Ifisas 3:18 - Hano Niu Testamen

¹⁸ I nam dataro be giḡo mai ira sinombu sabuga non God duluai, rav lai muramura huri iloilo alun lolotabetabe gaivua non Kraes be gaivua kunhanigi i n̄ava kunhanigi i nu holomare kunhanigi i nu roro kun hanigi huri lolotabetabe gea.

Ifisas 3:18 ပူးပေါင်းရင်းမြစ်များ

Leo Tavuha gabe Jon nu Ravae 15:13

Mwasin lolotabetabe gaivua gabe atatu vi lai dumwia hurira non buluana gabe vi lin̄ rahuna hurira.

Ravrava non Pol lalai ata Rom 10:3

Huribe ram hav ilo te halana be God mwa lol atatu ram bavtutu maia, ram lol ron̄oe be ramen lolira sibora ram bavtutu la nora hala. I ram hav dara tehe alun hala be God mwa lol atatu ram bavtutu.

2 Korin 13:13

Sinombu sabuga non God duluai, ram hora nora avoan helheloi lalai kimiu.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Kelesia 3:13

Kraes nu lai dagai silo vevegi be silo nu taua aluda. Mwa leahi ute mai gida i mwa daua sibona halaten vevegi gea. Mwa ravana lol ravrava sabuga be, “Ihei tehe be rebehina mwa seserainia la bwatungai kea vi lai vevegi.”

Ifisas 1:10

Nona be vi lol haraharai non taritari duluai, i batena be mwasin tarona mwa mai, be ginau duluai lol mahao i lol ureure rai bulu duluai utegaituvwa lol Kraes kun be bwatu gaituvwa,

Ifisas 1:15

Bwatuna haḡea nu tau bwatuna be nam ron̄oe huri nomiu binihimwasigi garagusi lol Ratahigi Jisas i nomiu lolotabetabe huri sinombu non God,

Ifisas 3:19

Lolotabetabe non Kraes gaivua liu ninia be ihei tehe mwa iloe, take nam dataro be giḡo gov ilo dum huri lolotabetabe gea, i giv masiri gin alen̄an God.

Kolosi 1:4

bwatuna be gan ron̄oe huri binihimwasigi garagusi be gin togo maia huri Kraes Jisas i lolotabetabe be gin haḡoe huri ira atatu non God.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”