Jemes 1:17 - Hano Niu Testamen

¹⁷ Lalaḡov tavuha duluai i hogoi tavuha duluai ram mai nin God. Ginau tavtavuha keragea ram mai nin God be nu lol alo, vula, ira visiu, i kea mwa hav leahi tehe kun gigitan ginau keragea be ram leahi.

Jemes 1:17 ပူးပေါင်းရင်းမြစ်များ

Matiu 7:11

Kimiu atat hahantai, take gim ilo halana be gim lai ginau tavtavuha lalai ira nitumiu. Haḡe kunia mulei, Tamamiu lol ute atamare vi lai ginau tavtavuha liu lalai irahei gabe ram hudalinia huria.

Leo Tavuha gabe Luk nu Ravae 11:13

Kimiu atat hantai take gim ilo halana be gim lai ginau tavuha lalai ira nitumiu. Vaviha mulei be Tamamiu amare vi lai Vui Sabuga liu lalai ira hei gabe ram hudalinia huria!”

Leo Tavuha gabe Jon nu Ravae 1:9

Geki haḡea mwasin gigita, gigita uhu mwa mai lol ureure i mwa ḡigitai atatu duluai.

Leo Tavuha gabe Jon nu Ravae 3:27

Haḡe Jon mwa bwaliura mwa bevea be, “Ihei si hav haḡo te dum hano tehe vaivotu God vi laia lalainia.

Leo Tavuha gabe Jon nu Ravae 3:3

Haḡe Jisas mwa bwaliua mwa bevea be: “Nam bev mwasigi lalainigo be: ihei si hav gita te dum Rahuan Gara gabe God mwa Ratahigi alolona be kea si hav vora te mulei.”

Leo Tavuha gabe Jon nu Ravae 8:12

Jisas mwa avo lalai ira Varise be, “Inau haḡea gigitan ureure. Be ihei tehe mwa huriau vi lai gigitan rahuana i sihav lago te dum lol ute meto.”

Lalaḡova 11:18

Haḡe mahavana be ram ron̄oe kunia, ram hav mom avte hantai vai aluna, take ram uloi roron God ram bevea be, “I mulei be God mwa lai mahavana lalai ira Lolobon̄i tanon binihi leahi i rahuana.”

Lalaḡova 5:31

God nu lol domareinia vai la mwatuana kun gabe Tomuai i Varahu, be vi lai lalai sinombu ira Jius mahin̄ana huri tanon binihi leahi i, vi tugu kaburai vurora.

Ravrava non Pol lalai ata Rom 6:23

Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.

1 Korin 4:7

Kun hanigi? Ihei mwa bevea be giḡo gon tavuha nin atatu dodolua? Ginau vwate mwa dogo mai kimiu be God mwa hav laia te lalai kimiu? Sigai! Huri hano gim av ravravwega huri ginau be mwa hav vora te nomwa take God mwa laia lalainigo.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Ifisas 1:18

Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Ifisas 2:8

Nam bevea gin binihiva be kimiu gin rahu gin hogoi non God sivi binihimwasigi garagusi. Gin hav varahu te kimiu sibomiu; take kea hogoi non God.

Filipae 1:29

God nu lai binihi marahi la hala gairua, nu hav vora te huria n̄an be gim binihimwasigi lol Kraes take mulei huria be gim ron̄ ḡagarasi huria, hala saraḡo ram lai sarisari lalai Kraes.

1 Timoti 6:16

Kea n̄an gaituvwa be mwa hav mate tehe. Mwa dogo lol gigita be nu sarisari be atatu sihav van te dum sosoria. Atatu vwate nu hav gita te God, sa ta sav gita te dumwia. Tataro be gogonai i muramura non God vai tuai tuai. Amen.

Hibru 13:8

Jisas Kraes mwa hav leahi te dumwi, alen̄ana kunia n̄an haḡea be tuai mwa botu ninovi, i garigi, i vaigogo mwa bano vai tuai.

Jemes 1:5

Take be ihei mwa doron mataisao vi hudali God huria. Kea nu maḡemu i samsamwara be vi laia lalai sinombu, i kea vi laia lalainigo mataisao.

Jemes 3:15

Lalan̄an mataisao kun geki mwa hav mai te nin amare. Take nin ureure, kea nu hav vorate non vui, kea mwa mai nin atmate.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

1 Jon 1:5

Jisas nu vevea lalai kamai be God kea gigita i ute meto mwa hav tu te ḡoroe. Geki gam bevea lalai kimiu.

1 Jon 4:10

Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.

Visirai 21:23

Bwatutun vanua mwa hav mom doron te alo sa vula be vi gigitainia. I sarisarin God mwa odae i Nitui Sipsip mwa bora non gigita.

Visirai 22:5

I ute bon̄i mulei sigai aia. Atat vwate sigai alolora be ram du aia be vi doron here sa gigitan alo. Ratahigi God vi gigitainira i rav tomua vai tuai.