Ifisas 3:20 - Hano Niu Testamen

²⁰ Gin muramura non God be mwa lol rovoga bul mai gida, God vi lol dum gaivua liu nin havanau tehe be gida tam hudalinia sage tam binihia.

Ifisas 3:20 ပူးပေါင်းရင်းမြစ်များ

Matiu 3:9

Mulei gisav ravravwega tehe, kunia be gim bevea tagaro lalai kimiu sibomiu be, ‘Gida ira nitun Ebraham.’ Nam bev mwasigi lalai kimiu be God vi lol dum vatu kera geki ram du rai vogi gi ira nitun Ebraham!

Leo Tavuha gabe Jon nu Ravae 10:10

Susurana mwa mai liuhage n̄an be men sura, men wehi bonogai, i men lol kaburai. Nam mai liuhage be giv lai rahuana, rahuana be vi masiri lol ginau tavuha duluai.”

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

Ravrava non Pol lalai ata Rom 4:21

Ebraham mwa iloe be, God vi lol dum hano gabe nu tatauleo huria.

1 Korin 2:9

Take kunia gabe mwa bevea lol ravrava sabuga be, “Geki atatu vwate nu hav gitae tehe, i atatu vwate nu hav ron̄oe te n̄an haḡea. Atatu vwate nu hav gita te batoia havanau be God mwa lol vatuvwainia hurira be ram dabea.”

2 Korin 9:8

I God vi lai vatavuha ivusi liua be gom doronia. Kunia gov lai ivusi na ginau duluai be vi dadariha huri vataha rovoga tavuha.

Ifisas 1:19

I kimiu giv iloe be muramura non God gaivua maragai huri gida be tam binihimwasigi, Muramura gea kunia n̄an gabe butuana gaivua.

Ifisas 3:7

Gin mwasin hogoi non God be mwa laia lalaiau sivi nin muramura, inau nam mai gi atatun rovoga be namen vev lua Roroi Tavuha gea.

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

1 Timoti 1:14

Take hogoi non nonda Ratahigi nu lai duluainia lalaiau, i mai hogoi gea nu mai i binihimwasigi garagusi i lolotabetabe lalai gida duluai be tam bulu lol Kraes Jisas.

Hibru 11:19

Take Ebraham mwa binihi dumwia be God vi lol dum atatu be mwa mate vi rahu mulei nin mateana. I kea mwa lai mulei dum nituna Aisak, nu abena kun be nu tomare mulei nin mateana.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

Jemes 4:12

God nu lol nogonogoi silo huba i kea harahara. God n̄ano kea vi varahu i vi lol kaburai rahuana. Gom binihia be hiḡo ihei be gom bevegi atat dodolua?

2 Pita 1:11

I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

Ravrava nin Jud 1:24

Lalainigo be vi gitaḡorogo be gosav hovi tehe i vi lai lalainigo rahuan melmelo be vahalana sigai mai samwarana lol non sarisari,