Ifisas 2:16 - Hano Niu Testamen

¹⁶ Ita mulei bwatuna Kraes be men lol kaburai silo harabora lol davolan tatan̄ana gairua, be men lolira ramuru bora rebehi gaituvwa, i be men lai muleinira lalai God. Kraes mwa lol ginau duluai geki gin mateanana la volovolo.

Ifisas 2:16 ပူးပေါင်းရင်းမြစ်များ

Ravrava non Pol lalai ata Rom 5:10

Lol taro be tan vora ivwalu non God, nu mwemwearu mai gida sivi mateanan nituna kadogaha be gida tam bora ira tuana, kea vi varahu gida sivi rahuana non nituna.

Ravrava non Pol lalai ata Rom 6:6

Tam iloe be rahuda ata amua nu mate mai Jisas alun volovolo, huribe vuroda gaitutuvwai si hav muramura tehe ḡoro gida i gida ta sav vora te turin vuro.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

Ravrava non Pol lalai ata Rom 8:7

La mahavana be binihin atatu mwa lalaḡo hurin non doroniva sibona, kea nu hav tavuha tehe la lolmatan God huribe ram hav doron te didi huri silo non God i ram hav doron te mwasigi be ramen huri silo non God.

1 Korin 10:17

Huribe bereti gaituvwa n̄ano, gida tam bora rebehi gaituvwa, huribe tam bul gaituvwa lol bereti gaituvwa.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Ifisas 2:15

Silo non ira Jius mwa haḡo avoan wasi ivusi mai leo horai, take Kraes mwa lol nogonogoi kaburai silo gea. Bwatuna lalainia huri hano kea mwa lol tatan̄ana gairua ramuru bora sinombu gara gaituvwa alolona i la hala geki mwa lol tamwata.

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Ifisas 4:4

Aia rebehi gaituvwa i Vui non God gaituvwa, i God nu uloinigo be nom doronhohov gaituvwa n̄ano.

Kolosi 2:14

Mwa lin̄ kaburai vuro, gabe God nu ravae mai ira silo vevegi duluai huria i mwa lol nogonogoinia lol taro be mwa boha bolvoloana la volovolo.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.