Ifisas 4:22 - Hano Niu Testamen

²² Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Ifisas 4:22 ပူးပေါင်းရင်းမြစ်များ

Ravrava non Pol lalai ata Rom 6:6

Tam iloe be rahuda ata amua nu mate mai Jisas alun volovolo, huribe vuroda gaitutuvwai si hav muramura tehe ḡoro gida i gida ta sav vora te turin vuro.

Ravrava non Pol lalai ata Rom 7:11

Vuro nu habwe hala be men vataltaleau nu haḡo avoana be vi loliau nav mate.

2 Korin 11:3

Take nam matagu be binihimiu rav sala dagai nin halamiu mwasigi i hal melmelo be gim huri Kraes kunia be teltele nu ruruhi Iv mai non hal hahantai.

Kelesia 1:13

Gin ron̄oe huri rahuku tuai lol binihimwasigi lol vara ira Jius. Nan tuḡorogoro sine hagavi imwa tataro non God i nan lol ron̄oe be namen lol kaburainia.

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

Ifisas 4:17

Nam bevea lalainigo geki be la ihan Ratahigi, rahumiu sihav togo rahurahu kun ira len̄len̄aga be nora binbinihi nu hav dadariha tehe.

Ifisas 4:25

Haḡe mwa du be giv lin̄i be gim dentene. Giv vev mwasigi lalai vatvataha kimiu, bwatuna be gida duluai ira ududun vatvataha gida lol rebehi gaituvwa.

Ifisas 4:31

Gosav hantai tehe sa lololhoroga n̄an haḡea, sage gosav vev te ginau be vi lol ḡagaras atat dodolua. Gosav lol te bwatigoro hahantai.

Kolosi 2:11

Mulei lol Kraes gim haḡo lalan̄an tav dovon̄a, tav dovon̄a gabe mwa hav loli tehe gin lima. Kea sivi tav dovon̄a non Kraes, gabe, mateana, gabe mwa lai luago nin nom muramura sibomwa.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Hibru 3:13

Kimiu gisav lolia te kunia. Avoana gea be mwa bevea vataha gubwen̄i be, “Garigi” mwa lulu aluda siboda, i kimiu giv avoinia lalai kimiu sibomiu huria be nomiu binihiva sihav hovi te dumwi. Hala n̄an gea be vi lol wasi kimiu huria be vwate nin kimiu sihav hovi tehe lol bwatigoro la alen̄ana be nu wasi.

Jemes 1:21

Vuro i alen̄ deḡeteḡe gov tau dagainia nin rahumwa. Gin ron̄ maḡemu gov lai ḡoḡo silo vagahi non God i gov rivua lol irubwimwa. Silo vagahi geki vi varahu rahumwa.

Jemes 1:26

Kimiu gim binibe gim haḡo wasi nomiu binihimwasigi? Batena be gom hav vwalau te tavuhai meamwa, nom binihimwasigi kea ginau vuroi n̄ano, i gim dentene mulei lalai kimiu.

1 Pita 1:18

Gim iloe be amua gin togo lol rahuan garagusi, la hala be mwa rovo atagu nin atatu be ran togo amua ninigo. Take gin rahu nin rahuan hantai. Nu vol kimiu, kun ginau be vi nogonogo dumwi kun vatlegiga, i vatan̄oga,

1 Pita 4:3

Amua gin lol bwarebware taromiu vaivusi i gim lol havanau be ira len̄len̄aga ran ron̄ mwandavuha ginia. Kimiu gin busbusi gin bwatigoro lol rebehi, doroniv hahantai, mwinmwin daltale, gisav mai tehe lol mwinmwin daltale be taḡana i bwatigoro mwa du alolona, nun vatu be mwa hav doroniana tehe mwa ḡogonai-ana.

2 Pita 2:13

Kera ran lol sinombu be rav ron̄ ḡagarasi, i kera sibora rav ron̄ ḡagarasi. Geki volira huri havanau be ran lolia. Ran hav busbusi tehe be rav lol bahala lol ute melmelo lolmatan sinombu, i kera ram bora kun totoa bibili i han̄ora lol davolamiu. Ram ron̄ mwandavuha tentene lol taro be ram ḡan ginau mai kimiu.

2 Pita 2:7

Take nu varahu Lot nin ira bwatun Vanua kera geki. Lot, atat tavuha, nu ron̄ mwahantai bwatuna rahuan hantai huri atat bwatigoro.