Ifisas 4:28 - Hano Niu Testamen

²⁸ Kera gabe ram susura rav lin̄i be ram susura i rav tau bwatuna ba lol rovoga. Mwa du be kera rav haḡo rahuan tavuha hurira sibora i kera rav lai dum ginau abena be rav hogoinia lalainira be ram hiruga.

Ifisas 4:28 ပူးပေါင်းရင်းမြစ်များ

Leo Tavuha gabe Luk nu Ravae 19:8

Haḡe Sakeus mwa du amare mwa bevea lalai Ratahigi be “Ron̄oe Ratahigi! Nav lai udun bilaku lalai ira hiru, be nan ruruhi ihei nav vol mulei wani gea vavasi.”

Leo Tavuha gabe Luk nu Ravae 3:8

Be kimiu gim binihi leahi mwasigi giv dovon̄ainia alun nomiu lalaḡova. Take gisav tau te bwatuna be gimen vevea lalai kimiu sibomiu be, ‘Gida ira nitun Ebraham.’ Nam bev mwasigi lalai kimiu be God vi lol dum vatu kera geki ram du rai vogi gi ira nitun Ebraham!

Leo Tavuha gabe Jon nu Ravae 12:6

Judas mwa hav avo te kungeki bwatuna be mwa binihia huri ira hiru, take bwatuna be kea susurana. Mwa haḡo tan̄an homu i vi sura dum ninia.

Leo Tavuha gabe Jon nu Ravae 13:29

Take bwatuna be Judas mwa ḡitaḡoro tan̄an homu, i ira roron̄tai rituai ram binihia be Jisas mwa bevea lalainia be men van ba bol te ginaganiana be ram doronia, huri samsamwara sage men lai ginau lalai ira hiru.

Ravrava non Pol lalai ata Rom 12:13

Gov hogos atat non God be ram do ririhai. Gov lai tausala be ram doron ginau, vai la imwamwa.

1 Korin 4:12

Gam lol rovoga hahavwani huri gamai ginau sibomai. Mahavana be sinombu ram bev bwarebware kamai, gam bev tavuhainira huria. Mahavana ram lol ḡagaras kamai, kamai gam lin̄ maḡemu vai aluna.

2 Korin 8:12

Be gom doron be gov lai nom hogoi, God vi dame alun nom hogoi, vi vevegiana vi hurin hano be nomwa abena, take vorate ginau be nomwa sigai.

2 Korin 8:2

Nu haḡo ron̄ora gin taro ririhai lalavoa, i ram hiruga. Take ram lai hogoi liu bwatuna be ram samsamwara.

Kelesia 6:10

Lol taro be nonda rovoga be tav bului atatu, mwa du be tas lolia. Take tas lai nonda mwasin loliana lalainira gabe ram dogo lol tatan̄an binihimwasigi garagusi.

1 Timoti 6:18

Goi vevea lalai sinombu rosoga be rav lol lalaḡov tavuha, be rav rosoga be rasav bugura tehe, i rav lol vatuvwai be rav hogohogo lalai atat dodolua.

Taetas 3:14

Nonda sinombu ran huhuinia be rav lai rahura huri lalaḡov tavuha be mwa lai havanau huri nora togoan tavuha be sihav hantai tehe.

Taetas 3:8

Silo vagahi geki mwasigi, i nam doronia be giv ilo tavuhainia huri be sinombu rav ilo tavuhai halan ginau kera geki. Vuvuri kera be ram binihimwasigi alun God rav gitaḡoro be rahura rav lalaḡoi ginau tavuha. Ginau kera geki ran tavuha i rav bului atatu duluai.