Ifisas 5:11 - Hano Niu Testamen

¹¹ Gisav lol te havanau gabe mwa lalaḡoiana lol ute meto, be nu hav tavuha tehe huri havanau tehe. Take mwa seserainia be kera ran vahala.

Ifisas 5:11 ပူးပေါင်းရင်းမြစ်များ

Matiu 18:15

“Be tuamwa mwa buroga lalainigo, goi van abena ba seserai non vahalana. Itake gov lol dahulinia, mahavana kimiru gahemiru. Be vi ron̄ogo, kunia gom lai mulei tuamwa.

Leo Tavuha gabe Luk nu Ravae 3:19

Ram dau Jon Garuhisabuga lol imwa vauvauhi huri be Jon mwa hul bagahi lavoa Herod bwatuna Herod nu lai Herodias tasalan tuana i huri tavalten ginau ivusi be Herod nu lolira.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

Ravrava non Pol lalai ata Rom 16:17

Ira tuaku, nam hudali kimiu be giv gita ḡoro hurira be ram lol atatu be ramen vigaigai ginginira, i ram lol hantai binihimwasigi garagusi non atatu. Kera ram hae la mwasin silo vagahi gabe gin huhuinia, i giv togo dagai ninira.

Ravrava non Pol lalai ata Rom 6:21

Gom lol daltalei ginau, i kadogaha gom busbusi ginira. Ginau keragea ram lai mateana n̄ano.

Kelesia 6:8

Be ram ririvu be ramen lol lumlumuhira sibora, vurora sibora vi lai lalainira ginau nogonogo. Take be rav ririvu be ramen lol tavuhai Vui, rav lai rahuan n̄ava nin Vui.

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Ifisas 5:12

Vain busbusiana haḡea huria be men veveana huri sinombu kera gea be ran lolia dahuligi.

Ifisas 5:7

Kimiu gisav bulbulu te n̄an haḡea mai atatu be kunia.

Kolosi 1:12

I gov samwara ba lai tabeana lalai tata be nu loligo gom haḡo dum houn ginau duluai be nu lol vatuvwainia huri non sinombu lol ute ratahigi huri gigita.

1 Tesalonaeka 5:7

Kera be ram maturu, ram maturu bon̄i. Kera be ram mwinmwin daltale, ram mwinmwin daltale lol ute bon̄i.

2 Tesalonaeka 3:14

Mandovai be atatu rituai rasav gogonai te hano gam bevea lalainigo lol ravrava geki, gov tau nom binbinihi alura. Gosav lol te ginau vwate bul maira huribe rav busbusi.

2 Tesalonaeka 3:6

Ira tuaku, lol roron̄o non ratahigi Jisas Kraes, gam bevea lalainigo be gov tu dagai nin atat binihimwasigi be mwa hav doron te didi lol rovoga i mwa hav huri te silo vagahi be gam laia lalainigo.

1 Timoti 5:20

Giv vevea lalainira be ram dogo lol bwatigoro be ram bahala. Vevea kunia lolmatan sinombu duluai lol uloilua huria be vi mamatara rituai mulei.

1 Timoti 5:22

Gov binbinihi tavuha amua gim siv tau limamamwa alun bwatun ihei tehe, i gosav hovi tehe lol vuro non kera dodolua. Gov gitaḡoro be gov melmelo.

1 Timoti 6:5

sinombu kera geki ram bigaigai vataha mahavana. Binihira ran hantai i ram salai mwasigi. Ram binihia be lalaḡova lalai tagaro kea hala be rav rosoga.

2 Timoti 3:5

Rav lolia kun be ram lol rovoga huri God take rasav haḡo te dum non muramura. Gov to hautu nin atatu kera gea.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Taetas 2:15

Vev ginau kera geki i av dura sinombu i vev lua havanau be ran vahala lol rahura, vevea gin roron̄o. Gosav lin̄ te ihei be vi gitago kun be giḡo gom hav vora te atat binihi marahi.

Visirai 18:4

Haḡe nam ron̄ silo ata amare vwate mulei mwa bato mwa bevea be, “Noḡu sinombu, giv rov maragai nin Babilon. Gisav haroro tehe lol non bwatigoro i be kimiu bulu lol non silo vevegi!