Jemes 1:25 - Hano Niu Testamen

²⁵ Take kera be atat ron̄ mwandavuha mwasigi kera haḡea ram hiḡehiḡe tavuha huri silo vavtutu non God be mwa lol sinombu ram maribwesi, i ram hiḡehiḡe rahurahu huri avoana non God. Ram hav vinihi te malioi hano be ran ron̄oe, take ram dabe havanau be silo vagahi non God mwa bevea. Kera be ram lol ginau geki rav samsamwara maragai.

Jemes 1:25 ပူးပေါင်းရင်းမြစ်များ

Leo Tavuha gabe Luk nu Ravae 11:28

Take Jisas mwa bwaliua, “Sigai ta irahei gabe ram ron̄ avoana non God i ram ḡoḡoi ḡoroe rav ron̄ mwandavuha.”

Leo Tavuha gabe Jon nu Ravae 13:17

Kadogaha be gim ilo mwasigi geki, giv samsamwara liu be giv lalaḡoinia!”

Leo Tavuha gabe Jon nu Ravae 8:36

Be inau Nitun God nav ribwes kimiu, giv maribwesi mwasigi.

Lalaḡova 13:43

Ataguna be sinombu ram ban dagai nin ḡoḡoana, sinombu ivusi ira Jius mai sinombu ivusi nin ira Lolobon̄i gabe nu lai ḡoḡora vai la vanua Juda ram huri nora binihimwasigi. Haḡe ira hala ram av durara be rav tu rahu alun nora binihi huri hogoi non God.

Lalaḡova 2:42

Haḡe kera ram huhui ginau duluai geki nin ira hala, i ram bulu ute gaituvwa lol mahavan gina ganiana i tataro.

Lalaḡova 26:22

Take God mwa buluiau, i kunia nam du teti nam lai noḡu avoana lalai sinombu duluai, atatu kolo vaivotu atatu gaivua. I ginau gabe nam bevea kea n̄an haḡea be ira atatun vev sera mai Moses ran vevea be vi loli:

Ravrava non Pol lalai ata Rom 11:22

Giḡo gom ḡitae be God kea mwa davuha maigo i nu wasi mulei kea mwa bevegira be ram lin̄i ram hav huria tehe. Take God kea vi tavuha maigo, kebe gov garoinia gov huri non tavuha. Kebe gosav lolia tehe, giḡo gov taian dagai nin bwatun gai gea.

Ravrava non Pol lalai ata Rom 2:13

Kunia be gim ron̄ silo, mwa hav lol te atatu be ramen vavtutu la lolmatan God. Kera n̄ano be ram ḡogonai silo, kera haḡea ran vavtutu maia.

Ravrava non Pol lalai ata Rom 7:12

Silo nu sabuga, i avoana nu sabuga nu tavuha i nu vavtutu.

Ravrava non Pol lalai ata Rom 8:15

Vui sabuga gabe tam laia mwa hav lol te gida be tamen vora turin mataguana, kea mwa lol gida gi ira nitun God. Gin Vui Sabuga gea tam dei tam bevea be, “Tata.”

Ravrava non Pol lalai ata Rom 8:2

Sivi Kraes Jisas, silon Vui Sabuga be mwa lai rahuana mwa loliau nam du dagai nin silo be mwa lai vuro i mateana.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

2 Korin 13:5

Giv gitagita tavuhai kimiu sibomiu. Giv haḡo ron̄ kimiu giv gitae be gim dogo lol binihimwasigi garagusi. Gim iloe be Kraes Jisas kea alolomiu be gim hovi be giv haḡo ron̄ kimiu.

Kelesia 2:4

Gam bev ginau vahala geki bwatuna be atat binihimwasigi tentene rituai ran mai dahuligi lol nomai tatan̄ana. Ran mai kun gabe atat gita surai be ramen tul burigai mwasigi lol Kraes Jisas. Ran doron be ramen lol kamai i ira turin rovoga.

Kelesia 5:1

Tam haḡo maribwesi kadogaha, bwatuna be Kraes nu lol gida gi atat maribwesi. Giv tu wasigi. Gisav leahi tehe i ba ban mulei lol vauvauhi non silo.

Kelesia 6:2

Be giv bulbului kimiu lol nomiu togoan ririhai, kimiu mwasigi gim dabe silo non Kraes.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

1 Timoti 2:15

Take vavine vi varahua sivi bavavana, kea be rai van rahurahu lol binihimwasigi garagusi, lolotabetabe, i togoan sabuga, mai vwalaua.

1 Timoti 4:16

Gov gitaḡoro tavuhai alen̄amwa, i avoana be gom do gom laia lalai sinombu. God gov lol silo vagahi be gom bevea. Be gov lolia kunia gov varahu dum muleinigo, maira be ram roron̄tainigo.

Hibru 12:15

Giv gitaḡoro tavuhai kimiu be vwate nin kimiu sihav taleva tehe, be men van dagai nin hogoi non God. Gosav vora te kun bwatun vutu be mwa mauri i mwa mai gi gai garagara.

Jemes 2:12

Gov vinihi dumwia be God vi vevegi ginau duluai be gom bevea i gom lolia. Silo non God mwa lol atatu ram maribwesi.

1 Pita 2:16

Giv lin̄ kamai gi atat maribwesi, take gisav haḡo te nomiu maribwesi kun be ginau vwate be gimen lol alen̄ lete. Giv togo kun abe turin rovoga non God.

1 Jon 2:24

Giv tu wasigi alun roroi gabe gin ron̄oe muana vi ḡata lol sibwen̄imiu. Be roroi gabe gim ron̄oe muan mwa dogo alolomiu, kunia giv togo lol Nitui i lol Tata.

Visirai 14:13

Haḡe nam ron̄ silo mwa himai nin amare mwa bevea be, “Gov ravae geki be: Samwarana lalai ira hei gabe mwa dau bwatuna kadogaha rav mate alolon rovoga non God!” Vui mwa bevea be, “Uwe mwasigi! Ram mambuharainira nin nora rovoga hahavwani, bwatuna be vwain nora rovoga hahavwani vi vano bul maira.”

Visirai 22:14

God vi vatavuhainira duluai gabe ram bwaga gaisagara. Kera rav gan dum vwain gain rahuana vai tuai. I rav haroro dum la matgatavan bwatutun vanua.