Ifisas 2:20 - Hano Niu Testamen

²⁰ Kimiu gim bora imwa haḡohaḡo be mwa haḡoana alun vatun siguna non ira hala mai ira atatun vevsera. Kraes Jisas sibona kea mwasin raumatan vatu alun haḡohaḡo imwa gea,

Ifisas 2:20 ပူးပေါင်းရင်းမြစ်များ

Matiu 16:18

Nam bev mwasigi lalainigo, Pita: giḡo vatu, i alun vatu geki nav tari noḡu Uloilua. I mateana si hav rihu te maragai ninia.

Matiu 21:42

Haḡe Jisas mwa bevea lalainira be, “Matu gim hav vasogo tehe lol Ravrava Sabuga be mwa bevea be, ‘Gai mahan̄an imwa gabe kera ran vohai kaburainia kadogaha mwa bora mwasin gain imwa. Ginau gea Ratahigi sibona nu lolia, ginau dan̄an̄a la lolmatamai!’

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

Kelesia 2:9

Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

Ifisas 3:5

Sinombu be ran togo lol taro dolua nu hav vev te ginau dahuligi gea lalainira. Take kadogaha, sivi Vui, God nu seserai ginau dahuligi gea lalai non ira hala sabuga mai ira atatun vevsera.

Kolosi 2:7

Giv tau bwatbwatumiu vi roro aluna i giv lol rahumiu vi mauri aluna. Giv tu wasi lol binihimwasigi garagusi, kun be gin lai silo vagahina, i giv masiri gin tabeana.

1 Pita 2:6

Ravrava sabuga mwa bevea be: “Nav tau vatu vwate lol tano Jerusalem. Ginau duluai vi loliana lol raumatan vatu geki. Ihei tehe be mwa binihimwasigi nia sihav matagu te dumwi.”

Visirai 21:14

Vatun sigun bwatutun vanua mwa dariana alun vatu han̄vul domwan gairua. Ihan sipsip gaitutuvwai batvatahara mwa hurin ihan ira hala han̄vul domwan gairua.