Ifisas 4:4 - Hano Niu Testamen

⁴ Aia rebehi gaituvwa i Vui non God gaituvwa, i God nu uloinigo be nom doronhohov gaituvwa n̄ano.

Ifisas 4:4 ပူးပေါင်းရင်းမြစ်များ

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.

Lalaḡova 15:11

Gida tam binihi mwasigi i tam rahu gin hogoi non Ratahigi Jisas, kunia n̄au gabe mwa lolia lalainira.”

Ravrava non Pol lalai ata Rom 11:29

God mwa hav leahi te hohoi binihina mai non sinombu be nu uloinira i vataha ginau be nu laia lalainira.

1 Korin 10:17

Huribe bereti gaituvwa n̄ano, gida tam bora rebehi gaituvwa, huribe tam bul gaituvwa lol bereti gaituvwa.

1 Korin 12:20

I kunia mavuvuda ivusi, take rebehi gaituvwa n̄ano.

2 Korin 11:4

Gim haḡo alen̄ mahuri mai ihei be mwa mai vai abemiu i mwa doretore huri Jisas dolua nin vwate be kamai gam toretore huria. Kimiu gim doron maragai be giv damei Vui sa Roroi Tavuha be dolua nin Vui i Leo Tavuha be gin laia huba nin kamai.

Ifisas 1:18

Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Ifisas 2:16

Ita mulei bwatuna Kraes be men lol kaburai silo harabora lol davolan tatan̄ana gairua, be men lolira ramuru bora rebehi gaituvwa, i be men lai muleinira lalai God. Kraes mwa lol ginau duluai geki gin mateanana la volovolo.

Ifisas 2:18

Uwe, sivi Kraes n̄ano be nonda mwasigi abena be tai mai vai aben Tata lol Vui gaituvwa.

Ifisas 2:22

I lol Kraes mulei, kimiu mulei mwa haḡohaḡo kimiu hara gaituvwa mai kera dodolua lol ute gabe God mwa dogo sivi Vui.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 5:30

Bwatuna be gida ududun rebehina.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

1 Timoti 1:1

Nin Pol, hala non Kraes Jisas, gin avoan wasi non God varahuda i Kraes Jisas nonda doron hohovi.

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Taetas 3:7

Tam mai bavtutu mai God alun non hogoi, tam lai dum doronhohov be tav lai rahuana be sihav nogo tehe.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.