Ifisas 3:7 - Hano Niu Testamen

⁷ Gin mwasin hogoi non God be mwa laia lalaiau sivi nin muramura, inau nam mai gi atatun rovoga be namen vev lua Roroi Tavuha gea.

Ifisas 3:7 ပူးပေါင်းရင်းမြစ်များ

Lalaḡova 9:15

Ratahigi mwa bevea lalainia be, “Vano, bwatuna be nan uloinia be vi lalaḡo lalaiau, be vi seserai ihaku lalai ira Lolobon̄i i ira ratahigi lavoa i sinombu ira Jius.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 12:3

Huribe God nu lai lalaiau hogoi tavuha, nam binihi ginau tavuha vwate be nav vevea lalai kimiu. Gosav vinihi tehe be gon tavuha liua be hiḡo kadogaha. Gov vinihia be hiḡo atat kunhanigi la halan binihimwasigi garagusi be God nu laia lalainigo.

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 3:5

Matuke Apolos kea mwasin rau matana vwate? Sigai! Matuke Pol kea mwasin raumatana vwate? Sigai! Gida ira turin rovoga non God n̄an kunia gabe gam bului kimiu gin binihimwasigi. Gida gaitutuvwai vatvataha gida be tam lol rovoga be God mwa laia lalai gida be tav lolia.

2 Korin 3:6

Nu lol kamai gam mai dum gi atatun rovoga huri damean gara ninia sibona lalai non sinombu. Damean gara uhu nu hav vora te silo be nu rava, take kea vui. Silo be nu ravana mwa lai mateana, take Vui kea mwa lai rahuana.

2 Korin 4:1

God gin non sine hagavi, nu lai rovoga geki lalai kamai be gav lolia, i gosav lin̄ia tehe.

Kelesia 2:8

God nu lai lalaiau muramura be vi lol rovoga kun gabe hala huri ira Lolobon̄i, kunia be nu lol Pita gi hala lalai ira Jius.

Ifisas 1:19

I kimiu giv iloe be muramura non God gaivua maragai huri gida be tam binihimwasigi, Muramura gea kunia n̄an gabe butuana gaivua.

Ifisas 3:2

Mwasigi gin ron̄oe be God nu lai rovoga geki lalaiau sivi non hogoi be vi bului kimiu.

Ifisas 3:20

Gin muramura non God be mwa lol rovoga bul mai gida, God vi lol dum gaivua liu nin havanau tehe be gida tam hudalinia sage tam binihia.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Ifisas 4:16

Rebehi duluai mwa du alun Kraes, i ira mavuvun rebehi duluai ram dari i ram bulbulu n̄an utegaituvwa. Vataha mavuvu duluai mwa lalaḡoi mwasin non rovoga be men lol rebehi duluai be vi mauri wasi mai lolotabetabe.”

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.