Ifisas 3:2 - Hano Niu Testamen

² Mwasigi gin ron̄oe be God nu lai rovoga geki lalaiau sivi non hogoi be vi bului kimiu.

Ifisas 3:2 ပူးပေါင်းရင်းမြစ်များ

Lalaḡova 13:2

Mahavana be ram lol rovoga lalai Ratahigi i ram ḡaragaravwavwa, Vui Sabuga mwa bevea lalainira be, “Nam doron be giv tari Banabas mai Sol, huri rovoga be nan uloinira huria.”

Lalaḡova 13:46

Take Pol mai Banabas ramuru av lua i nora avoana mwa wasi liu i ramuru bevea be, “Mwa du maragai be garu vi seserai avoana non God muana lalai kimiu. Take bwatuna be gim bevea sibomiu be gin hav dadariha tehe be giv haroro lol rahuana vai tuai, i gav derai kimiu i gai vai vano vai alolon nira Lolobon̄i.

Lalaḡova 22:21

Ratahigi mwa bevea lalaiau be ‘Vano,’ bwatuna Inau nav horago vai hautu huri ira Lolobon̄i.”

Lalaḡova 9:15

Ratahigi mwa bevea lalainia be, “Vano, bwatuna be nan uloinia be vi lalaḡo lalaiau, be vi seserai ihaku lalai ira Lolobon̄i i ira ratahigi lavoa i sinombu ira Jius.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 11:13

Kadogaha nam avo mai kimiu be ira Lolobon̄i. Inau nam bora hala non kera ira Lolobon̄i, i kadogaha be nam haḡo rovoga geki, nav lol rovoga geki vi liu.

Ravrava non Pol lalai ata Rom 12:3

Huribe God nu lai lalaiau hogoi tavuha, nam binihi ginau tavuha vwate be nav vevea lalai kimiu. Gosav vinihi tehe be gon tavuha liua be hiḡo kadogaha. Gov vinihia be hiḡo atat kunhanigi la halan binihimwasigi garagusi be God nu laia lalainigo.

1 Korin 4:1

Sinombu duluai rav gita gida kun be gida ira turin rovoga non Kraes, mwasin atatu gabe God mwa binihimwasiginira mai non mwasigi dahuligi duluai, be mwa du radu.

Kelesia 1:13

Gin ron̄oe huri rahuku tuai lol binihimwasigi lol vara ira Jius. Nan tuḡorogoro sine hagavi imwa tataro non God i nan lol ron̄oe be namen lol kaburainia.

Ifisas 1:10

Nona be vi lol haraharai non taritari duluai, i batena be mwasin tarona mwa mai, be ginau duluai lol mahao i lol ureure rai bulu duluai utegaituvwa lol Kraes kun be bwatu gaituvwa,

Ifisas 3:7

Gin mwasin hogoi non God be mwa laia lalaiau sivi nin muramura, inau nam mai gi atatun rovoga be namen vev lua Roroi Tavuha gea.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Ifisas 3:9

I God nu laia lalaiau rovoga be nav vevea lalai non sinombu, huri non taritariana be mwa du dahuligi, be mwa dahulinira ginia la bwatun tauva. Kea haḡea atatu be nu tau ginau duluai.

Ifisas 4:21

Nam iloe be gin ron̄oe huria, i kimiu haḡea alolona, i kimiu gin lai silo vagahi huri mwasigi be mwa dogo alolon Jisas.

Ifisas 4:7

Kraes mwa lai hogoi vatvataha gida gaitutuvwai, mwa seserainia be kea mwa davuha kun hanigi.

Kolosi 1:4

bwatuna be gan ron̄oe huri binihimwasigi garagusi be gin togo maia huri Kraes Jisas i lolotabetabe be gin haḡoe huri ira atatu non God.

Kolosi 1:6

Lol ute duluai lol ureure, Roroi Tavuha gea mwa lon̄ahi ute n̄oto lol ureure. Roroi Tavuha geki mwa lai vatavuha vataha ute lol ureure, kun vatavuha be nu mai alumwa lol muan gubwen̄i be gon ron̄oe huri hogoi non God. Kadogaha gom iloe ginau n̄oto i mwasigi huri hogoi non God.

1 Timoti 1:11

Silo vagahi kea udun Roroi Tavuha non God samsamwara kea nu lai lalaiau be nai vevea.

1 Timoti 1:4

Vevea lalainira be rasav sabwelei te nora taro alun ira vevuri tentene i alun varavarain iha lol vevuri ata la varara tuai. Ginau kera geki ram lol vigaigaiana n̄ano; ram hav bului tehe huri taritari non God, kea be mwa loliana gin binihimwasigi garagusi.

1 Timoti 2:7

Ran gita luau be nai vora hala be nav vagahi ira Lolobon̄i be rav binihimwasigi garagusi i rav ilo mwasigi. Nam hav tentene tehe; ta nam bev mwasigi!

2 Timoti 1:11

God nu gita luau be nav vev Leo Tavuha i nai vora hala i vagahi.