Ifisas 6:8 - Hano Niu Testamen

⁸ Gov vinihi dumwia be God vi lai tavwe lalai atatu duluai, turin rovoga sage atat vuroi, huri lolian tavuha.

Ifisas 6:8 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 20:7

Take ram bwaliua be, ‘Bwatuna be atatu mwa hav hudali te kamai huri rovoga.’ Haḡe kunia, mwa bevea lalainira be, ‘Kimiu mulei giv mai ba lol rovoga lol taluku.’

Matiu 5:12

Giv samsamwara i giv garigari kimiu, huri be giv lai volimiu gaivua lol ute atamare. Kera ran lol ḡagarasi atatun vevsera atamua kunia.

Matiu 6:1

“Nomiu lalaḡova duluai be gim lolia lalai God, ta giv lalaḡoinia la mwasin halana. Gisav lolira te lolmatan sinombu be atatu men gita kimiu. Be giv didi lolia kunia, Tamamiu lol ute atamare si hav tavwe te kimiu huria.

Matiu 6:4

Lalaḡova kunia huri buluiana ginau dahuligi. Tamamiu gabe mwa ḡita buluiana be gim lol dahulinia vi tavwe kimiu huria.

Leo Tavuha gabe Luk nu Ravae 14:14

I kunia vi vatavuhanigo huria bwatuna be kera uhu rasav ḡele te dum mulei ginaganiana gabe gon van̄anira ginia. Take God sibona vi ḡelea lalainigo lol mahavana be ira vavtutu rav tomare mulei nin mateana.”

Leo Tavuha gabe Luk nu Ravae 6:35

Mwa hav vora te kunia! Ta gov tabe nom ivwalu i gov lol tavuhainira. Giv hogosira gin ginau ta gisav doron te hohov be rav tabagilui muleinia. Kunia giv habwe tavwemiu gaivua, i giv vora ira nitun God Holomare Hae. Bwatuna kea mwa davuha lalai irahei gabe rasav vev te silo avkari lalainia i lalai ira hantain lalaḡo.

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

2 Korin 5:10

Bwatuna be gida duluai tav tu la lolmatan Kraes be vi harahara lalai gida. Gida gaitutuvwai mwa du be tav lai havanau mwa du be tav lai dumwia, tavuha sa hantai huri ginau be tan lolira teti lol ureure mai rebehida.

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Kolosi 3:11

Lol rahuan gara ginau vwate nu hav dolua tehe lol davolan ira Lolobon̄i mai ira Jius, kera gabe ran tav dovon̄ara i kera gabe ran hav tav te dovon̄ara, ira tausala sage ira len̄len̄aga, ira turi i ira mwaribwesi. Take Kraes kea lol ginau n̄oto, i Kraes mwa dogo lol ginau duluai.

Kolosi 3:24

Gov vinihi dumwia be gov lai tavwemwa nin God, gabe nu haḡoe huri non atatu. Kraes kea mwasin non Ratahigi be gom lol rovoga lalainia.

Kolosi 3:25

Take gov vinihi dumwia be atatu gabe mwa lol vahala vi lai silo vevegi huri vahalana gea, i God mwa lolia lalai atatu duluai dadariha.

Hibru 10:35

I huri ginau geki mwa du be giv tu wasigi huribe tavwemiu gaivua mwa dogo be giv laia.

Hibru 11:26

Nu ḡunia n̄ano be nu vevea be, be kera ras manuhi Wani Vurai gabe God vi horae vi himai, ta kea sihav busbusi tehe. Kea mwa ron̄ mwa davuha maragai alun ginau gea, ninia be mwa ron̄ mwandavuha gin ginau tavuha alun rahuana lol vanua Ijip. Kea mwa ron̄oe kunia huria be kea mwa ḡitae tagaro alun tavwe be God vi laia lalainia.