Ifisas 2:19 - Hano Niu Testamen

¹⁹ Kadogaha kimiu ira Lolobon̄i gim hav mom bora te ira atat mai sage ira tausala mulei, take kimiu mwasin atatun vanua gaituvwa bul mai sinombu sabuga non God. Kimiu gim bora vara alun God.

Ifisas 2:19 ပူးပေါင်းရင်းမြစ်များ

Matiu 10:25

Nu tavuha lalai roron̄tai be si dadariha mai non vagahi, i turin rovoga be si dadariha mai non ratahigi. Be vuigin imwa vi uloinia be Belsibal, ratahigi ḡorora vui hantai, kunia ata la imwana vi uloinira gin iha hantai liu!

Kelesia 6:10

Lol taro be nonda rovoga be tav bului atatu, mwa du be tas lolia. Take tas lai nonda mwasin loliana lalainira gabe ram dogo lol tatan̄an binihimwasigi garagusi.

Ifisas 2:12

I kimiu gin togo n̄an vuroi kunia Kraes sigai. Kimiu gin hav vora te udun dameana mai tatauleo be God nu lolia lalai non sinombu. Nomiu doronhohov sigai, i gin hav ilo te God.

Ifisas 3:15

gabe ninia haḡea vara duluai lol ute atamare i lol ureure ram lai mwasin ihara.

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Filipae 3:20

Take mwasin vanuanda kea amare, i gida tam hohovi huri varahuda Ratahigi Jisas Kraes, be vi himai nin amare.

Hibru 11:13

Atatu kera gea ram binihimwasigi garagusi alun God, take mahavana be ram mate, ram hav lai te dum ginau gea radu gabe God nu tatauleo be vi laia lalainira. Kera ram ḡita ginau kera gea kun gabe ram do hautu radu ninira, take ram samsamwara mulei huri be ramen gitara. I kera ram du ram bev luae lol ute melmelo be, kera ram dogo lol ureure geki take mwa du kun be kera tausala n̄ano, ureure geki mwa hav vora te mwasin tanora.

Hibru 13:14

Lol ureure geki bwatutun vanua lavoa vwate sigai be vi tu dum vai tuai, take gida tav atei vanua vwate be vi mai radu.

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.

1 Jon 3:1

Giv vinihi lolotabetabe non Tata be kea mwa dabe maragai gida. Kea mwa dabe maragai gida i mwa uloi gida be ira nituna. Gida mwasin ira nituna. Take sinombu ata lol ureure geki ram hav iloe tehe be gida ira nitun God, bwatuna be ram hav ilo te God.