Ifisas 4:2 - Hano Niu Testamen

² Giv lin̄ maḡemu vataha mahavana i giv togo ḡoḡonai, i giv ron̄ mwa n̄ava, i giv dame ḡoro vatvataha kimiu lol lolotabetabe.

Ifisas 4:2 ပူးပေါင်းရင်းမြစ်များ

Matiu 11:29

Giv haḡo lua noḡu gai tatauleo vai la isibwamiu, i giv huhui ginau niniau, bwatuna inau nam maḡemu i nam do tirigi lol binihiva. I giv habwe mabuana.

Leo Tavuha gabe Mak nu Ravae 9:19

Jisas mwa bevea lalainira be, “Kimiu ata garigi nomiu binihimwasigi sigai! Nav to abemiu vain̄ava kun hanigi? Nav haḡo mai kimiu vaviha mulei? Gin lai naturigi vai abeku!”

Lalaḡova 20:19

Nam lol rovoga kera gea bwatuna be inau atatun rovoga n̄an vuroi non nonda Ratahigi, be binihiḡu mwa do tirigi. I vataha mahavana mataruaku mwa rovo huri kimiu. I vataha mahavana taro lalaiau nu hav tavuha tehe, bwatuna be ira Jius ram dari halana be rav lol hantaiau.

Ravrava non Pol lalai ata Rom 15:1

Gida be tam du wasigi lol binihimwasigi garagusi tas lol ron̄oe be tas bului kera be ram mandamanda mai nora binihimwasigi, take tasav binihi te huri gida siboda.

1 Korin 13:7

Lolotabetabe kea mosmosianana nu sigai; i non binihimwasigi garagusi, doronhohov, i mwa du wasigi ḡaoḡao.

Kelesia 6:2

Be giv bulbului kimiu lol nomiu togoan ririhai, kimiu mwasigi gim dabe silo non Kraes.

Ifisas 1:4

Kea gin binihiva be, lol Kraes, kea nu gita lua gida amua mwa siv tau ureure huria be gida tai vora non sinombu i sinombu be sihav vitultuli te gida lolmatana.

Kolosi 1:11

God vi lol muramurago gin non muramura tavuha huribe si hav savigo tehe lol taro be taro ririhai vi mai take gov lin̄ muleinigo.

1 Timoti 6:11

Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.

2 Timoti 2:25

Atatun rovoga non Ratahigi vi haḡo sine maḡemu vi vagahira gin maḡemu kera be ram bigaigai. Haḡe God vi lin̄ira rav leahi binihira be rav dame ḡoro mwasigi.

Jemes 1:21

Vuro i alen̄ deḡeteḡe gov tau dagainia nin rahumwa. Gin ron̄ maḡemu gov lai ḡoḡo silo vagahi non God i gov rivua lol irubwimwa. Silo vagahi geki vi varahu rahumwa.

1 Pita 3:15

Take giv vinihi marahi Kraes kun abe Ratahigi sabuga lol lolomiu. Giv lol vatuvwai tagaro be giv vwaliu atatu duluai be ram hudaligi be giv vevea huri nomiu doronhohov,

1 Pita 3:8

Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.