Jemes 1:21 - Hano Niu Testamen

²¹ Vuro i alen̄ deḡeteḡe gov tau dagainia nin rahumwa. Gin ron̄ maḡemu gov lai ḡoḡo silo vagahi non God i gov rivua lol irubwimwa. Silo vagahi geki vi varahu rahumwa.

Jemes 1:21 ပူးပေါင်းရင်းမြစ်များ

Matiu 5:5

Irahei be ram lin̄ maḡemu, kera haḡea rav ron̄ mwandavuha, huri be God nu tatauleo be ureure geki vi vora nora.

Leo Tavuha gabe Jon nu Ravae 6:63

Ginau gabe mwa lai rahuana kea Vui Sabuga non God, take muramura non atatu nu hav dadariha tehe. Ta avoana duluai gabe nam laia lalai kimiu mwa lai rahuana i Vui Sabuga.

Leo Tavuha gabe Jon nu Ravae 6:68

Haḡe Saemon Pita mwa bwaliua be, “Ratahigi, gav mom ban aben ihei? Giḡo n̄an gom haḡo avoana huri rahuana vai tuai.

Lalaḡova 10:33

I nam hora darihou hurigo, i gom dabeau gom mai dumwi. I kadogaha gida duluai ute gaituvwa teti la lolmatan God i gam hohovi be gav ron̄ te havanau be Ratahigi mwa bevea lalainigo be gov vevea lalai kamai.”

Lalaḡova 13:26

“Ira tua kimiu ira Jius, gabe gim mai nin varan Ebraham, mai ira Lolobon̄i duluai teti gabe gim ḡogonai God: roroi huri varahuva geki be nu horae haḡea lalai gida!

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Ravrava non Pol lalai ata Rom 11:17

Ke kunia n̄ano be tavalun raran gai nin bwatun gai oliv ran mosi dagatagai. Kimiu ira Lolobon̄i gin kun raran gai oliv turu be nu tarihouana vai la muan bwatuna. Kadogaha kimiu gim hara muramura i rahun muan bwatungai, ira Jius.

Ravrava non Pol lalai ata Rom 6:17

Amua gon vora turin vuro, i vuro nu haḡo rahumwa. Ta gov avkari God, gom dabe mwasigi ginau gabe gon lai silo vagahi huria.

1 Korin 15:2

Roroi be nan toretore huria lalai kimiu kea haḡea Roroi Tavuha. Roroi Tavuha geki vi varahugo batena be gom du wasigi aluna. Be sigai, gim binihimwasigi bonogai n̄ano.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

Ifisas 1:13

Haḡe kea mai kimiu mahavana be gin ron̄ mwasin silo vagahi huri Roroi Tavuha be vi lai varahuva lalai kimiu, kimiu gim binihimwasigi alun Kraes. I lol Kraes, God mwa dau mwasin non dovon̄a alun gogonaiana alumiu, ginia be mwa lai non Vui Sabuga gabe nu tatauleo huria.

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Ifisas 4:25

Haḡe mwa du be giv lin̄i be gim dentene. Giv vev mwasigi lalai vatvataha kimiu, bwatuna be gida duluai ira ududun vatvataha gida lol rebehi gaituvwa.

Ifisas 5:4

I mulei avoanan bwatigoro vi sigai mai kimiu, i gisav av te daltale, i gisav vev te sov hahantai ginau kera geki ran hav vavtutu tehe mai kimiu. Take ninia gea mwa du be giv lai avkariana lalai God.

1 Tesalonaeka 1:5

bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

Taetas 2:11

Hala haḡea gea be mwa du be tav togo maia, bwatuna be hogoi non God nu visirai huba be vi lai varahuva lalai atatu duluai.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Hibru 2:3

Be gida tas varihai hal gaivua geki huri halan varahuva, i kunia tav lol haninia be tamen romaragai nin silo vevegi? Ratahigi sibona kea muana be nu vevea huri varahuva, i sinombu gabe ran ron̄ roroi lol taro gea mwa seserainia lalai gida be mwasigi.

Hibru 4:2

Bwatuna be gida tam ron̄ avoana huri Roroi Tavuha kunira. Kera ran ron̄ roroi, take ran hav leahi tehe la hala be nu vavtutu, huri be mahavana be ran ron̄oe, ran hav dara tehe aluna la nora binihimwasigi garagusi.

Jemes 4:8

Mai sosori vai aben God, i God vi mai sosorigo. Giv bwaga limamiu ira atat vuroga! Giv lol melmeloi irubwimiu, kimiu ira hoḡoiḡoro!

Jemes 5:20

kea mwa barahu wani geki sihav mate tehe. Atat vavtutu geki mwa lol hal tavuha i mwa dugu kaburai vurona nin lalan̄an bwatigoro duluai.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 1:9

I kimiu gim lai vatlegiga non nomiu binihimwasigi garagusi i varahuva huri vui.

1 Pita 2:1

Mulei, giv togo dagai nin ginau hahantai duluai, tenteneana duluai, bugurana, binihiv hahantai, i avoan hahantai.

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.