Ifisas 6:9 - Hano Niu Testamen

⁹ Ira ratahigi lavoa, la hala n̄an kunia, giv tavuha lalai ira nomiu turin rovoga. Gisav lol te bwarebwarera. Giv vinihi dumwia be kea gabe nom ratahigi lavoa i nora Ratahigi lavoa haḡea be mwa dogo amare, i vi gita atatu duluai la dadarihanan gaituvwa.

Ifisas 6:9 ပူးပေါင်းရင်းမြစ်များ

Matiu 22:10

Haḡe kunia non atatu ram bano la hala lavoa, ram hara ḡoḡo atatu ivusi kun ram habwera, ira tavuha maira hantai. Kunia imwan lagiana mwa masiri ginira duluai.

Matiu 22:8

Haḡe mwa uloi non atatun rovoga mwa bevea lalainira be, ‘Noḡu ginaganiana huri lagiana nu harana mwa du dautau huba, take atatu gabe nan warera ram hav dadariha tehe huria.

Matiu 24:48

Ta be si vora kea atatun rovoga hantai, si vevea alolona be, ‘Noḡu ratahigi si hav tabagilu tehe huri mahavana n̄ava,’

Matiu 24:51

Kunia non ratahigi vi lol ḡagarasia, vi tau dagainia abera hoḡoiḡoro. Aia vi goea i vi gan livona.

Matiu 7:12

“Mwa du be giv lol lalai irahei kunia be gim doron be ras lolia lalai kimiu. Geki haḡea binihiva ata lol Silo non Moses i silo vagahi non ira atatun vevsera.

Leo Tavuha gabe Luk nu Ravae 6:31

Giv lol lalai irahei kunia be gim doron be rav lol lalai kimiu.”

Leo Tavuha gabe Jon nu Ravae 13:13

Gim uloiau be Vagahi i Ratahigi, i mwasigi be gim uloiau kunia, bwatuna gabe inau haḡea nam lai iha gairua gea.

Lalaḡova 10:34

Haḡe Pita mwa bavora mwa avo mwa bevea be, “Inau nam binihimwasigi be God mwa domuai atatu duluai la hala n̄an gaituvwa.

Ravrava non Pol lalai ata Rom 2:11

God mwa bevegi atatu duluai la hala gaituvwa.

1 Korin 1:2

Lalai uloilua non God Korin, i lalai kimiu duluai be gin togo sabuga lol Kraes Jisas, nu uloi kimiu be giv vora atat sabuga non God, mai sinombu duluai be ram dataro lol ihan Ratahigi Jisas Kraes, nora God i nonda.

1 Korin 7:22

Kera be ran vora ira turin rovoga lol taro be God nu uloinira kera ram bora maribwesi lolmatan God. La hala n̄an gea, atat maribwesi be Kraes nu uloinira ram bora non turin rovoga.

Kolosi 3:25

Take gov vinihi dumwia be atatu gabe mwa lol vahala vi lai silo vevegi huri vahalana gea, i God mwa lolia lalai atatu duluai dadariha.

Kolosi 4:1

Ira Ratahigi, giv lai hano be nu vavtutu lalai ira non turi. Gov iloe be nom Ratahigi lavoa vwate mwa dogo amare.

Jemes 2:13

Haḡe gov hagav atatu dodolua. Be gosav hagav te atatu God sihav hagavigo tehe lol taro be vi vevegigo. Take atatu be mwa hagav sihav matagu tehe lol taron vevegi.

Jemes 2:8

Silo gaivua geki mwa du lol ravrava sabuga: “gov tabe tuamwa kunigo sibomwa.” Be gov tabe silo geki giḡo gom lol ginau vavtutu.

Jemes 5:4

Gim hav vol te ira turin nomiu rovoga be ram lol rovoga lol bilamiu talu. Giv roron̄tai huri nora haharigiana, huribe God roron̄o mwa ron̄ deiana non ira atatun rovoga.