Ifisas 4:11 - Hano Niu Testamen

¹¹ I Kraes nu lai hogoi lalai sinombu nu lol rituai be rai vora hala, i rituai rav vora atatun vevsera, i rituai be rai vora ira toretore, i rituai be rav haḡo rovoga be ramen haḡoe ba gitaḡoro tavuhai i ba bagahi sinombu non God.

Ifisas 4:11 ပူးပေါင်းရင်းမြစ်များ

Matiu 28:20

I giv vagahira be rav ḡoḡoi ḡoro ginau duluai gabe nan vevea lalai kimiu. Haḡe gita, inau mai kimiu vataha gubwen̄, vai votu nogonan ureure.”

Lalaḡova 13:1

Haḡe ira atatun vevsera mai ira vagahi rituai lol uloilua Antiok Banabas mai Simion mwa uloinia be gul Meto, Lusias nin Sairini, Manaen kea gabe nu togotogo mai Ratahigi Lavoa Herod, mai Sol.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Lalaḡova 21:8

Haḡe mwa rani gam derai ute gea gam bano vai la vanua Sisaria i gam hae aute. I gam dogo aia lol imwan Vilip gabe vagahi vwate ninira gaibitu gabe ran gita luara Jerusalem be rav bului lol rovoga non uloilua aia.

Ravrava non Pol lalai ata Rom 12:7

Ihei be nu lai hogoi huri buluiana vi bului atatu. Ihei be nu lai hogoi huri vagahi, vi vagahi.

1 Korin 12:4

Tabeana lalan̄an ivusi, take ram mai nin Vui Sabuga gaituvwa n̄ano.

Ifisas 2:20

Kimiu gim bora imwa haḡohaḡo be mwa haḡoana alun vatun siguna non ira hala mai ira atatun vevsera. Kraes Jisas sibona kea mwasin raumatan vatu alun haḡohaḡo imwa gea,

Ifisas 3:5

Sinombu be ran togo lol taro dolua nu hav vev te ginau dahuligi gea lalainira. Take kadogaha, sivi Vui, God nu seserai ginau dahuligi gea lalai non ira hala sabuga mai ira atatun vevsera.

Ifisas 4:8

Bwatuna haḡea mwa bevea lol ravrava sabuga be, “Mahavana be nu hae amare lol mahao, kea mwa domuai ira tatan̄an atat vauvauhi, i kea nu lai hogoi lalai sinombu.”

2 Timoti 4:5

Take giḡo gov togonainigo sibomwa vataha taro duluai. Dame ḡoro taro ririhai duluai. Gov lol rovoga be, gov toretore huri Leo Tavuha, i lol haraharai rovoga duluai be non atatun rovoga non God.

Hibru 5:12

Tarona radu abena be kimiu giv vora vagahi, take gim doron vagahi be atatu vi vagahi kimiu gin muan silo vagahi huri roroi non God. Kunia be tarona be gisav gan te ginau wasi radu, take mwa du be giv huhu radu.

Ravrava nin Jud 1:17

Ira tuaku, giv vinihi dum avoan wasi be ira hala non nonda Ratahigi Jisas Kraes ran vevea amua.

Visirai 18:20

“Ute ata amare vi samsamwara mai sinombu non God mai ira hala i ira atatun vevsera! God mwa bevegia huri hano be nu lolia lalainigo!”

Visirai 21:14

Vatun sigun bwatutun vanua mwa dariana alun vatu han̄vul domwan gairua. Ihan sipsip gaitutuvwai batvatahara mwa hurin ihan ira hala han̄vul domwan gairua.