Ifisas 4:1 - Hano Niu Testamen

¹ Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 4:1 ပူးပေါင်းရင်းမြစ်များ

Lalaḡova 9:31

Haḡe kunia uloilua Judia duluai, Kalili mai Samaria ram dogo lol tamwata. Haḡe uloilua mwa mauri doratora gin buluiana non Vui Sabuga, kun gabe mwa dogo gin binihi marahi alun Ratahigi.

Ravrava non Pol lalai ata Rom 11:29

God mwa hav leahi te hohoi binihina mai non sinombu be nu uloinira i vataha ginau be nu laia lalainira.

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

1 Korin 4:16

I nam hudali mutai kimiu be giv lin̄ mulei kimiu ba huri maleleku.

2 Korin 10:1

Inau, Pol, nam hudali kimiu gin alen̄ maḡemu i alen̄ tavuha non Kraes. Atatu rituai ram bevea be nam lolia mwa maron̄ron̄o alumiu batena be inau mai kimiu i nam lol alen̄ wasi baten be nam do dagai.

2 Korin 5:20

Gam bora horata be gai vevuri huri Kraes. Kea kun be God mwa uloi kimiu sivi kamai. Kamai gam avo huri Kraes: batena be gam hudali kimiu be giv to lol tamwata mai God.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Kelesia 4:12

Ira tuaku, nan mai kun kimiu, i nam hudaligi kimiu be giv mai kuniau. Gin tavuha liu lalaiau amua.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Ifisas 4:17

Nam bevea lalainigo geki be la ihan Ratahigi, rahumiu sihav togo rahurahu kun ira len̄len̄aga be nora binbinihi nu hav dadariha tehe.

Ifisas 4:4

Aia rebehi gaituvwa i Vui non God gaituvwa, i God nu uloinigo be nom doronhohov gaituvwa n̄ano.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Filipae 3:14

Nam lol ron̄oe tagaro be nai votui tovtovo gea i nav lai tavwe kea be God nu uloiau sivi Kraes Jisas huri rahuana amare.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 2:6

Kunia be gim lai Kraes Jisas gabe Ratahigi i giv bulgaituvwa maia.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

2 Tesalonaeka 1:11

Kea haḡea huri hano gam dataro ḡaoḡao huri kimiu, gam hudali God be vi bului kimiu be giv togo la rahuana gabe nu uloi kimiu be giv togo aluna. Gam dataro be mai non muramura, God vi bului kimiu be giv lol ginau tavuha be gim doronia i giv lol rovoga be ram mai nin nomiu binihimwasigi garagusi.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

Taetas 2:10

Rasav surai te nora ratahigi take rav lol ron̄oe be rav seserainia lalainira be rav tau dum nora butuana aluna. Lol ginau duluai be ram lolia, ram lol silo vagahi non God varahuda be vi lol dum doroniva non atatu.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.

1 Pita 3:9

Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

2 Pita 1:3

Jisas nu haḡo muramura non God, i kea haḡea nu lai ginau duluai lalai gida be tam doronia huri rahuana i be tav lol rovoga lalai God. Gida tam haḡo ginau kera geki bwatuna be tam iloe. Jisas mwa uloi gida gin non sarisari i non tavuha.

2 Jon 1:5

I kadogaha, vavin gitalua geki vorate tatauleo gara take tatauleo n̄ano be tan ron̄oe la bwativuna. Nam hudali kimiu be tav tabetabe gida duluai