Ifisas 6:6 - Hano Niu Testamen

⁶ Gosav lolia te n̄an kungeki lol taro be atatu ram ḡitago, be gomen lolira ramen ron̄mwandavuha. Gin irubwimwa duluai gov lol hano be God mwa doronia gida atatu be tam ḡogonai Kraes.

Ifisas 6:6 ပူးပေါင်းရင်းမြစ်များ

Matiu 12:50

Huri ihei be mwa lol dum doroniva non Tamaḡu mwa be dogo lol ute atamare, kea tuaku, hogosiku i ratahiku.”

Matiu 7:21

“Si hav vora te atatu duluai ninira ram uloiau be ‘Ratahigi, Ratahigi,’ rav dalin̄oro lol Ute Lavoa atamare, take kera n̄ano be ram lol dum doroniva non Tamaḡu lol ute atamare.

Leo Tavuha gabe Mak nu Ravae 3:35

Ihei tehe mwa lol ginau gabe God mwa doronia be vi lolia, kea haḡea tuaku, hogosiku, mai ratahiku.”

Ravrava non Pol lalai ata Rom 6:17

Amua gon vora turin vuro, i vuro nu haḡo rahumwa. Ta gov avkari God, gom dabe mwasigi ginau gabe gon lai silo vagahi huria.

1 Korin 7:22

Kera be ran vora ira turin rovoga lol taro be God nu uloinira kera ram bora maribwesi lolmatan God. La hala n̄an gea, atat maribwesi be Kraes nu uloinira ram bora non turin rovoga.

Kelesia 1:10

Gim binibe nam lol ron̄oe be namen lol atatu ba ramen ron̄ hano be nam bevea? Sigai, God haḡe gaituvwa be nam lol ron̄oe be namen lol samsamwarainia. Nam lol ron̄oe be namen lol samsamwarai atatu? Be nam doron radu be namen lol samsamwarai atatu, nasav vora te atatun rovoga non Kraes.

Ifisas 5:17

Kimiu gisav taltale tehe take giv huhui havanau be Ratahigi mwa doronigo be gov lolia

Filipae 2:12

Ira tabetabe, kun vataha mahavana gim roron̄taiau batena be nam dogo mai kimiu, vi tavuha maragai be giv roron̄taiau batena nam hav togo te mai kimiu. Giv lol rovoga ḡaoḡao gin binihi marahi mai huiruru be giv lai dum rahuana,

Kolosi 1:9

Bwatuna geki, lol gubwen̄i be gan ron̄oe hurigo, gam dataro rahurahu hurigo, nam hudali God be gov ilo didininia havanau be mwa doronia. Gam dataro be gov mataisaoga maragai i iloilo bwatuna be Vui Sabuga mwa laia lalainigo.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 2:4

Take gam bev Roroi Tavuha bwatuna God nu haḡo ron̄ kamai i mwa butu alumai be gav lolia. Batena be gam avo gam hav lol te ron̄oe be gav lol samsamwarai lolon sinombu, take lolon God, kea mwa haḡo ron̄ lolomai.

1 Tesalonaeka 4:3

God mwa doron kimiu be giv sabuga i giv to dagai nin bwatigoro mai atamwani i vavine ram bulu lol rebehira.

Hibru 10:36

Giv lin̄ maḡemu, bwatuna giv lol hano be God mwa doronia i giv lai havanau be God nu tatauleo be vi laia lalai kimiu.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

1 Pita 2:15

God kea mwa doronia be gin alen̄ vavtutu kimiu mwa du maragai be giv tuḡoro atat hahantai be ram bev avoan taltale huri kimiu.

1 Pita 4:2

Giv tu wasigi Sibomiu huribe giv rahu teti lol ureure i giv lol havanau be God mwa doronia.

1 Jon 2:17

Ureure mai ginau be mwa lalagoinia vi nogonogo kaburai. Take be tav tabe God, tav rahu vai tuai.