Ifisas 2:15 - Hano Niu Testamen

¹⁵ Silo non ira Jius mwa haḡo avoan wasi ivusi mai leo horai, take Kraes mwa lol nogonogoi kaburai silo gea. Bwatuna lalainia huri hano kea mwa lol tatan̄ana gairua ramuru bora sinombu gara gaituvwa alolona i la hala geki mwa lol tamwata.

Ifisas 2:15 ပူးပေါင်းရင်းမြစ်များ

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

Kelesia 3:10

Take kera be ram dogo n̄ano ram huri silo be men lolira ramen vavtutu ram dogo halaten vevegi, bwatuna ravrava sabuga mwa bevea be, “Ihei tehe vi lai vevegi be mwa hav gogonai te hano be nu ravana lol bukan silo.”

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Kelesia 6:15

Mwa hav vora te liu be atatu mwa lai tav dovon̄a sa sigai. Muan ginau liu be rav lol garainira mai atatu gara be God nu lolira.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 2:14

Kraes sibona kea nonda tamwata. Kea mwa lol saraḡo sinombu ata Jius mai kera be ram hav vora te sinombu ata Jius ram bora sinombu gaituvwa. Kera ram harabora kun gabe ute bwatu mwa bwat ḡorora, take Kraes mwa salan̄ai kaburai ute bwatun varihaiana gea ginia be mwa lin̄ mwasin rebehina sibona.

Ifisas 2:16

Ita mulei bwatuna Kraes be men lol kaburai silo harabora lol davolan tatan̄ana gairua, be men lolira ramuru bora rebehi gaituvwa, i be men lai muleinira lalai God. Kraes mwa lol ginau duluai geki gin mateanana la volovolo.

Ifisas 4:16

Rebehi duluai mwa du alun Kraes, i ira mavuvun rebehi duluai ram dari i ram bulbulu n̄an utegaituvwa. Vataha mavuvu duluai mwa lalaḡoi mwasin non rovoga be men lol rebehi duluai be vi mauri wasi mai lolotabetabe.”

Kolosi 2:14

Mwa lin̄ kaburai vuro, gabe God nu ravae mai ira silo vevegi duluai huria i mwa lol nogonogoinia lol taro be mwa boha bolvoloana la volovolo.

Kolosi 2:20

Lol taro be gon mate mai Kraes i mwa lai luago nin ira Vui hantai ata lol ureure, huri hano haḡea gom lolia kun gabe gam dogo lalai ureure radu be gom huri ira silo kungeki.

Kolosi 3:10

Gom saga gaisagan rahuan gara, kebe mwa lol garainigo i gom mai kun wani gabe nu loligo. Rahuan gara geki mwa lai lalainigo iloilo nin God.

Kolosi 3:11

Lol rahuan gara ginau vwate nu hav dolua tehe lol davolan ira Lolobon̄i mai ira Jius, kera gabe ran tav dovon̄ara i kera gabe ran hav tav te dovon̄ara, ira tausala sage ira len̄len̄aga, ira turi i ira mwaribwesi. Take Kraes kea lol ginau n̄oto, i Kraes mwa dogo lol ginau duluai.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.

Hibru 7:16

Kea mwa hav haḡo te rovoga non lalaḡo huri silo gea be mwa dovon̄ainia be varan ira tataroi. Kea mwa haḡo rovoga non lalaḡo huri muramuran rahuna gea be sihav nogo te dumwi.

Hibru 8:13

Batena be God nu avoi tatauleo gara, kea nu lol muan tatauleo mwa maleiga i ginau be ram maleiga sihav n̄ava tehe rav nogonogo.

Hibru 9:23

Ginau kera geki be ira tataroi tuai ran haḡoe be ramen gogonai alen̄a ran ḡun nunun ginau be ram du lol ute atamare. Mwa du maragai be daga vi rovo ba lolira be ramen melmelo. Take ira raumatan ginau be ram du lol ute atamare mwa du be vora dagan ginau vwate be nu tavuha liu be vi rovo be men lolira ramen melmelo.