Ifisas 5:3 - Hano Niu Testamen

³ Take vahalana mai vavine i mai atamwani vi sigai alolomiu, sage lalan̄an ginau hahantai sa bugurana. Ginau kera gea ran hav tavuha tehe mai sinombu sabuga non God.

Ifisas 5:3 ပူးပေါင်းရင်းမြစ်များ

Matiu 15:19

Bwatuna be nin lolon atatu binihiv hahantai kera geki ram mwalue, wehi bonogai, vuro mai atat lagi, vuro mai atatu dagai nin lagiana, surasura, tenteneana, i tul bonogai.

Leo Tavuha gabe Luk nu Ravae 12:15

I mwa bev rahurahuinia lalainira duluai be, “Giv mataiḡoro i giv gitaḡoro kimiu nin lalan̄an bugurana, bwatuna mwasin rahun atatu mwa hav mai tehe nin rosona, gaituvwa n̄an be rosona gaivua.”

Leo Tavuha gabe Luk nu Ravae 16:14

Haḡe batena be ira Varise ram ron̄ ginau duluai uhu, ram sovui Jisas bwatuna be kera ram dabe homu.

Lalaḡova 15:20

Take, mwa du higea be tav rava letasi ba bevea lalainira be rasav gan te ginau be nu bibili bwatuna be mwa dataroiana ginia lalai ira nunu buhiga; i rasav togo te deḡeteḡe mai vavine; i rasav gan te boe be mwa davan roto na mwagorona mwa dadaga.

Lalaḡova 20:33

I nau nam hav doron te vatlegiga non atatu mai vatan̄oga i gaisaga.

Ravrava non Pol lalai ata Rom 1:29

Kera ran hogon bamasirira gin lalan̄an vuro duluai, kun hala lete, bugurana, atat varihai, ran masiri gin binbinihi hantai, wehi bamat atatu, bwaloana, tenteneana, i ram binihi hantai ira tuara. Ram hun̄ahun̄a

Ravrava non Pol lalai ata Rom 16:2

Nam hudalinigo be gov dame aluna la ihan ratahigi la hala be atat non God rav lolia. Gov buluia lol hano be mwa do ririhai huria, huribe nu buluiau mai sinombu dodolua mulei ivusi.

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

1 Korin 10:8

Tasav hurira tehe lol vuro taltale geki, kunia be kera vasan̄vul varua vena gaitolu ram mate gin vurora.

1 Korin 5:1

Mwasigi mwa beveana kunia be vuro lol davolamiu alun rebehi mai rebehi nu hav tavuha tehe, i ira len̄len̄aga ram hav lolia tehe kunia. Atatu vwate aia mwa lai mulei tasalan tamana.

1 Korin 6:13

Atatu vwate vi vevea be “Ginaganiana kea huri tabwan̄i, i tabwan̄i huri ginaganiana.” Uwe, take God vi lol kaburai saraḡora. Rebehi mwa hav vora te huri vuron bwatigoro take huri Ratahigi, i Ratahigi kea mwa ḡita ḡoro rebehi.

1 Korin 6:18

Haḡe kunia gov rov maragai nin bwatigoron rebehi mai rebehi. Bwatigoro dodolua duluai gabe sinombu mwa lolia kea dagai avare nin rebehi, take kera n̄an gabe ram buroga mai bwatigoron rebehi be nu hantai mai mwasin rebehira sibora.

2 Korin 12:21

Nan hen matagu be batena be nam mai vai abemiu mulei, noḡu God vi lolia nai busbusi lol matamiu. Bisata nav ron̄ mwahantai ginia ivusi be ram lol bwatigoro bwatun be ram hav leahi te rahura sa be rai van burigai nin bwatigoro be ram bulu gin rebehira i ginau ivusi be ram lolia.

Ifisas 5:12

Vain busbusiana haḡea huria be men veveana huri sinombu kera gea be ran lolia dahuligi.

Ifisas 5:5

Giv ilo dumwia be atatu be mwa lol bwatigoro mai vavine sa atamwani sage mwa lol ginau hahantai, i bugurana (huribe bugurana kea dovon̄an gogonaiana lalai tagaro dodolua). Kea sihav togo te dumwi lol Ute Lavoa non Kraes i non God.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

1 Tesalonaeka 4:3

God mwa doron kimiu be giv sabuga i giv to dagai nin bwatigoro mai atamwani i vavine ram bulu lol rebehira.

