Ifisas 2:3 - Hano Niu Testamen

³ Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

Ifisas 2:3 ပူးပေါင်းရင်းမြစ်များ

Leo Tavuha gabe Mak nu Ravae 4:19

take lalaḡova ata lol ureure, kun silo tabetabe huri roso, i ginau dorodoron rituai ram hae bul maira i ram bivihi avoana i mwa hav vwavwae te dum.

Leo Tavuha gabe Jon nu Ravae 1:13

Ran hav mai tehe gi ira nitun God hurin alen̄an ureure, kun gabe, naturirigi ram bora nin ira tamara lol ureure geki; ta God sibona mwa doron be vivora Tamara.

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

Lalaḡova 14:16

Tuai maragai kea nu lol sinombu be rav tomuainira sibora.

Ravrava non Pol lalai ata Rom 1:24

Bwatuna be ram lol ginau kerageki, God mwa lin̄ira i mwa lolira ram huri nora hala vuroga, ram doroni n̄ano be rav lol ginau hantai. Kea haḡea mwa lolira ram buroga gin bwatigoro, ram lol bwarebware rebehira mai tuara dodolua.

Ravrava non Pol lalai ata Rom 11:30

Lol gubwen̄i vwate kimiu ira Lolobon̄i ran varihai didi ron̄ God, take kadogaha giḡo gon lai sine hagavi, bwatuna be sinombu kera gea ran varihai didi roron̄tai.

Ravrava non Pol lalai ata Rom 13:14

Take gov sagago mai ratahigi Jisas Kraes i gov vinihi malioi vuro be gom lolia hurin binihimwa sibomwa.

Ravrava non Pol lalai ata Rom 2:14

Kera gabe ira Lolobon̄i, ram hav haḡo te silo, ta ram habwea mwa maron̄ron̄o be ramen lol hano gabe silo mwa bevea, kea silo lalainira sibora.

Ravrava non Pol lalai ata Rom 5:10

Lol taro be tan vora ivwalu non God, nu mwemwearu mai gida sivi mateanan nituna kadogaha be gida tam bora ira tuana, kea vi varahu gida sivi rahuana non nituna.

Ravrava non Pol lalai ata Rom 5:9

I sivi Kraes gida tav rahu nin lol horo non God, bwatuna be gida tan vavtutu lolmatan God nin dagan mateanan Kraes.

Ravrava non Pol lalai ata Rom 6:12

Gosav lin̄ te vuro vi muraga lol rahumwa teti lol ureure, be gov lol ginau gabe vuromwa sibomwa mwa loligo be gomen lolia.

Ravrava non Pol lalai ata Rom 7:18

Uwe, nam iloe be gina tavuha sigai be mwa du aloloku binihivanana be gina tavuha vwat sigai be mwa du la rebehiku be nav lol alen̄ tavuha. Nam doron be nav lol alen̄a be ran tavuha, take nam hav lolia tehe.

Ravrava non Pol lalai ata Rom 9:22

Kea alen̄ gaituvwa n̄ano mai God. Kea mwa doron be vi seserainia lalai atatu gin non lol horo i vi lin̄ atatu rav gita non muramura take bwatuna be kea mwa dogo mai binihiv n̄ava i kea mwa dogo maira be mwa lol horoinira atatu be nu lol vatuvwainira be vi vevegia.

1 Korin 4:7

Kun hanigi? Ihei mwa bevea be giḡo gon tavuha nin atatu dodolua? Ginau vwate mwa dogo mai kimiu be God mwa hav laia te lalai kimiu? Sigai! Huri hano gim av ravravwega huri ginau be mwa hav vora te nomwa take God mwa laia lalainigo.

2 Korin 7:1

Ira tuaku, tatauleo uhu lalai gida nin God, tav lol gida siboda be tai melmelo tai maribwesi nin ginau be rav lol rebehida mai atmateda rav bibili. Tav lol ron̄oe be tav sabuga la hala be tam dogo aluna, bwatun be tam binihi marahi God.

Kelesia 3:22

Ninia gea ravrava sabuga mwa lol melmeloinia be ureure mwa bauhi lol vuro. Geki haḡea mulei tatauleo mwa laiana sivi binihimwasigi garagusi lalai atatu be ram binihimwasigi lol Jisas Kraes.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Kolosi 1:21

Lol taro vwate gon togo dagai nin God. Gon vora non ivwalu lol nomiu binbinihi, i ginau lete be gin lolia vai alun God.

1 Tesalonaeka 4:13

Ira tuaku, gam doron kimiu be giv iloe huri atatun Kraes be ran mate, be gisav ron̄ te mwahantai, kunira rituai be nora doronhohov sigai.

1 Tesalonaeka 5:6

Haḡe gida tasav vora te kun atat dodolua be ram maturu, take tav mamata i tav haḡo sine togonai.

1 Timoti 6:9

Kera be ram doron be rai mai gi atat rosoga ran lai ḡoḡo kalkaliana vai alura sibora i ram saḡa alun visi. Ram doron doroniv taltale ivusi be rav lol hantai ginau be ram lol bwarebwarea, i ram lol kaburai sinombu.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

1 Pita 1:14

Kadogaha be gim bora naturirigi tavuha non God gisav mom dogo tehe kunia be gin togo tuai Gin hav ron̄ te batoia, i gin lol ginau hahantai be gin doronia.

2 Pita 2:14

Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

1 Jon 2:16

Nonda binihiv hahantai duluai geki mwa mai nin ureure, binihiva nan doroniva huri rebehi, doronivanan matada, i doronivanan roso. Ginau kera geki vwate mwa hav mai tehe nin God.

1 Jon 2:8

Take mwasigi be silo gara, i gim ilo mwasin binihivanana, kun gabe Kraes mwa iloe. Kimiu giv gita dum ute meto be vi mata hara i mwasin gigita mwa ḡigita huba.