Ifisas 4:3 - Hano Niu Testamen

³ Kimiu giv bulu hara gaituvwa mai tamwata sivi Vui Sabuga, i giv lol dum hala duluai be vi van rahurahu hara gaituvwa la hala geki.

Ifisas 4:3 ပူးပေါင်းရင်းမြစ်များ

Leo Tavuha gabe Mak nu Ravae 3:24

Be vanua vwate si haraborae sibona gi tatan̄an ivusi be men bwalo ginia sibona, vanua gea vi hovi.

Leo Tavuha gabe Jon nu Ravae 13:34

I kadogaha nav lai leohorai gara lalai kimiu: gabe mwa bevea be, giv tabe vatvataha atatu. Kun gabe nam dabe kimiu, kimiu mulei giv tabetabe kimiu.

1 Korin 1:10

Ira tuaku, inau hala non Jisas Kraes, nam navohi kimiu be giv bulgaituvwa huribe harabora vi sigai lol davolamiu. Giv bulgaituvwa mai binihiv gaituvwa lol binihimiu mai alen̄amiu.

2 Korin 13:11

Kadogaha, ira tuaku nam bevea be tai vilin̄lin̄i. Giv lol ron̄oe be giv mai gi atat duluai. Giv lol havanau be nan hudali kimiu be giv togo lol tamwata. Vuvuri God be kea lolotabetabe i tamwata vi togo mai kimiu.

Ifisas 4:13

Mwa du be rovoga geki vi van rahurahu vaivotu be gida duluai tai bulu haragaituvwa lol binihimwasigi garagusi iloute alun nitun God. Mwa du be gida tav mai kun gabe atatu be nu metue, tav mauri havava tai mai kun Kraes i tav lai non vavtutu.

Ifisas 4:4

Aia rebehi gaituvwa i Vui non God gaituvwa, i God nu uloinigo be nom doronhohov gaituvwa n̄ano.

1 Tesalonaeka 5:13

Binihi marahinira gin mwasin lolotabetabe bwatuna be huri rovoga be ram lolia. Giv togo lol tamwata mai kimiu gaitutuvwai.

Hibru 12:14

Giv lol ron̄oe be giv togo lol tamwata lolmatan sinombu, i giv togo lol rahuan gogona. Be gosav haḡo te alen̄a geki, gosav gita te dum God.