1 Tesalonaeka 4:7

God nu hav uloi te gida be tav togo lol vuro, take tav togo melmelo.

1 Timoti 2:10

Leahia gea, rav lol lalaḡov gin sine tavuha, kea be nu vavtutu huri ira vavine kera be ram bevea be ram ḡogonai God.

1 Timoti 3:3

Sihav mwin te lavoai waen sage si hav taltale tehe be men bwalo, take mwa du be vi maḡemu i vi lol dum tamwata, mwa hav dorodoron te homu.

1 Timoti 6:10

Doroniva huri homu mwa bwativugai lalan̄an Vui hantai duluai. Sinombu rituai ram lin̄ binihimwasigi garagusi, bwatuna be ram bwativugai taro ririhai i ron̄ mwahantai lalainira sibora.

2 Timoti 3:2

bwatuna be sinombu rav tabera sibora, rav tabe homu, avoan sasagerega, i ram binihi sagera. Rai vev ginau hahantai vai alura rituai, rasav ron̄ te maḡemu alun ira tamara i ratahira sage ram hav avkari tehe sa ram hav vinihi te dum God.

Taetas 1:11

Kera gea rav mambu, bwatuna be ram lol ḡoro atatu duluai gin silo vagahi be rasav vagahi te ginia. Kera ram rosoga gin hal hantai be ram lolia lalai sinombu.

Taetas 1:7

Vwalaua non God tomuai, atatu be mwa hav vuroga tehe be vi lol bwatigoro be vi bugura sage vi lolhoro vilvilehi. Sihav mwin te daltalei waen, be vi doron be men bwalo, sa vi lol ron̄oe be vi rosoga alun hal lete alun atat dodolua.

Taetas 2:3

Kunia n̄an mulei, goi vagahi ira vavin mituaga be rav togo lol togoana be nu sabuga lol alen̄ara

Hibru 12:16

Giv gita ḡoro tavuhai be vwate nin kimiu sihav vora te kun Iso, be rahuna nu hav vavtutu tehe, i mwa hav vinihi te dum God mulei. I kea mwa salei non tanon tuagai mai non roso. Take volin non tanon tuagai mai roso duluai gina ganiana n̄an vuroi, be kea nu gania vatuvwa mamaha.

1 Pita 5:2

ira gitaḡoro i vatugigi non God, i hurira be gim ḡitaḡorora. Giv gitaḡorora bwatuna kimiu mulei gim doron, mwa hav vorate bwatuna be ram ḡaroi bonogai kimiu. Geki haḡea kun hanigi God mwa doronia. Giv lolia bwatuna be kimiu gim ron̄ mwandavuha be giv bulbului kimiu, mwa hav vorate huria be gim doron homu.

2 Pita 2:10

Silo Vevegi gea liuhage lalainira be ram dogo ram lol bwatigoro lol rebehira sibora ram doronia i ram hav doron te roron̄o. Ira Vagahi tentene kera geki ran wasi i ram lol havanau be ram doronia. Ram hav matagu tehe be rav avo vai alun ira enjel.

2 Pita 2:14

Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

Visirai 2:14

Take ginau ivusi gim lolia be ran hav vavtutu tehe lol mataku. I atatu rituai lol tatan̄an gaituvwa bul mai kimiu, rituai ram huri avoana non atatun vevsera gea Balam tuai. Atatun vevsera gea mwa dogo mwa bagahi halan Ratahigi lavoa Balak be men saruruhi ata Israel huri be ramen hovi lol bwatigoro. I kera ram ḡan bigi gabe ran tataroi ginia huba lalai God dolua, i ran vahala lol halan lagiana mai atat dolua.

Visirai 2:21

Nam lai taro lalainia be vi vinihi leahi lol non vahalana alun bwatigoro take mwa barihai didi binihi leahi nin vurona.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.

Visirai 9:21

Sage ginau kera gea rasav vinihi te leahi dumwi, nin wehiwehi te bonogai, sage vui son̄son̄o, sa taḡana sage surana.