Jemes 1:12 - Hano Niu Testamen

¹² Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

Jemes 1:12 ပူးပေါင်းရင်းမြစ်များ

Matiu 10:22

Atatu duluai rai varihai kimiu bwatuna ihaku. Take irahei nin kimiu be rav tu wasi vai votu nogonana rav rahu.

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Leo Tavuha gabe Luk nu Ravae 6:22

“Kimiu gabe atatu ram hun̄ai kimiu, i ram barihai kimiu, i ram bev hantai kimiu, i ram bevea be kimiu atat hantai, bwatuna be inau Nitun Atatu; giv ron̄mwandavuha!

Ravrava non Pol lalai ata Rom 5:4

I togoan ḡoḡonai mwa lol alen̄a, i alen̄a mwa lol doronhohov.

Ravrava non Pol lalai ata Rom 8:28

Tam iloe be lol ginau n̄oto God mwa lol rovoga huri tavuha non atatu be ram doronia. Kera haḡea atatu be nu uloinira, huribe kea haḡea non binbinihi.

1 Korin 2:9

Take kunia gabe mwa bevea lol ravrava sabuga be, “Geki atatu vwate nu hav gitae tehe, i atatu vwate nu hav ron̄oe te n̄an haḡea. Atatu vwate nu hav gita te batoia havanau be God mwa lol vatuvwainia hurira be ram dabea.”

1 Korin 8:3

Take be atatu vwate mwa dabe God, atatu gea God mwa iloe.

1 Korin 9:25

Kera duluai be ram rovo lol taron rovoana, ram n̄aitai gin nora muramura be rav harav ira tuara. Tabeana gea kea ginau n̄ano ata lol ureure be mwa dogo vwelvwele n̄ano, take nonda na tabeana si hav lolian te kaburai dumwi.

2 Timoti 2:15

Gov lol ron̄oe lolmatan God be vi ron̄ mwandavuha ginigo. Gov mai gi atatun rovoga be gom hav busbusi tehe gin nom rovoga. Gov mai gi atatu be mwa bagahi atatu gin mwasin avoana non God la mwasin halana.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Hibru 10:32

Nu tavuha be giv togo ba binihi mulei huri gubwen̄i amua be ran ḡao huba be rahun God nu votui kimiu. Gin habwe taro ririhai ivusi take taro keragea ran hav tau te kimiu ata.

Hibru 11:17

Haḡe bwatuna be Ebraham mwa binihimwasigi garagusi alun God, i mahavana gabe God mwa lol ron̄oe, take kea mwa lol dau huba be vi wehi nituna Aisak, be vi hogoi ginia lalai God. God nu lol tatauleo kera gea lalai Ebraham, i Ebraham nituna n̄an gaituvwa. Take mwa lol dau be vi wehia i vi hogoi ginia lalai God.

Hibru 12:5

Bisata gin binihi malioi avoan dura gea be mwa eno lol buka Baebol. I God nu avo lalai kimiu kun gabe kimiu haḡea mwasin ira nituna? “Nituku, giv roron̄tai batena be nai vevegi kimiu, i binihimiu sihav hovi tehe batena be nam nav av surasurai kimiu.

Hibru 6:15

Kunia Ebraham mwa lol non binihiva mwa n̄ava, i la hala gea, kea mwa lai dum ginau be God nu tatauleo huria.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

Jemes 5:11

Bwatuna be kera ram du wasigi vataha mahavana i God mwa lolira ram ron̄ mwandavuha. Gim ron̄oe huba huri binihiv maḡemu non Job, i gim ilo ginau duluai be Ratahigi nu lolia lalainia atagu. Ratahigi nu tavuha maragai i mwa hagav atatu.

1 Pita 3:14

Take gaituvwa n̄an be gov ron̄ ḡagarasi huri lolian tavuha, giḡo gom lai vatavuha. “Gosav matagu te hano be ram mataguinia; gisav Virururu tehe gin ginau Kerageki.”

1 Pita 4:13

Take giv ron̄ mwandavuha be kimiu gim bului mai ron̄ ḡagarasi non Kraes bwatuna be kimiu giv ron̄ mwandavuha i giv masiri gin samwarana lol taro be Kraes vi mai mulei lol sarisari.

1 Pita 4:14

Lol taro be atatu rav vev avoan hantai hurigo bwatuna be gom huri Kraes, giḡo gom lai vatavuha, bwatuna sarisarin vui, vui non God, mwa dogo maigo.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

1 Pita 5:4

I lol taro be Kraes, muai radaiḡoro, vi mai, kimiu giv lai gaisosorin bwatu sarisari be sihav vano te dumwi na gabolanana.

1 Jon 4:19

Tam dabe atat dodolua bwatuna be God mwa dabe gida.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 3:19

Atatu gabe nam doron maragainira, nam av wasigi lalainira, i nam lai silo vevegi lalainira. Bwatuna gea, kimiu giv leahi binihimiu i giv van burigai nin vuromiu.

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”