Ifisas 3:16 - Hano Niu Testamen

¹⁶ Nam hudali Tata lol sarisarina gaivua be vi lai muramura lalainigo be gov muramura lol lolomwa sivi non Vui.

Ifisas 3:16 ပူးပေါင်းရင်းမြစ်များ

Matiu 6:13

Gosav lin̄ te kamai lol kalkaliana, Gov lai kamai nin bwatigoro.’

Ravrava non Pol lalai ata Rom 2:29

Atatu be mwasin Jiu n̄ano kebe mwa bora ira Jiu alolona, mwasin tav dovon̄a mwa loliana alolomwa gin Vui Sabuga, vorate gin silo be mwa ravana. Atatu kunia mwa lai avkari nin God, ninia be vi laia nin atatu vuroi.

Ravrava non Pol lalai ata Rom 7:22

Lol binihiḡu, nam ron̄ mwa davuha mai silo non God.

Ravrava non Pol lalai ata Rom 9:23

Mwa hohovi mai non binihiv n̄ava huri be vi lol sarisarina lalai sinombu be ran lai non sine hagavi. Kea nu lol vatu vurai non sinombu be rav haḡo sarisarina,

1 Korin 16:13

Giv mamata, giv tu wasigi lol nomiu binihimwasigi garagusi vi haḡo doronhohov, i giv tu wasi.

2 Korin 12:9

Take nu vevea lalaiau be, “Noḡu hogoi kea nu dadariha hurigo. Batena be gom mandamanda, noḡu muramura mwa mai melmelo alolomwa.” Kadogaha nam ron̄ mwandavuha be namen vev lua noḡu vahalana, huribe muramura non Kraes vi togo aloloku.

2 Korin 4:16

Bwatuna gea binihimai mwa hav hovi tehe, haḡe gam hav lin̄ te rebehimai be rav metuaga i rav mandamanda, take vui alolomai mwa lol kamai gam ḡara vataha gubwen̄i.

Ifisas 1:18

Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 2:7

bwatuna huri taro vai non̄oiha duluai kea vi seserai mwasin hogoi be gaivua liu lol non lolotabetabe ginia be kea nu tavuha mai gida lol Kraes Jisas.

Ifisas 3:15

gabe ninia haḡea vara duluai lol ute atamare i lol ureure ram lai mwasin ihara.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Ifisas 6:10

Mulei, giv tu wasigi lol ihan God i lol non muramura lavoa.

Filipae 4:13

Nav lol dum ginau duluai sivi Kraes, bwatuna be kea mwa lai hui wasi lalaiau.

Filipae 4:19

Noḡu God vi haḡo non roso be nu gabwola lol Kraes Jisas be vi laia lalai kimiu ginau duluai be gim doronia.

Kolosi 1:11

God vi lol muramurago gin non muramura tavuha huribe si hav savigo tehe lol taro be taro ririhai vi mai take gov lin̄ muleinigo.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

2 Timoti 4:17

Take Ratahigi mwa dogo maiau i mwa lai muramura lalaiau be nai vev dum duluai Leo Tavuha lalainira be ram hav vora te ata la varan Israel. Kunia be nu varahuau nin bwan̄on laeon.

Hibru 11:34

Mahavana rituai ram haru bamate dum gabi tabwalue be nu wasi maragai, i mahavan rituai ram romaragai gin atatu be ram doron be ramen wehira gin buan bwaloana. I nora muramura sigai, take God mwa lai muramura lalainira, i kera ram muramura maragai lol taron bwaloana, i ram muramura nin atatun bwaloana non vanua dodolua.

1 Pita 3:4

Sigai, tavuha gea si mai alolomiu tavuhan Vui be mwa dogo ḡoḡonai i sihav lol te kaburai dumwi i nu tavuha liu, lolmatan God.