Ifisas 2:10 - Hano Niu Testamen

¹⁰ God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 2:10 ပူးပေါင်းရင်းမြစ်များ

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Leo Tavuha gabe Jon nu Ravae 3:21

Take ihei tehe gabe mwa lalaḡo vavtutu kea mwa mai vai lol gigita huri be gigita mwa lol bisirainia be hano nu lolia kea nu vora gina gogonai lalai God.

Lalaḡova 9:31

Haḡe kunia uloilua Judia duluai, Kalili mai Samaria ram dogo lol tamwata. Haḡe uloilua mwa mauri doratora gin buluiana non Vui Sabuga, kun gabe mwa dogo gin binihi marahi alun Ratahigi.

Lalaḡova 9:36

Lol vanua Jopa vavine vwate ihana Tabita, kea binihimwasigi vwate (Ihana la avoana ata Krik be Dokas, binihiva be Dia). Lol mahavan rahuna duluai nu lalaḡo tavuha i mwa bului ira hiru.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 8:29

God mwa ilora amua vuri mwa siv lol ureure, i mwa bevea be rai vora kun nituna, huribe Jisas vi vora tuagai lol ira huhugaituvwa ivusi.

1 Korin 3:9

Gida duluai atatun rovoga non God, tam lol rovoga bulbulu haragaituvwa. Kimiu kun gabe ute loloara bilan God, i imwan God.

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

2 Korin 5:5

Geki haḡea huri hano be God nu lol gida, i nu lai lalai gida Vui kun be tatauleo huri rahuan gara geki.

2 Korin 9:8

I God vi lai vatavuha ivusi liua be gom doronia. Kunia gov lai ivusi na ginau duluai be vi dadariha huri vataha rovoga tavuha.

Kelesia 6:15

Mwa hav vora te liu be atatu mwa lai tav dovon̄a sa sigai. Muan ginau liu be rav lol garainira mai atatu gara be God nu lolira.

Ifisas 1:1

Nin Pol hala non Jisas Kraes. Inau hurihuri bwatuna be kea haḡea havanau gabe God nu doronia. Lalai ira sinombu sabuga non Kraes be ram dogo Ivisas, ram binihi alun Kraes Jisas.

Ifisas 1:4

Kea gin binihiva be, lol Kraes, kea nu gita lua gida amua mwa siv tau ureure huria be gida tai vora non sinombu i sinombu be sihav vitultuli te gida lolmatana.

Ifisas 2:13

Take kadogaha lol Kraes Jisas, kimiu be gin togo hautu maragai nin God amua kadogaha mwa lai kimiu sosori sivi dagan Kraes lol mateanana.

Ifisas 2:15

Silo non ira Jius mwa haḡo avoan wasi ivusi mai leo horai, take Kraes mwa lol nogonogoi kaburai silo gea. Bwatuna lalainia huri hano kea mwa lol tatan̄ana gairua ramuru bora sinombu gara gaituvwa alolona i la hala geki mwa lol tamwata.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Ifisas 2:6

I kea mwa lol domarei gida mai Kraes i mwa lai togotogo lalai gida bul maia lol ute ata amare. Mwa lolia geki hurira lol Kraes Jisas,

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 4:24

be giv mai gi atatu gara. Atatu gara gea nu loliana be vi vora kun God nu loliana be vi tavuha mwasigi i vi sabuga.

Filipae 1:6

God nu tau bwatuna be men lol rovoga tavuha alolomiu, i inau nam binihimwasigi be vi van rahurahu aluna vaivotu be vi nogoinia batena be Kraes Jisas vi mai mulei.

Filipae 2:13

bwatuna be God mwa lol rovoga alolomiu, be vi bului kimiu giv doron be giv lol hano be vi lol samsamwarai lolon God.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 3:10

Gom saga gaisagan rahuan gara, kebe mwa lol garainigo i gom mai kun wani gabe nu loligo. Rahuan gara geki mwa lai lalainigo iloilo nin God.

1 Timoti 2:10

Leahia gea, rav lol lalaḡov gin sine tavuha, kea be nu vavtutu huri ira vavine kera be ram bevea be ram ḡogonai God.

1 Timoti 5:10

Vi iloana mulei na non rovoga tavuha, rovoga be nu gitaḡoro tavuhai ira nituna, nu laiḡoḡo ira tausala, nu bwaga lolonen atat sinombu non God, nu buluira be ran togo lol taro ririhai, i nu lin̄ rahuna be vi lol lalan̄an rovoga tavuha.

1 Timoti 5:25

Haḡe kunia mulei rovoga tavuha nu maron̄ron̄o be vi gitan dumwi, take kera mulei be mwa hav gitana te dumwi rasav hili tehe.

1 Timoti 6:18

Goi vevea lalai sinombu rosoga be rav lol lalaḡov tavuha, be rav rosoga be rasav bugura tehe, i rav lol vatuvwai be rav hogohogo lalai atat dodolua.

2 Timoti 2:21

Kera be ram lolira sibora ram melmelo nin Setan, rav haḡoana huri raumatan hala. Kera rav sabuga, rai vora huri Ratahigi, rav lol dautau huri lalan̄an rovoga tavuha.

2 Timoti 3:17

Haḡo avoan sabuga, atatu be mwa lol rovoga lalai God vi lol dumwia, vi lai duluai hano be mwa doronia be vi lol rovoga tavuha duluai.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Taetas 2:7

Lol hala duluai gov vora malele huri lalaḡov tavuha duluai. Batena be gom bagahi, gov vagahi gin vavtutu i binihi marahi.

Taetas 3:1

Vev serae lalai ira binihimwasigi be rav binihi marahi ira tomuai be ram haḡo roron̄o ira tomuai be ram muai ḡoro vanua, rav roron̄tainira rav lol vatuvwai be rav lalaḡoi tavuha,

Taetas 3:14

Nonda sinombu ran huhuinia be rav lai rahura huri lalaḡov tavuha be mwa lai havanau huri nora togoan tavuha be sihav hantai tehe.

Taetas 3:8

Silo vagahi geki mwasigi, i nam doronia be giv ilo tavuhainia huri be sinombu rav ilo tavuhai halan ginau kera geki. Vuvuri kera be ram binihimwasigi alun God rav gitaḡoro be rahura rav lalaḡoi ginau tavuha. Ginau kera geki ran tavuha i rav bului atatu duluai.

Hibru 10:24

Nu tavuha be tav binbinihi huri gida gaitutuvwai be tav bulubului gida be vi lol gida tav wasi be tav bului atatu i be tav lol alen̄ tavuha.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 2:6

I be tas vevea be gida tam dogo lol bulbuluana mai God, gida tav huri malelen Jisas Kraes mwasigi.