Ifisas 5:20 - Hano Niu Testamen

²⁰ Giv avkari God huri vataha ginau duluai, lol ihan Ratahigi gida Jisas Kraes.

Ifisas 5:20 ပူးပေါင်းရင်းမြစ်များ

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Ravrava non Pol lalai ata Rom 1:8

Muana nam doron be nav vevea be nam hav vev te tabeana lalai noḡu God sivi Jisas Kraes huri kimiu duluai, bwatuna be sinombu duluai lol ureure ram avoi nomiu binihimwasigi garagusi.

1 Korin 1:4

Nam avkari God huri kimiu bwatun hogoi be God nu laia lalai kimiu sivi Kraes Jisas.

1 Korin 15:24

i nogonana vi mai. Lol taro gea Kraes vi lol kaburai ira tomuai, gitaḡoro, i ira muramura, i Kraes vi tau mulei ute ratahigi la liman God Tata.

Ifisas 5:4

I mulei avoanan bwatigoro vi sigai mai kimiu, i gisav av te daltale, i gisav vev te sov hahantai ginau kera geki ran hav vavtutu tehe mai kimiu. Take ninia gea mwa du be giv lai avkariana lalai God.

Filipae 1:3

Nam avkari noḡu God vataha taro be nam binihi kimiu,

Filipae 4:6

Gisav lai te binihiva huri hano be gin doronia, take giv tataro i giv hudali God huri ginau duluai be gim doronia, tagaro giv lai avkari.

Kolosi 3:17

Ginau n̄oto be gom lolia i gom bevea vi loli be men gogonai Jisas nonda Ratahigi. I lol ginau n̄oto be gom lolia, gov lai tabeana lalai God tamanda sivi Jisas.

1 Tesalonaeka 3:9

Nomai samsamwarana maragai lolmatan nonda God bwatuna kimiu. Gisav lai te avoan avkari be vi dadariha huri samwarana duluai be gam ron̄oe.

1 Tesalonaeka 5:18

i giv lai avoan avkari huri havanau te be mwa loli gaituvwa be loli. Kea haḡea havanau be God mwa doronia be vi loli lalai kimiu lol Kraes Jisas.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

Hibru 13:15

Tataroi tuntun gea nu vavtutu huribe mwa mwalue nin atatu be ram uloi God be nora Ratahigi.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.