Ifisas 2:2 - Hano Niu Testamen

² Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Ifisas 2:2 ပူးပေါင်းရင်းမြစ်များ

Matiu 11:19

Take inau Nitun Atatu na mai, i nam ḡan i na mwinmwin. Haḡe atatu duluai ram bevea be, ‘Gin gitae! Kea mwasin atat gangan i mwinmwin gaivua, i mwa bora buluana nora harahara homu i ira vev duli!’ Take mataisao non God mwa lol bisirai non mwasigi gin vwain non lalaḡova.”

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Matiu 13:38

Ute lolo ara kea haḡea sinombu gabe ram dabe God be kea Ratahigi ḡorora. Ta urute kera haḡea atat non Vui Hantai.

Leo Tavuha gabe Mak nu Ravae 4:19

take lalaḡova ata lol ureure, kun silo tabetabe huri roso, i ginau dorodoron rituai ram hae bul maira i ram bivihi avoana i mwa hav vwavwae te dum.

Leo Tavuha gabe Luk nu Ravae 16:8

“Haḡe gitaḡoro hantai mwa lol vavtutui halan non lalaḡova i kunia non ratahigi mwa avkari maragai nia huri be kea atat mataisao. Bwatuna ira atatu ata lol ureure ran mataisaoga huri lalaḡova nin nira ata lol gigita.”

Leo Tavuha gabe Luk nu Ravae 22:31

“Saimon, Saimon! Gov ron̄oe Setan mwa lai tanona be men lol ron̄ kimiu duluai, be men harabora ginau tavuha nin ginau hantai kun gabe atatun ute loloara mwa harabora mwasin koni nin bwagavina.

Leo Tavuha gabe Jon nu Ravae 12:31

Kadogaha tarona huri ureure geki be men vevegia; i tomuai ata lol ureure geki vi vohaian kaburai.

Leo Tavuha gabe Jon nu Ravae 13:2

Ute mwa ravravi Jisas mwa ḡan ginau maira non roron̄tai. Haḡe vui hantai nu tau binihiva huba alolon Judas nitun Saemon Iskariot, huribe vi sine Jisas.

Leo Tavuha gabe Jon nu Ravae 13:27

Mahavana be Judas mwa lai bereti, Setan mwa haroro alolona. Haḡe Jisas mwa bevea lalainia be, “Goi vilvilehi mai ginau be gov lolia!”

Leo Tavuha gabe Jon nu Ravae 14:30

Nasav mom avo te vain̄ava mulei mai kimiu bwatuna be tomuai ata lol ureure geki mwa mai kadogaha. Kea mwa hav muramura tehe ḡoroau,

Leo Tavuha gabe Jon nu Ravae 15:19

Be gis vora bilan ureure, kunia ureure si tabe kimiu kun gabe bilana sibona. Take nan gita lua kimiu nin ureure geki, i kimiu gim hav vora te bilana; i bwatuna higea ureure mwa barihai kimiu.

Leo Tavuha gabe Jon nu Ravae 16:11

i kera ran vahala alun silo vevegi, bwatuna be tomuai ata lol ureure geki nu vevegiana huba.”

Leo Tavuha gabe Jon nu Ravae 7:7

Haḡe ureure sihav varihai te kimiu, take vi varihaiau, bwatuna be nam bev ḡaoḡaoinia be hala be mwa rovo aluna ran hav tavuha tehe.

Leo Tavuha gabe Jon nu Ravae 8:23

Jisas mwa bwaliura be, “Kimiu gim mai nin teti ata n̄an, take inau nam himai nin amare. Gim mai nin ureure geki, take inau nam hav mai tehe nin ureure geki.

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

Lalaḡova 19:35

Haḡe atat lavoa vwate ata lol bwatutun vanua mwa lol sinombu ram du ḡoḡonai gin non avoana, mwa bevea lalai sinombu be, “Kimiu ata Ivisas?” “Atatu duluai ram iloe be bwatutun vanua Ivisas mwa du lol limanda be tav gitaḡoro imwa tataro non Atemis gabe nu sabuga maragai, i vatu sabuga gabe nu hovi amare nin mahao.

Lalaḡova 5:3

Haḡe Pita mwa bevea lalainia be, “Ananias, huri hano be gom lin̄ Setan be men tomuainigo i mwa loligo gom saruruhi Vui Sabuga, ginia be gom haḡo udun homu gabe gon laia nin udun bilamwa?

