Ifisas 4:17 - Hano Niu Testamen

¹⁷ Nam bevea lalainigo geki be la ihan Ratahigi, rahumiu sihav togo rahurahu kun ira len̄len̄aga be nora binbinihi nu hav dadariha tehe.

Ifisas 4:17 ပူးပေါင်းရင်းမြစ်များ

Leo Tavuha gabe Luk nu Ravae 16:28

vai aben ira tuaku gailima. Lin̄ia na vano ba bev serae lalainira be kera rasav mom mai te lol ute ron̄ḡagarasi uhu.”

Lalaḡova 14:15

“Hurihano be gim lol ginau kungeki? Kamaru sibomaru atatu vuroi n̄an kun kimiu! Kamaru teti kadogaha huribe garumen seserai Roroi Tavuha, i be rav men lol kimiu be giv taleva nin ginau vurovuroi huri mwasin God, gabe nu tau ute atamare, mai tahi i ureure duluai i ginau duluai gabe mwa du alolona.

Lalaḡova 18:5

Mahavana be Sailas mai Timoti ramuru mai nin Masedonia, Pol mwa lai mahavana duluai alun toretore huri roroi, i mwa bev tavuhai halana lalai ira Jius be Jisas kea Kraes.

Lalaḡova 2:40

Haḡe Pita mwa avo lalainira alun mwasigi gin avoana wasi mwa bevea lalainira be, “Giv hiḡe rahuana sibomiu nin silo vevegi be mwa hivo alun atat hantai kera geki.”

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

Ravrava non Pol lalai ata Rom 1:21

Kera ram ilo God, ta ram hav uloi te roroainia sage ram bev nora tabeana lalainia. Nora binbinihi mwa hantai. Binihira mwa dadaloiga i nu masiri gin ute bon̄i.

1 Korin 1:12

Namen lol melmeloi nia be rituai alolomiu ram bevea be, “Inau nam huri Pol”; vwate mwa bevea be, “Inau nam huri Apolos”; i vwate mwa bevea be, “Inau nam huri Kraes.”

1 Korin 15:50

Nam bevea kungeki ira tuaku, Rebehi i daga tanora sigai lol ute ratahigi non God. Rebehi be vi mate dumwi, si hav lai te dum rahuana be mosmosianana nu sigai. Take gitae! Nav vev ginau dahuligi geki lalainigo: Tasav maturu te n̄oto lol mateana, take tav leahi n̄oto.

2 Korin 9:6

Gov binihi dumwia kungeki be: wani be mwa riv biri kolo vi hara kolo, take wani be mwa rav biri ivusi vi hara ivusi.

Kelesia 3:17

Geki haḡea hano be nam bevea: God nu lol dameana mai Ebraham i nu tatauleo be vi togo wasi aluna. Silo, be nu mai taul vudolua vavasi vena n̄avul gaitolu huba amua, si hav leahi te dum dameana i nu lol kaburai tatauleo non God lalai Ebraham.

Kelesia 5:3

Mulei, nam bevea lalai atatu duluai be; Be giv mahin̄ai kimiu sibomiu be rav tav dovon̄ana alumiu, giv huri silo duluai.

Ifisas 1:22

God nu tau ginau duluai aten non muramura i nu lolia gi tomuai ḡoro ginau duluai huri uloilua,

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Kolosi 2:18

Gosav lin̄ te atatu vwate be vi vevegigo huribe atatu keragea ram binihi sagera huri kera ira mataigigila i ram ḡogonai ira enjel. Bwatbwatun nora binihiva sigai i ram ravravwega huribe binihin atatu n̄ano.

Kolosi 2:4

Nam bevea kungeki huribe atatu vwate si hav saruruhigo tehe gin vigaigaiana be men tavuha, take tenteneana.

1 Tesalonaeka 4:6

Mulei, gisav lol te bahala sa gisav ruruhi te atatun Kraes vwate la hala geki. Ratahigi vi vevegi sinombu be ram lol ginau kera gea kunia be gan vev serae lalai kimiu be gisav lolira tehe.

1 Timoti 5:21

Lolmatan God i lolmatan Kraes Jisas i ira enjel, nam bev wasinia be gov lol ginau kera geki, gosav lai te mai ihei la hava hala tehe.

1 Timoti 6:13

La lolmatan God, kea be mwa lai rahuana lalai ginau duluai, i alun Kraes Jisas, nam lai avoan wasi lalainigo. Kraes Jisas nu vev lua tavuhainia batena be nu tu lolmatan Pontus Paelat.

2 Timoti 4:1

Pol mwa bevea be, nam lai avoan wasi lolmatan God i Kraes Jisas, kea be vi harahara lalainira ran rahu radu i lalainira be ram mate huba, gin non maiana i non Ute Ratahigi.

1 Pita 1:18

Gim iloe be amua gin togo lol rahuan garagusi, la hala be mwa rovo atagu nin atatu be ran togo amua ninigo. Take gin rahu nin rahuan hantai. Nu vol kimiu, kun ginau be vi nogonogo dumwi kun vatlegiga, i vatan̄oga,

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.