Ifisas 2:12 - Hano Niu Testamen

¹² I kimiu gin togo n̄an vuroi kunia Kraes sigai. Kimiu gin hav vora te udun dameana mai tatauleo be God nu lolia lalai non sinombu. Nomiu doronhohov sigai, i gin hav ilo te God.

Ifisas 2:12 ပူးပေါင်းရင်းမြစ်များ

Leo Tavuha gabe Luk nu Ravae 1:72

I mwa bevea mulei be vi hagav ira sibida, i be vi binihi radui non tatauleo sabuga.

Leo Tavuha gabe Jon nu Ravae 10:16

Vatugi sipsip dodolua gabe bilaku ram hav togo tehe lol vatugigi geki. Nav laira mulei; rav ron̄ siloku, i rai vora vatugi sipsip gaituvwa mai radaiḡoro gaituvwa.”

Leo Tavuha gabe Jon nu Ravae 15:5

“Inau mwasin bwatun taligaon waen, i kimiu rarana. Ihei tehe mwa bulu maiau, inau maia, i vi vwavwae bilin̄iai; huribe gisav lol te dum hano dagai niniau.

Leo Tavuha gabe Jon nu Ravae 4:22

Kimiu ata Samaria gim hav iloe tehe be gim dataro lalai ihei, take kamai ira Jius gam iloe be gam dataro lalai ihei, bwatuna varahuva mwa mai nin ira Jius.

Lalaḡova 2:39

Bwatuna be hogoi non God, nu loli lalai kimiu mai ira nitumiu, i lalai ira hei gabe ram dogo hautu i kera duluai gabe Ratahigi nonda God mwa uloi nira huria.”

Lalaḡova 28:20

Haḡe bwatuna gea nam uloi kimiu be nav gita kimiu, i nav avo lalai kimiu. Bwatuna be ram bauhiau gin gao talai, huri varahu gea be gida ata Israel tam dau nonda doronhohov aluna.”

Lalaḡova 3:25

Haḡe tatauleo non God sivigi non atatun vevsera mwa mai huri kimiu, i kimiu mulei gim bulu alolon silo gabe God nu lolia mai ira sibimiu. Kun gabe nu vevea lalai Ebraham mwa bevea, ‘Nai vatavuhai sinombu duluai la ureure sivi varamwa.’

Ravrava non Pol lalai ata Rom 9:8

Geki binihiva ata alolona be vorate ira varan Ebraham duluai be mwasin ira nitun God. Mwasin nitun Ebraham haḡea kebe ram mai i nitun God bwatun tatauleo be God nu lolia lalai Ebraham.

Kelesia 4:8

Amua gon hav ilo te God, i gon vora turi lalai tagaro be mwa hav vora te mwasina.

Ifisas 2:19

Kadogaha kimiu ira Lolobon̄i gim hav mom bora te ira atat mai sage ira tausala mulei, take kimiu mwasin atatun vanua gaituvwa bul mai sinombu sabuga non God. Kimiu gim bora vara alun God.

Ifisas 4:18

Ram hav ilo te batoia, i ram hav ilo te havanau, bwatuna be ram hav doron tehe didi roron̄tai, i kera rasav lai te dum rahuana be God nu laia.

Kolosi 1:21

Lol taro vwate gon togo dagai nin God. Gon vora non ivwalu lol nomiu binbinihi, i ginau lete be gin lolia vai alun God.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 1:5

Batena be mwasin roroi be Roroi Tavuha mwa mai muana abemiu, gin ron̄oe huba i gim ilo doronhohov be mwa dogo alolona. Doronhohov geki kea bwatun nomiu binihimwasigi garagusi mai nomiu lolotabetabe be mwa lol vatuvwainia hurigo lol ute atamare.

1 Tesalonaeka 4:13

Ira tuaku, gam doron kimiu be giv iloe huri atatun Kraes be ran mate, be gisav ron̄ te mwahantai, kunira rituai be nora doronhohov sigai.

1 Tesalonaeka 4:5

Gisav lol te rebehimiu lol bwatigoro mai vavine i atamwani kun ira len̄len̄aga.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

1 Timoti 1:1

Nin Pol, hala non Kraes Jisas, gin avoan wasi non God varahuda i Kraes Jisas nonda doron hohovi.

Hibru 11:34

Mahavana rituai ram haru bamate dum gabi tabwalue be nu wasi maragai, i mahavan rituai ram romaragai gin atatu be ram doron be ramen wehira gin buan bwaloana. I nora muramura sigai, take God mwa lai muramura lalainira, i kera ram muramura maragai lol taron bwaloana, i ram muramura nin atatun bwaloana non vanua dodolua.

Hibru 6:18

Avoana gairua kera gea, raru sihav leahi te dumwi, i alun avoana gairua gea God sihav tententene tehe dumwi. Gida gabe tam habwe ute tavuha huba, avoana gairua gea ramuru lol nonda binihiva mwa wasi liu, i tav haḡo wasi alen̄a gea be God nu laia huba lalai gida, gabe tam dau nonda doronhohov be mwa du wasigi alun non tatauleo.

Hibru 8:6

I take tam ḡitae be rovoga gea be ira tataroi tuai ran togo ram lolia. I la hala n̄an mulei kunia, tatauleo non God be Jisas nu lai bisirainia lalai atatu, kea mulei nu tavuha maragai liu tatauleo gea ata tuai, huri be avoanan ginau rav tavuha liu, be vi lol wasinia vi tu.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Pita 1:3

Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

1 Pita 3:15

Take giv vinihi marahi Kraes kun abe Ratahigi sabuga lol lolomiu. Giv lol vatuvwai tagaro be giv vwaliu atatu duluai be ram hudaligi be giv vevea huri nomiu doronhohov,

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.