Ravrava non Pol lalai ata Rom 12:2

Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

1 Korin 5:10

Take nam hav vevea te gin binihiva be gosav bulbulu te maira be ata lol ureure geki be ram buroga rebehi mai rebehi, sage mai ira bugurana, sage susurana, sage maira be ram ḡogonai nun vatu. Be gomen mwalue ninira mwa du be gov lin̄ ureure geki.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Ifisas 1:21

God nu tau Kraes liu ira tomuai i ira lalavoa, mai ira muramura, i ira ratahigi lavoa, nu hav vora te lol ureure geki n̄an take lol ureure vwate mulei.

Ifisas 2:11

Gisav vinihi te malioi be kimiu ira Lolobon̄i. Taro vwate ran uloi kimiu be ira “tavdovon̄ana sigai” na kera be ran sasagerega be ran tav dovon̄ara.

Ifisas 2:13

Take kadogaha lol Kraes Jisas, kimiu be gin togo hautu maragai nin God amua kadogaha mwa lai kimiu sosori sivi dagan Kraes lol mateanana.

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

Ifisas 4:17

Nam bevea lalainigo geki be la ihan Ratahigi, rahumiu sihav togo rahurahu kun ira len̄len̄aga be nora binbinihi nu hav dadariha tehe.

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Ifisas 5:6

Gosav mahin̄a tehe be atatu vi saruruhigo ginia be men vev ginau lalainigo be ram hav vora te mwasigi, bwatuna be ginau kerageki vi lai lolhoro non God vai alura be ram hav tabe te silona.

Ifisas 5:8

Tuai huba kimiu gin togo; lol ute meto, take kadogaha kimiu gim dogo lol ute rani lol Ratahigi. Haḡe giv togo kun ira nitun ute rani.

Ifisas 6:12

Nonda bwaloana vorate vai alun atatu lol ureure, take tam bwalo vai alun ira vui hahantai ata lol ureure amare, ira gitaḡoro hahantai, i ira muramura hahantai ata lol taro geki.

Kolosi 1:21

Lol taro vwate gon togo dagai nin God. Gon vora non ivwalu lol nomiu binbinihi, i ginau lete be gin lolia vai alun God.

2 Timoti 4:10

Bwatuna be Dimas, be nu tabe maragai ureure uhu, nu lin̄iau mwa ban vai Tesalonaeka. Kresens kea nu van vai Kelesia, i Taetus nu van vai Dalmatia.

Jemes 1:27

God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.

Jemes 1:7

Atatu be ram binihi gairuruai, ram binihi ginau gaivua vaituvwa, rasav vinihi tuhi te dum huri hano be ram lolia. Rasav vinihia tehe be God vi lai ginau vwate lalainira.

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

1 Pita 1:14

Kadogaha be gim bora naturirigi tavuha non God gisav mom dogo tehe kunia be gin togo tuai Gin hav ron̄ te batoia, i gin lol ginau hahantai be gin doronia.

1 Pita 4:3

Amua gin lol bwarebware taromiu vaivusi i gim lol havanau be ira len̄len̄aga ran ron̄ mwandavuha ginia. Kimiu gin busbusi gin bwatigoro lol rebehi, doroniv hahantai, mwinmwin daltale, gisav mai tehe lol mwinmwin daltale be taḡana i bwatigoro mwa du alolona, nun vatu be mwa hav doroniana tehe mwa ḡogonai-ana.

2 Pita 2:14

Vataha mahavana ram ḡita vavine be ram doronia, i nora doroniva huri vuro mwa hav haraharai tehe. Ran tomuai sinombu be ran mandamanda vai lol vidin vuro, i ran Vagahi sibwen̄ira be rav doron liu. God vi vevegira!

1 Jon 3:10

Lalaḡova non atatu mwa seserainia be kea nitun God sage kea nitun setan. Kera be ram doron lalaḡov hantai, i ram hav tabe te ira tuara, ram hav vora te bilan God.

1 Jon 3:8

Atatu gabe ram buroga ḡaoḡao, kera nitun setan. Setan nu vuroga la bwativuna, take Nitun God nu mai be men lol kaburai Lalagova non setan.

1 Jon 4:4

Ira nituku, kimiu ira nitun God, i gim muramura huba nin ivwalu. I Vui non God alolomiu, i nu muramura nin vui ata lol ureure.

1 Jon 5:19

Tam iloe be tam mai nin God i ureure duluai, i ureure duluai mwa dogo halaten muramura non ivwalu.

1 Jon 5:4

Ira nitun God duluai ram muramura nin kalkaliana, i nonda binihimwasigi garagusi haḡea be mwa lai muramura geki lalai gida.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 16:17

Haḡe gaibitun enjel mwa salil non disi vai la mahava. Haḡe silo gaivua mwa mwalue nin tanon togotogon ratahigi alolon imwa tataro, mwa bevea be, “Nu nogo kadogaha!”

Visirai 20:2

Kea gabe drakon ata tuai gea, be mwa iloana mulei be atmate mai Setan.