Ifisas 4:31 - Hano Niu Testamen

³¹ Gosav hantai tehe sa lololhoroga n̄an haḡea, sage gosav vev te ginau be vi lol ḡagaras atat dodolua. Gosav lol te bwatigoro hahantai.

Ifisas 4:31 ပူးပေါင်းရင်းမြစ်များ

Lalaḡova 21:30

Haḡe tenteneana mai viavoavoana mwa lon̄ahi ute duluai lol bwatutun vanua, haḡe sinombu duluai ram rovo vai ute gaituvwa, ram bohai kaburai Pol avare nin imwa Tataro. Haḡe darihou n̄au gatavan imwa Tataro mwa ḡoro.

Ravrava non Pol lalai ata Rom 3:14

Bwan̄ora ran masiri gin vev hantai atatu i ram barihai atatu.

1 Korin 14:20

Ira tuaku, gisav binbinihi tehe kun gabe ira naturigi, lol ginau lete giv vora kun naturigi memea be mwa siv vora be mwa gav ilo te ginau vahala vwate. Take lol binihimwa goi vora kun atat gaivua.

1 Korin 5:8

Haḡe kunia gida tav lol nonda Halbisḡalau geki, take sihav vora te mai bereti be is maleiga alolona, take is huri vuro mai mandamanda. Tav samwarai ginaganian lavoa geki mai bereti be is sigai alolona bereti huri tavuha i mwasigi.

2 Korin 12:20

Nam binihi gairuruai be batena be nai mai, berevai gim hav vora te kunia be nam binihia be vi vora kunia, i inau nasav vora te atatu kunia be gin doroniau be nai vora kunia. Nam hen binihi gairuruai alolomiu be sigai ta vigaigaiana, binbinihi hantai, lolhoro, bwaloana, bugurana, avoan bibili, hun̄ahun̄a, binihiv sage, i vi len̄len̄aga.

Kelesia 5:20

gogonai nun vatu, ram lol gabwaleva, ram binbinihi hantai, ram lolhoro, ram bugubugura, ram lol atatu ram lolhoro ginginira, ram lol harabora lol davolan atatu,

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Ifisas 4:25

Haḡe mwa du be giv lin̄i be gim dentene. Giv vev mwasigi lalai vatvataha kimiu, bwatuna be gida duluai ira ududun vatvataha gida lol rebehi gaituvwa.

Ifisas 4:26

Mahavana be gim lolhoro, gisav lin̄ te nomiu lolhoro be vi lai kimiu vai lol vuro, i giv gitae be gisav mom lolhoro tehe vuvuri ute gim siv bon̄i.

Kolosi 3:19

Ira ahoai, giv tabe ira tasalamiu i giv lin̄ maḡemu lalainira.

Kolosi 3:8

Take kadogaha gov tau dagai ginau kerageki nin rahumwa: lolhoro, alen̄ wasi, loliana sage gom bev ginau be mwa lol atatu dolua mwa ron̄ mwahantai, i gam av bwarebware lol taro ron̄ mwahantai, i gom av bwarebware lol taro be gom avo.

1 Timoti 3:11

La hala n̄an gea, ira vavine mwa du be atatu rav binihi marahinira. Kera rasav vev te bwarebware atat dodolua. Rav vwalaunira sibora, i rav binihimwasiginira lol ginau duluai.

1 Timoti 3:3

Sihav mwin te lavoai waen sage si hav taltale tehe be men bwalo, take mwa du be vi maḡemu i vi lol dum tamwata, mwa hav dorodoron te homu.

1 Timoti 5:13

Kunia mulei, ram huhuinia be rav sabwelei nora taro, ram batvataha imwa. Ram hav sabwelei te nora taro n̄an take mulei ram dau bwatuna ram hun̄ahun̄a i ram habwe sibora nin atat dodolua be ram daura sibora la rovoga hahavwani, ram bev ginau be mwa du be rasav vevea tehe.

2 Timoti 2:23

To dagai nin vagaigaian dadaloiga i vagaigaiana hantai, bwatuna be gom iloe be ram mauri vai lol bwaloana.

2 Timoti 3:3

Rasav tabe te atat dodolua, rav lol bwarebware atat dodolua, rai vora atatu be mwa bwalbwalo, i rav lololhoroga. Ram barihai ginau n̄oto be nu vavtutu.

Taetas 1:7

Vwalaua non God tomuai, atatu be mwa hav vuroga tehe be vi lol bwatigoro be vi bugura sage vi lolhoro vilvilehi. Sihav mwin te daltalei waen, be vi doron be men bwalo, sa vi lol ron̄oe be vi rosoga alun hal lete alun atat dodolua.

Taetas 2:3

Kunia n̄an mulei, goi vagahi ira vavin mituaga be rav togo lol togoana be nu sabuga lol alen̄ara

Jemes 1:19

Ira mwasin tuaku be nam dabe kimiu, mwa du be gov roron̄tai i gov maḡemu lol avoana. Gosav lolhoro te vilvilehi,

Jemes 3:14

Kebe gov bugurai gov sine hantai lol irubwimwa, gosav avo tehe ravravwega. Ira avoan ravravwega geki kea tenteneana be mwa dahuli mwasigi.

Jemes 4:11

Ira tuaku duluai, gosav vev te ginau hahantai vai alun atat dolua. Kebe gov avo vai alun ira binihimwasigi dodolua sage gov vevegira, giḡo gom bevegi i gom avo vai alun Silo. Batena be gom bevegi Silo, giḡo gom hav mom borate horata non Silo, take gom mai gi harahara.

1 Pita 2:1

Mulei, giv togo dagai nin ginau hahantai duluai, tenteneana duluai, bugurana, binihiv hahantai, i avoan hahantai.

1 Jon 3:12

Gisav vora te kun Ken gabe nu wehi bamate mwasin tuana. Huri hano be mwa wehia? Bwatuna be kea nu hantai i tuana nu hantai.

1 Jon 3:15

Be ihei tehe mwa wehi tuana kea wehiwehi surai, i tam iloe be wehiwehi surai, sigai alolon rahuana vai tuai.

Visirai 12:10

I nam ron̄ silo gaivua lol ute ata amare mwa bevea be, “Kadogaha varahuva non God mwa barahu gida! Kadogaha God mwa seserai non muramura kun gabe ratahigi Lavoa! Kadogaha non Wani Vurai mwa seserai non tanon lavoa! Huri be kea gabe nu tu la lolmatan nonda God i mwa bevegi ira tuada rani i bon̄i, nu vohaiana kaburai nin ute amare.