Ifisas 2:8 - Hano Niu Testamen

⁸ Nam bevea gin binihiva be kimiu gin rahu gin hogoi non God sivi binihimwasigi garagusi. Gin hav varahu te kimiu sibomiu; take kea hogoi non God.

Ifisas 2:8 ပူးပေါင်းရင်းမြစ်များ

Matiu 16:17

Jisas mwa bwaliua be, “Saemon nitun Jon, nu tavuha maragai lalainigo! Bwatuna be mwasigi geki mwa hav mai te lalainigo nin atatu vuroi, take mwa himai rahurahu nin Tamaḡu amare.

Matiu 20:9

Kera ran tau bwatun rovoga la alo gailima mwa bolira gin vatlegiga gaitutuvwai vatahara.

Leo Tavuha gabe Mak nu Ravae 16:16

Ihei tehe mwa binihimwasigi i mwa ḡaruhisabuga vi rahu; ihei mwa hav binihi te mwasigi vi vevegia huria.

Leo Tavuha gabe Luk nu Ravae 7:50

Take Jisas mwa bevea lalai vavine be, “Nom binihimasigi garagusi nu varahugo; van lol tamwata.”

Leo Tavuha gabe Jon nu Ravae 3:36

Ihei tehe gabe mwa binihimwasigi Nitun God vi haḡo rahuana vai tuai; take ihei tehe gabe mwa siehi nitun God rahuana sigai alolona, take kea vi togo aten silo vevegi non God.

Leo Tavuha gabe Jon nu Ravae 4:10

Jisas mwa bwaliua mwa bevea be, “Be gos ilo havanau God mwa laia i ihei gabe mwa hudalinigo be men mwin te wai gos hudalinia huri wai gabe vi lai rahuana lalainigo.”

Leo Tavuha gabe Jon nu Ravae 5:24

“Nam bev mwasigi lalai kimiu be, ihei tehe be mwa ron̄ noḡu avoana, i mwa binihimwasigi wani be nu horau, wani gea vi haḡo rahuana vai tuai.

Leo Tavuha gabe Jon nu Ravae 6:35

Jisas mwa bevea lalainira be, “Inau haḡea bereti huri rahuana. Ihei be mwa mai vai abeku maro sihav ḡas te dumwia. Ihei gabe mwa binihimwasigiau sihav mandou tehe.

Leo Tavuha gabe Jon nu Ravae 6:37

Kera gabe Tamaḡu mwa laira lalaiau rav mai vai abeku. Nasav vev te kaburai ihei tehe gabe mwa mai huriau,

Leo Tavuha gabe Jon nu Ravae 6:40

Huri havanau be Tamaḡu mwa doronia, mwa doron be kera duluai be ram ḡita Nituna i ram binihimwasiginia rav haḡo rahuana vai tuai. I nav lol domarei muleinira vai lol rahuana lol nogonan gubwen̄i.”

Leo Tavuha gabe Jon nu Ravae 6:44

Atatu vwate sihav mai te huriau vaivotu be Tata vi lin̄ia lalaiau; i nav lol domarei muleinia vai lol rahuana lol nogonan gubwen̄.

Leo Tavuha gabe Jon nu Ravae 6:65

Haḡe mwa bev rahurahuinia be, “Bwatuna haḡea nan vevea lalai kimiu be ihei sihav mai te dum huriau vaivotu be Tata vi lolia vi maron̄ron̄o lalainia.”

Lalaḡova 14:27

Haḡe mahavana be ramuru botu Antiok, ramuru hara ḡoḡo sinombun uloilua duluai ute gaituvwa, i ramuru bevea lalainira huri ginau duluai gabe God nu lolia bul maira, i kun hanigi kea nu havan̄ hala huri ira Lolobon̄i be rav binihimwasigi.

Lalaḡova 15:11

Gida tam binihi mwasigi i tam rahu gin hogoi non Ratahigi Jisas, kunia n̄au gabe mwa lolia lalainira.”

Lalaḡova 16:14

I vavine vwate mwa dogo mwa roron̄tai kamai kea vavine ata Tuatira ihana Lidia. Vavine geki non silo abena i mwa salei gav memea tavtavuha maragai. Lidia geki mwa ḡogonai God, i Ratahigi mwa havan̄ non binihiva be men roron̄tai havanau gabe Pol mwa bevea.

