwa du be giv lai avkariana lalai God.

Kolosi 4:6

Lol taro be gom avo, gov av mahurigi i av maḡemu huribe gov vwaliu dum atatu duluai la hala be mwa du be gov lolia.

Jemes 1:19

Ira mwasin tuaku be nam dabe kimiu, mwa du be gov roron̄tai i gov maḡemu lol avoana. Gosav lolhoro te vilvilehi,

Jemes 1:22

Gov lol hano be silo vagahi non God mwa bevea; batena be gom roron̄tai gom hav lol te ginau vwate huria, gom dentene lalainigo sibomwa.

Jemes 2:20

Kimiu ira daloi! Gom doronbe nai vagahigo be binihimwasigi garagusi mwa hav lol te ginau vwate?

1 Pita 3:10

Ravrava Sabuga mwa bevea be, “Atatu mwa du maragai be vi lol ginau kera geki rav ron̄ mwandavuha i rav togo lol gubwen̄ ron̄ mwandavuha ivusi. Kea sihav vev te avoan hantai, i kea sihav tentene tehe.