Ifisas 2:11 - Hano Niu Testamen

¹¹ Gisav vinihi te malioi be kimiu ira Lolobon̄i. Taro vwate ran uloi kimiu be ira “tavdovon̄ana sigai” na kera be ran sasagerega be ran tav dovon̄ara.

Ifisas 2:11 ပူးပေါင်းရင်းမြစ်များ

Matiu 20:7

Take ram bwaliua be, ‘Bwatuna be atatu mwa hav hudali te kamai huri rovoga.’ Haḡe kunia, mwa bevea lalainira be, ‘Kimiu mulei giv mai ba lol rovoga lol taluku.’

Ravrava non Pol lalai ata Rom 11:17

Ke kunia n̄ano be tavalun raran gai nin bwatun gai oliv ran mosi dagatagai. Kimiu ira Lolobon̄i gin kun raran gai oliv turu be nu tarihouana vai la muan bwatuna. Kadogaha kimiu gim hara muramura i rahun muan bwatungai, ira Jius.

Ravrava non Pol lalai ata Rom 2:26

Be Lolobon̄i vwate mwa hav tav te dovon̄ana i mwa huri Silo, God mwa ḡitae kun be ran tav dovon̄ana sa sigai?

Ravrava non Pol lalai ata Rom 2:27

Ira Lolobon̄i rav vev bahivoi kimiu ira Jius huribe gim n̄andu Silo son̄o be ran tav dovon̄amiu. Take kera ram ḡogonai Silo len̄len̄a be ran hav tav te dovon̄ara.

1 Korin 12:2

Gim ilo taro be gin togo len̄len̄aga radu, gin huhui kimiu be gin gogonai ira nun vatu ginau be ram hav avo te dumwi.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

Kelesia 2:15

Gida tan vora gi varan ira Jius take vorate “Lolobon̄i vuroga,” be mwa uloiana kunia.

Kelesia 6:12

Atatu rituai ram lol kimiu be ramen tav dovon̄ana alumiu, huribe ram sasagerega lol ginau ata lol rebehi n̄ano. Ram matagu be rav lol ḡagarasira be rav huri volovolo non Kraes.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Ifisas 5:8

Tuai huba kimiu gin togo; lol ute meto, take kadogaha kimiu gim dogo lol ute rani lol Ratahigi. Haḡe giv togo kun ira nitun ute rani.

Filipae 3:3

Kamai haḡea mwasin ira tav dovon̄ana bilan God. Gam ḡogonai God sivi non vui, i nomai sasagerega kea lol Kraes Jisas. Gam hav tau te butuana alumai sibomai sa havanau tehe be gav lol dumwia lalai rebehimai.

Kolosi 1:21

Lol taro vwate gon togo dagai nin God. Gon vora non ivwalu lol nomiu binbinihi, i ginau lete be gin lolia vai alun God.

Kolosi 2:11

Mulei lol Kraes gim haḡo lalan̄an tav dovon̄a, tav dovon̄a gabe mwa hav loli tehe gin lima. Kea sivi tav dovon̄a non Kraes, gabe, mateana, gabe mwa lai luago nin nom muramura sibomwa.

Kolosi 2:13

Lol taro gabe gom mate gin vuromwa, huribe vorate gom maribwesi nin muramuran vuromwa sibomwa. Bwatuna be kimiu ira Lolobon̄i, kimiu gim dogo avare nin Silo. Take God mwa loligo gom rahurahu mai Kraes, i mwa binihi kaburai vuroda duluai.

Kolosi 3:11

Lol rahuan gara ginau vwate nu hav dolua tehe lol davolan ira Lolobon̄i mai ira Jius, kera gabe ran tav dovon̄ara i kera gabe ran hav tav te dovon̄ara, ira tausala sage ira len̄len̄aga, ira turi i ira mwaribwesi. Take Kraes kea lol ginau n̄oto, i Kraes mwa dogo lol ginau duluai.