Lalaḡova 16:31

Haḡe ramuru bwaliua be, “Gov binihimwasigi alun Ratahigi Jisas, i gov rahu bul maira ata la imwai.”

Ravrava non Pol lalai ata Rom 10:14

Ta amua atatu ram siv hudali God huri buluiana, kera rav binihimwasigi aluna; i amua ram siv binihimwasigi aluna, rav ron̄ avoan sabuga kaburai huria; i lalainira be rav ron̄ avoana huri God, atatu vwate vi vevea lalainira;

Ravrava non Pol lalai ata Rom 10:17

I binihimwasigi garagusi mwa mai ninia be mwa ron̄oana na Roroi Tavuha, i atatu ram ron̄ Roroi Tavuha lol taro be atatu vwate mwa bevea lalainira huri Kraes.

Ravrava non Pol lalai ata Rom 4:16

Atatu ram lai tatauleo non God be nora binihimwasigi garagusi abena. Geki mwa loli huribe tatauleo vi vora ginau be vi laiana vuroi n̄ano. I ira nitun Ebraham duluai rav haḡo tatauleo geki. Mwa hav vora te hurira n̄ano be ram dogo halaten silo non Moses, ta huri ihei tehe be mwa dogo mai binihimwasigi kun Ebraham, gabe tamanda duluai.

Ravrava non Pol lalai ata Rom 4:5

Ta atatu si hav lol te dum rovoga vwate be vi lolira rai vavtutu la lolmatan God. Mwa du maragai be rai binihimwasigi garagusi aluna, be mwa lol atat vuroga ram bavtutu la lolmatana. I God mwa ḡita nora binihimwasigi, i nora binihimwasigi garagusi haḡea mwa lolira ram bavtutu la lolmatan God.

Ravrava non Pol lalai ata Rom 9:16

Alen̄a gea mwa hav huri te ginau be atatu mwa doronia, ḡaoḡao sage be atatu mwa lolia gin non voraivina, take mwa huri alen̄ tavuha non God be ḡaoḡao kea mwa ḡita hagav atatu.

Kelesia 3:14

Kraes mwa lolia kungeki huribe vatavuha non God be nu tatauleo lalai Ebraham be rav mai sivi Kraes Jisas lalai ira Lolobon̄i. Jisas mwa mate huribe gin nonda binihimwasigi garagusi tav lai dum Vui Sabuga be God nu tatauleo huria.

Kelesia 3:22

Ninia gea ravrava sabuga mwa lol melmeloinia be ureure mwa bauhi lol vuro. Geki haḡea mulei tatauleo mwa laiana sivi binihimwasigi garagusi lalai atatu be ram binihimwasigi lol Jisas Kraes.

Ifisas 1:19

I kimiu giv iloe be muramura non God gaivua maragai huri gida be tam binihimwasigi, Muramura gea kunia n̄an gabe butuana gaivua.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 2:5

Mwasigi be gida tan mate lol vui, bwatuna be ginau hantai be tan lolia vai alun God, take kea mwa lai rahuan gara lalai gida mai Kraes. Kimiu gim rahu mai hogoi non God.

Filipae 1:29

God nu lai binihi marahi la hala gairua, nu hav vora te huria n̄an be gim binihimwasigi lol Kraes take mulei huria be gim ron̄ ḡagarasi huria, hala saraḡo ram lai sarisari lalai Kraes.

Kolosi 2:12

Lol taro be gon garuhisabuga, ram davinigo mai Kraes, i gom domare mulei maia sivi nom binihimwasigi garagusi lol muramura non God gabe mwa seseraiana lol taro gabe mwa domarei mulei Kraes nin mateana.

2 Tesalonaeka 1:9

Atatu keragea rav lai silo vevegi i ron̄ ḡagarasi be vi tu vai tuai. Rav togo dagai nin God i nin non muramura.

Hibru 6:4

Kera gabe ran tabagilu huba, halara sigai, bwatuna be kera gea ran mai lua alolon gigita non God. Ran lai tabeana gea huba gabe nu himai nin ute atamare, i Vui Sabuga nu himai huba aluna mai atatu dololua mulei.

1 Pita 1:5

Muramura non God mwa ḡitaḡorogo sivi nomiu binihimwasigi garagusi vaivotu be giv gita nomiu varahuva lol nogonan gubwen̄.